ZACARIAS 6
6
Ang Panan-awon Mahitungod sa Upat ka Karwahi
1Ug giyahat nako pag-usab ang akong mga mata, ug nakita nako ang upat ka karwahi nga migula gikan sa taliwala sa duha ka bukid, mga bukid nga bronsi. 2#Pin. 6:4; Pin. 6:5. Ang unang karwahi adunay pula nga mga kabayo, ang ikaduha adunay itom nga mga kabayo, 3#Pin. 6:2. ang ikatulo adunay puti nga mga kabayo ug ang ikaupat nga karwahi adunay abohon nga mga kabayo. 4Unya ako miingon sa anghel nga nakigsulti kanako, “Unsa ba kini, akong agalon?” 5#Pin. 7:1. Ug ang anghel mitubag kanako, “Kini mao ang upat ka hangin sa langit nga mopanaw human makapakita sa ilang kaugalingon atubangan sa Ginoo sa tibuok nga yuta. 6Ang karwahi nga adunay itom nga mga kabayo mopanaw paingon sa yuta sa amihanan, ang mga puti moadto sa kasadpan#6:6 sa kasadpan: Sa Hebreo, sunod kanila. ug ang mga abohon paingon sa yuta sa habagatan.” 7Sa diha nga ang mga kabayo nanggula, kini nagpanglugnot sa pag-adto ug sa paglibot sa kalibotan. Ug siya miingon, “Lakaw, libota ninyo ang kalibotan.” Busa gilibot nila ang tibuok kalibotan. 8Unya misinggit siya kanako, “Tan-awa, sila nga miadto paingon sa yuta sa amihanan nagpahiluna sa akong espiritu diha sa amihanan.”
9Ug ang pulong sa Ginoo midangat kanako: 10“Pagkuha gikan sa mga nangabihag nga si Heldai, Tobias, si Jedaias, nga nangabot gikan sa Babilonia, ug sa maong adlaw adto sa balay ni Josias nga anak ni Zefanias. 11Kuhaa gikan kanila ang plata ug ang bulawan, ug paghimo ug usa ka korona ug ibutang kini sa ulo ni Josue nga anak ni Jehosadak, ang labawng pangulong pari. 12#Jer. 23:5; 33:15; Zac. 3:8. Ug sultihi siya, ‘Mao kini ang giingon sa Ginoo sa mga panon: “Tan-awa, ang tawo nga ginganlan ug Sanga, kay siya moturok diha sa iyang dapit, ug tukoron niya ang Templo sa Ginoo. 13Siya mao ang magtukod sa Templo sa Ginoo, ug dad-on niya ang dungog, ug molingkod ug magmando diha sa iyang trono. Ug adunay pari tupad sa iyang trono, ug ang malinawong pagsinabtanay anaa sa taliwala nilang duha.” ’ 14Ug ang korona ipahiluna diha sa Templo sa Ginoo ingon nga usa ka handomanan kang Heldai,#6:14 Heldai: Sa Hebreo, Helem. kang Tobias, kang Jedaias, ug kang Josias#6:14 Josias: Sa Hebreo, Hen. nga anak ni Zefanias.
15“Ug sila nga atua sa layo moanhi ug motabang sa pagtukod sa Templo sa Ginoo, ug kamo makaila nga ang Ginoo sa mga panon maoy nagpadala kanako nganhi kaninyo. Ug kini mahitabo kon kamo magmakugihon sa pagtuman sa tingog sa Ginoo nga inyong Dios.”
Currently Selected:
ZACARIAS 6: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
