MGA TAGA-ROMA 16

Mga Pangumosta

1Ipaila nako kaninyo ang atong igsoon nga si Phoebe, usa ka alagad sa iglesia sa Cencrea, 2aron inyo siyang dawaton diha sa Ginoo ingon nga angay sa mga balaan, ug tabangan ninyo siya sa bisan unsa nga iyang gikinahanglan gikan kaninyo, kay daghan ang iyang gitabangan, lakip ako.

3 # Buh. 18:2. Ipangumosta ako kang Prisca ug Aquila, ang akong mga kauban nga magbubuhat diha kang Cristo Jesus. 4Gitahan nila ang ilang mga kinabuhi#16:4 kinabuhi: Sa Grego, liog. ngadto sa katalagman alang sa akong kinabuhi, ug kanila nagpasalamat dili lamang ako kondili ang tanan usab nga mga iglesia sa mga Gentil. 5Ipangumosta usab ako sa iglesia nga anaa magtigoman sa ilang balay. Ipangumosta ako sa akong mahal nga higala nga Epeneto, nga mao ang unang nakabig didto sa Asia alang kang Cristo. 6Ipangumosta ako kang Maria nga naghago pag-ayo uban kaninyo. 7Ipangumosta ako kang Andronico ug kang Junia, mga kauban nako nga binilanggo. Kini sila inila sa mga apostoles, ug sila una pa kanako diha kang Cristo. 8Ipangumosta ako kang Ampliato, ang akong minahal diha sa Ginoo. 9Ipangumosta ako kang Urbano, ang atong kauban nga magbubuhat diha kang Cristo, ug kang Stacos nga akong minahal. 10Ipangumosta ako kang Apeles nga namatud-an diha kang Cristo. Ipangumosta ako sa mga sakop sa banay ni Aristobulo. 11Ipangumosta ako kang Herodion nga akong kadugo. Ipangumosta ako sa mga anaa sa Ginoo nga sakop sa banay ni Narciso. 12Ipangumosta ako kang Trifena ug Trifosa nga mga naghago diha sa Ginoo. Ipangumosta ako kang Persida, nga akong minahal, nga naghago pag-ayo diha sa Ginoo. 13#Mar. 15:21. Ipangumosta ako kang Rufo, nga pinili diha sa Ginoo, ug sa iyang inahan nga akoa usab. 14Ipangumosta ako kanila ni Asincrito, Flegon, Hermes, Patrobas, Hermas, ug sa mga kaigsoonan nga anaa uban kanila. 15Ipangumosta ako kanila ni Filologo, Julia, Nereo ug sa iyang igsoong babaye, ug kang Olimpas, ug sa tanang mga balaan nga anaa uban kanila. 16Pagpangumostahay kamo sa usa ug usa pinaagi sa balaan nga halok. Nangumosta kaninyo ang tanang mga iglesia nga iya ni Cristo.

Kataposang mga Pahimangno

17Naghangyo ako kaninyo mga igsoon, sa pagbantay sa mga naghimo ug mga pagbahinbahin ug mga kapandolan nga supak sa pagtulun-an nga inyong nakat-onan, ug likayi sila. 18Kay kini sila wala mag-alagad sa atong Ginoong Cristo, kondili sa ilang kaugalingong tiyan, ug pinaagi sa nindot ug madanihong mga pulong naglimbong sila sa kasingkasing sa mga yano ug panabot. 19Kay bisan tuod ang inyong pagkamasinugtanon naabot ngadto sa tanan, nga tungod niana nalipay ako tungod kaninyo, buot nako nga magmaalamon kamo mahitungod sa maayo, apan mga walay alamag mahitungod sa daotan. 20Ug sa dili madugay ang Dios sa kalinaw magdugmok kang Satanas diha sa ilalom sa inyong mga tiil. Ang grasya sa atong Ginoong Jesu-Cristo mag-uban kaninyo.

21 # Buh. 16:1. Si Timoteo, ang akong kauban nga magbubuhat, nangumosta kaninyo; ingon man usab sila si Lucio ug si Jason ug si Sosipatro, nga akong mga kadugo.

22Ako si Tercio, nga maoy nagsulat niining sulata, nangumosta kaninyo diha sa Ginoo.

23 # Buh. 19:29; 1 Cor. 1:14; 2 Tim. 4:20. Si Gayo, ang tagbalay nga nag-abiabi kanako ug sa tibuok iglesia, nangumosta kaninyo. Nangumosta kaninyo sila si Erasto nga mamahandi sa siyudad, ug si Cuarto nga atong igsoon.#16:23 Ang ubang karaang sinulat nagdugang ug bersikulo 24: Ang grasya sa atong Ginoong Jesu-Cristo mag-uban kaninyong tanan. Amen.

Panapos nga Panalangin

25Ngadto kaniya nga makahimo paglig-on kaninyo sumala sa akong Maayong Balita ug sa pagsangyaw kang Jesu-Cristo, sumala sa pagpadayag sa misteryo nga gitipigan sa hilom sulod sa taas nga panahon 26apan karon gipadayag na, ug pinaagi sa mga sinulat sa mga propeta gibutyag na ngadto sa tanang kanasoran, sumala sa mando sa Dios nga dayon, aron sila magmatinumanon diha sa pagtuo, 27ngadto sa bugtong nga maalamong Dios, maiya ang himaya hangtod sa kahangtoran pinaagi kang Jesu-Cristo! Amen.#16:25-27 Ang ubang karaang sinulat wala maglakip niini, ang uban mibutang niini human sa 14:23.

Currently Selected:

MGA TAGA-ROMA 16: ABCEB

Highlight

Copy