Tobit 1
1
1Ako si Tobit ug mao kini ang sugilanon sa akong kinabuhi. Ang akong amahan mao si Tobiel, ang akong apohan mao si Ananiel ug ang amahan sa akong apohan mao si Aduel. Ang amahan ni Aduel mao si Gabael, ang iyang apohan mao si Rafael ug ang amahan sa iyang apohan mao si Raguel nga sakop#1:1 Rafael…Raguel: Ang ubang hubad wala maghisgot niini. sa banay ni Asiel, usa ka bahin sa tribo ni Neftali. 2Sa#2 Hari 17:3; 18:9. panahon nga si Salmaneser ang emperador sa Asiria, nabihag ako gikan sa akong lungsod nga natawhan nga mao ang Tisbi nga nahimutang sa amihanan sa Galilea, habagatan sa Cades sa Neftali ug amihanan kasadpan sa Hazo ug amihanan sa Fogor.
Ang Kinabuhi sa Batan-on pa si Tobit
3Sa tibuok nakong kinabuhi maligdong ako ug naningkamot sa pagbuhat sa matarong. Naghatag ako ug limos ug naghimog uban pang buhat sa kaluoy aron pagtabang sa akong mga kadugo nga nanginahanglan ug sa mga isigka-Judio nga nabihag uban kanako ngadto sa Ninibe, ang ulohang siyudad sa Asiria.
4Sa batan-on pa ako, nagpuyo ako sa amihanan sa Israel. Ang tanang banay sa Israel kinahanglan nga maghalad ug sakripisyo didto sa Jerusalem. Mao kini ang bugtong nga siyudad nga gipili sa Dios gikan sa tanang siyudad sa Israel diin tukoron ang iyang Templo aron mahimong iyang balaan nga puloy-anan hangtod sa kahangtoran. Apan ang tibuok nga banay sa Neftali diin ako nahisakop misalikway sa siyudad sa Jerusalem ug sa mga hari nga naggikan ni David. 5Sama#1 Hari 12:28-29. sa tanang sakop niining maong banay, ang akong panimalay usab nag-adtoan sa siyudad sa Dan didto sa kabukiran sa amihanan sa Galilea aron sa paghalad ug mga sakripisyo ngadto sa baka nga bulawan nga gipatindog sa hari sa Israel nga si Jeroboam.
Ang Pagkamatinumanon ni Tobit sa Iyang Relihiyon
6Ako#Deut. 16:16. ra sa among panimalay ang nag-adtoan sa Jerusalem aron paghimo sa mga relihiyosong kasaulogan sumala sa gisugo sa Balaod ni Moises nga buhaton sa matag Israelita. Modali ako pag-adto sa Jerusalem aron pagdala sa unang bahin sa akong ani, sa panganay sa akong kahayopan, sa ikapulo sa akong mga baka ug sa bag-ong tinupi nga balhibo sa akong mga karnero. Unya motindog ako sa atubangan sa altar didto sa Templo ug maghalad niining mga gasa ngadto sa mga pari nga kaliwat ni Aaron. 7Ang ikapulo sa akong trigo, bino, lana sa olibo, granada, igos ug sa uban nga mga bunga akong ihatag ngadto sa mga Levita nga nag-alagad sa Dios didto sa Jerusalem. Matag tuig, gawas sa ikapito nga tuig diin gipapahulay ang yuta, magbaligya ako sa ikaduhang ikapulo sa akong mga kabtangan ug gastohon ko ang halin didto sa Jerusalem alang sa pagkaon sa kasaulogan.
8Matag ikatulo nga tuig, maghatag ako sa ikatulong ikapulo#1:8 ikatulong ikapulo: Ang ubang sinulat nag-ingon, salapi. ngadto sa mga balo ug mga ilo ug mga langyaw nga nagpuyo uban sa among katawhan ug salohan namo ang pagkaon sa kasaulogan. Gihimo ko kini subay sa Balaod ni Moises nga gitudlo nga ipatuman kanako ni Debora, ang inahan sa akong apohan nga si Ananiel.#1:8 apohan nga si Ananiel: o amahan nga si Tobiel. (Nailo ako sa diha nga namatay ang akong amahan.)
