Sirac 49
49
Si Josias
1Ang#2 Hari 22:1; 22:11-13; 23:3, 25. handomanan ni Josias sama katam-is sa kahumot sa maayo ug inantigong pagkasagol nga insenso, matam-is nga tagamtamon ingon sa dugos, daw honi uban sa bino diha sa usa ka bangkite. 2Gisunod niya ang husto nga paagi sa pagtarong sa nasod ug gipahunong ang mga ngil-ad nga mga pagsimba sa mga diosdios. 3Hingpit siya nga misunod sa Ginoo ug gilig-on niya ang matuod nga relihiyon niadtong daotan nga mga panahon.
Si Jeremias
4Ang tanang mga hari, gawas ni David, Ezequias ug Josias, maoy mga makalilisang nga mga makasasala tungod kay gibiyaan nila ang Balaod sa Labing Halangdon hangtod sa kinatumyan sa gingharian. 5Gitahan nila ang ilang gahom ug dungog ngadto sa mga langyaw 6nga#Jer. 1:4-10; 39:8. nagsunog sa balaan nga siyudad ug gibiyaan nga walay tawo ang kadalanan sumala sa gisulti ni Jeremias. 7Si Jeremias gidaugdaog pag-ayo bisan siya pinili ingon nga propeta sa wala pa gani siya matawo “aron pag-ibot ug paglumpag, aron paglaglag ug pagpukan” ug aron usab “pagtukod ug pagtanom.”
Si Ezequiel
8Si#Ezeq. 1:3-15; 14:14-20. Ezequiel mao ang gipakitaan sa talan-awon sa himaya sa Dios diha sa karwahi ug sa mga kerubin. 9Naghisgot siya sa propeta nga si Job nga sa kanunay nagbuhat sa matarong.#49:9 Ang tibuok bersikulo dili klaro sa Grego.
Ang 12 ka Propeta
10Hinaot unta nga ang mga bukog sa 12 ka propeta mabuhi pag-usab tungod kay kining mga tawhana nagdasig sa katawhan sa Israel ug nagluwas kanila uban sa masaligon nga paglaom.
Si Sorobabel ug Josue
11Unsaon#Esd. 3:2; Hag. 2:23. man nato pagdayeg kang Sorobabel? Sama siya sa usa ka singsing diha sa tuong kamot sa Ginoo, 12ug#Hag. 1:1, 12. mao usab si Josue nga anak ni Jehosadak. Sila nagtukod pag-usab sa balaan nga Templo sa Ginoo nga gigahin alang sa kabantog nga walay kinutoban.
Si Nehemias
13Ang#Neh. 6:15. handomanan ni Nehemias dako usab. Gitukod niya pag-usab ang mga paril sa Jerusalem. Gibutangan niya kini ug mga pultahan ug mga trangka. Gitukod niya pag-usab ang atong mga puloy-anan.
Ang mga Patriarka
14Walay sama kang Enoc nga nagkinabuhi dinhi sa ibabaw sa yuta kay gidala man siya sa itaas gikan sa yuta. 15Walay lain nga sama kang Jose nga natawo kay bisan ang iyang mga bukog gipasidunggan man. 16Si Sem, si Set ug si Enos gipasidunggan pag-ayo apan ang himaya ni Adan labaw pa sa kang bisan kinsa nga buhi.
Currently Selected:
Sirac 49: MBBCEB99
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.