Mga Salmo 46
46
Ang Dios Nag-uban Kanato#ANG ULOHAN SA HEBREO: Ngadto sa Pangulong Musikero. Salmo sa mga anak ni Korah. Sumala sa tuno sa awit nga “Alamot.”
1Ang Dios mao ang atong dalangpanan ug kusog.
Andam siya kanunay sa pagtabang panahon sa kalisdanan.
2Busa dili kita mahadlok bisan matay-og ang yuta
ug matumpag ang kabukiran ngadto sa kahiladman sa dagat;
3bisan pag modahunog ang dagat ug magpungasi ang mga balod,
ug ang kabungtoran matay-og sa kagahob niini.
4May sapa nga ang tubig naghatag ug kalipay sa siyudad sa Dios,
ang balaang puloy-anan sa Labing Halangdon.
5Ang Dios anaa magpuyo niining siyudara,
ug dili gayod kini malumpag.
Sa sayong kabuntagon moanha siya aron pagtabang niini.
6Nagkaguliyang ang kanasoran ug natay-og ang mga gingharian;
inigsinggit sa Dios matunaw ang kayutaan.
7Ang Ginoo nga Labing Makagagahom kauban nato;
ang Dios ni Jacob mao ang atong dalangpanan!
8Ngari kamo, tan-awa ang nahimo sa Ginoo!
Tan-awa ang mga katingalahang butang nga iyang nahimo dinhi sa yuta!
9Gipahunong niya ang mga gubat sa tibuok kalibotan;
gibalibali niya ang mga pana ingon man ang mga bangkaw
ug gidaoban ang mga taming.#46:9 taming: o karwahi.
10Miingon siya, “Hunonga ang inyong panag-away ug ilha ako nga mao ang Dios,
ang labawng pangulo sa kanasoran
ug sa tibuok kalibotan!”
11Ang Ginoo nga Labing Gamhanan kauban nato;
ang Dios ni Jacob mao ang atong dalangpanan.
Currently Selected:
Mga Salmo 46: MBBCEB99
Highlight
Share
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999