Ang Pagkamatinumanon ni Tobit Panahon sa Pagkabihag
9Sa dako na ako, gipangasawa ko si Ana, usa ka sakop sa among kaugalingong banay. Nakabaton kamig usa ka anak nga lalaki nga ginganlag Tobias. 10Unya gibihag ako ug giabog ngadto sa Asiria ug mao nga didto ako mipuyo sa Ninibe.
Samtang nagpuyo kami didto sa Ninibe, ang tanan nakong mga paryenti ug isigka-Judio naanad sa pagkaon sa samang matang sa pagkaon nga gikaon sa mga tawo nga nagpuyo didto. 11Apan nagdumili ako sa paghimo niini 12kay giisip ko nga mahinungdanon ang mga gisugo sa Labing Halangdong Dios. 13Unya gihimo niyang tahoron ako ni Emperador Salmaneser ug gihimo ako nga piniyalan sa pagpamalit sa tanan nga mga kinahanglanon sa emperador.
14Sa wala pa mamatay ang emperador, nagbiyahian ako ngadto sa yuta sa Media aron pagpamalit didtog mga butang alang kaniya. Makausa niana, samtang didto ako sa siyudad sa Rages didto sa Media, nagbilin ako ug pipila ka puntil nga salapi ngadto kang Gabael, ang igsoong lalaki ni Gabrias, ug gihangyo ko siya nga iya kining tipigan alang kanako. May mga 330 ka kilo nga salapi nga plata sulod niadtong mga puntil. 15Sa pagkamatay ni Salmaneser misunod kaniya nga emperador ang iyang anak nga si Senakerib. Wala madugay peligro na kaayo ang pagbiyahe sa mga dalan ngadto sa Media busa wala na ako makahimo sa pag-adto didto.
Gilubong ni Tobit ang mga Minatay
16Samtang emperador pa si Salmaneser, giatiman ko pag-ayo ang mga panginahanglan sa akong isigka-Judio. 17Kon#Job 31:16-20. gutomon sila paambitan ko ang akong pagkaon kanila. Kon magkinahanglan silag bisti hatagan ko sila sa pipila sa akong kaugalingong bisti. Sa matag higayon nga makakita ako sa patayng lawas sa usa sa among katawhan nga gilabay gawas sa paril sa siyudad, ipahigayon ko ang paglubong niini.
18Usa ka adlaw niana, gitunglo ni Senakerib ang Dios nga Hari sa Langit. Gisilotan siya sa Dios ug si Senakerib napugos sa pagsibog gikan sa Juda. Sa pagbalik na niya ngadto sa Media, hilabihan niyang pungota busa gipatay niya ang daghang mga Israelita. Apan sa tago akong gihipos ug gilubong ang mga lawas nga patay. Unya sa pagpangita ni Senakerib sa mga lawas, wala na niya kini hikaplagi.
19Unya may usa ka tawo nga taga-Ninibe nga nagtaho sa emperador nga ako mao ang naglubong sa iyang mga biktima. Sa pagkaamgo nako nga nahibalo ang emperador sa tanan mahitungod kanako ug nga namiligro ang akong kinabuhi, nahadlok ako. Busa milayas ako ug mitago. 20Ang tanan nakong kabtangan gisakmit ug gibutang sa panudlanan sa hari. Ang tanan nga nahibilin kanako mao na lamang ang akong asawa nga si Ana ug ang akong anak nga si Tobias.
Giluwas si Tobit sa Iyang Pag-umangkon
21Mga unom ka semana human niini, si Senakerib gipatay sa duha sa iyang mga anak ug unya milayas sila ngadto sa kabukiran sa Ararat. Ang iyang laing anak nga si Esarhadon maoy nahimong emperador ug si Ahikar, anak sa akong igsoong lalaki nga si Anael, maoy gihimo niya nga engkargado sa panalapi sa emperyo. 22Mao kini ang ikaduha nga higayon nga gitudlo si Ahikar niining puwestoha kay sa emperador pa si Senakerib sa Asiria, si Ahikar mao na man ang tinugyanan sa bino, tesorero ug tig-ihap sa panalapi ug nahimong engkargado sa silyo opisyal. Tungod kay pag-umangkon man nako si Ahikar, girekomendar ako niya sa emperador ug gitugotan ako sa pagbalik ngadto sa Ninibe.
Currently Selected:
Tobit 1: MBBCEB99
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.