Sirac 42
42
Ang Angay Ipasigarbo
1Sa laing bahin, ayaw pagpakasala pinaagi sa pagkahadlok kon unsay isulti sa uban batok kanimo. Ania ang pipila ka mga butang nga dili gayod angay nga ikaulaw:
2ang Balaod sa Labing Halangdon ug ang iyang kasabotan,
ang makiangayon nga paghukom bisan sa mga tawo nga wala motuog Dios,
3ang pakigbahin sa mga galastohon uban sa kauban sa patigayon o sa kauban sa biyahe,
ang pagpakig-ambit ug kabilin,
4ang paggamit sa hustong mga timbangan ug sukdanan,
5ang paghimog ganansya gikan sa pagpatigayon,
ang subsob nga pagpanton sa imong mga anak
ug ang pagbunal sa usa ka mabudhion nga ulipon hangtod motulo ang dugo.
6Maalamon ang pagkandado sa mga butang kon dili ikaw makasalig sa imong asawa o kon anaay daghan kaayong mga tawo sa palibot. 7Pagbaton ug husto nga listahan sa bisan unsang deposito nga imong gihimo o bisan unsang butang nga imong nahatag o nadawat. 8Ayaw pag-ukon-ukon sa pagbadlong sa usa ka tawo nga nagbinuang o sa usa ka tigulang nga lalaki nga nakig-uban-uban sa mga babayeng nagbaligyag dungog. Kon imong sundon kining tanang mapuslanong tambag ang tanan mouyon sa imong panglihok.
Mga Amahan ug mga Anak nga Babaye
9Ang#Sir. 7:24-25; 26:10-12. usa ka amahan walay kinatulgan sa gabii tungod sa iyang kabalaka mahitungod sa iyang anak nga babaye bisan wala mahibalo ang iyang anak niini. Kon ang iyang anak nga babaye batan-on, maguol siya nga tingali dili kini maminyo. Kon maminyo kini, mabalaka siya mahitungod sa kalipay sa iyang anak. 10Kon kini usa ka ulay, mabalaka siya nga tingali mabuong ang dungog niini ug mamabdos samtang nagpuyo diha sa iyang balay. Kon minyo na ang iyang anak nga babaye, mabalaka siya nga tingali ang iyang anak magluib ug nga tingali dili kini manganak.
11Bantayi pag-ayo ang imong anak nga babaye kon matinumanon siya sa iyang gusto. Kay kon dili, himoon ka niyang kataw-anan atubangan sa imong mga kaaway. Mahimo ikaw nga sumsuman sa mga tabi diha sa lungsod ug maulawan ka diha sa publiko. Siguroa nga walay mga bintana ang iyang lawak ug laing dapit diin makatan-aw siya ngadto sa pultahan sa balay.#42:11 Siguroa…balay: Sa Grego wala kining mga pulonga. 12Ayaw pagtugot nga magpasigarbo siya sa iyang katahom atubangan sa mga lalaki o makigtabi uban sa mga babaye. 13Ang mga babaye magdaot sa laing mga babaye sama nga ang anunugba magdaot sa mga sinina.
14Ang kadaotan sa usa ka lalaki mas maayo kay sa kaayo sa usa ka babaye; ang mga babaye maoy magdala sa kaulaw ug sa disgrasya.
Ang Himaya sa Dios diha sa Kinaiyahan
15Karon pahinumdoman ko kamo sa mga buhat sa Ginoo,
ug isaysay ko ang mga butang nga akong nakita.
Ang mga pulong sa Ginoo maoy nagpatungha sa iyang mga buhat,
ug ang tibuok kabuhatan nagtuman sa iyang mga sugo.
16Ang kahayag sa adlaw nagadan-ag nganha sa tanang mga butang,
ug ang tanan napuno sa himaya sa Ginoo.
17Bisan gani sa iyang balaan nga mga anghel
wala maghatag ang Ginoo ug gahom sa pag-asoy sa tanan niyang gamhanan nga mga buhat,
bisan kon gihatagan niya sila ug katungod sa pagbarog
diha sa iyang mahimayaon nga atubangan.#42:17 bisan…atubangan: Sa Grego, aron nga ang tibuok kabuhatan mapahiluna nga lig-on diha sa iyang himaya.
18Nakita niya ang kahiladman ug ang kasingkasing sa tawo,
ug nahibalo siya sa mga tinagoan niining duha.
Ang Labing Halangdon nahibalo sa tanang butang nga mahibaloan
ug nakasabot sa mga timailhan sa katuigan.
19Nahibalo siya sa tanan nga nabuhat kaniadto ug sa buhaton pa unya;
iyang gipadayag ang kinahiladman sa mga misteryo.
20Nahibalo siya sa atong tagsatagsa ka hunahuna,
ug nakadungog sa atong tagsatagsa ka pulong.
21Ang kalibotan nga mahusay nagapadayag sa kadako sa iyang kaalam;
siya mao hangtod sa kahangtoran.
Walay ikadugang kaniya
ug walay makuha gikan kaniya;
wala siya magkinahanglan kang bisan kinsa aron magtambag kaniya.
22Matahom ang tanan niyang mga buhat
bisan ang labing gamay ug ang labing hanap nga sidlak sa kahayag.
23Ang tanang mga butang magapadayon hangtod sa hangtod,
ug kining tanan adunay katuyoan.
24Ang tanang mga butang aduna gayoy paris,
ang matag usa aduna gayoy kaatbang nga sukwahi niini,
ug walay gibuhat ang Ginoo nga dili hingpit.
25Ang matag usa naghingpit gayod sa kaayo sa usa.
May tawo ba nga nakakita ug labaw pa niini katahom?
Currently Selected:
Sirac 42: MBBCEB99
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.