PINADAYAG 5
5
Ang Basahong Linukot ug ang Nating Karnero
1 #
Ezek. 2:9-10; Isa. 29:11. Ug nakita nako diha sa tuong kamot niadtong naglingkod sa trono ang usa ka basahong linukot nga may sinulat diha sa sulod ug sa likod niini, sinilyohan ug pito ka silyo. 2Ug nakita nako ang usa ka kusgan nga anghel nga nagpahibalo pinaagi sa kusog nga tingog, “Kinsa ba ang takos sa pagbukas sa basahong linukot ug sa pagtangtang sa mga silyo niini?” 3Ug walay usa sa langit o sa yuta o sa ilalom sa yuta nga makahimo pagbukas sa basahong linukot o sa pagtan-aw niini. 4Ug ako mihilak pag-ayo kay walay si bisan kinsa nga nakaplagan nga takos sa pagbukas sa basahong linukot o sa pagtan-aw niini. 5#Gen. 49:9; Isa. 11:1, 10. Unya usa sa mga kadagkoan miingon kanako, “Ayaw paghilak, tan-awa, nagmadaogon ang Liyon sa banay ni Juda, ang Gamot ni David, nga tungod niana makahimo siya sa pag-abli sa basahong linukot ug sa pito ka silyo niini.”
6 #
Isa. 53:7;
Zac. 4:10. Ug sa taliwala sa trono ug sa upat ka buhing binuhat ug taliwala sa mga kadagkoan nakita nako ang usa ka Nating Karnero nga nagtindog nga daw gipatay, may pito ka#5:6 pito ka: wala kini sa ubang karaang sinulat. sungay ug pito ka mata nga mao ang pito ka espiritu sa Dios nga gipadala ngadto sa tibuok nga yuta. 7Ug siya miadto ug iyang gikuha ang basahong linukot gikan sa tuong kamot niadtong naglingkod sa trono. 8#Sal. 141:2. Ug sa nakuha na niya ang basahong linukot, ang upat ka buhing binuhat ug ang 24 ka kadagkoan mihapa sa atubangan sa Nating Karnero, ang matag usa nagkupot ug alpa ug mga bulawang panaksan nga puno sa insenso, nga mao ang mga pag-ampo sa mga balaan.
9 #
Sal. 33:3; 98:1; Isa. 42:10. Ug nag-awit sila sa usa ka bag-ong awit nga nag-ingon,
“Takos ikaw sa pagkuha sa basahong linukot ug sa pagbukas sa mga silyo niini,
kay ikaw mao man ang gipatay ug pinaagi sa imong dugo gilukat nimo ang mga tawo alang sa Dios,
gikan sa tanang kabanayan ug pinulongan ug katawhan ug kanasoran,
10 #
Ex. 19:6; Pin. 1:6. ug gihimo nimo sila nga usa ka gingharian ug mga pari ngadto sa atong Dios,
ug sila maghari sa yuta.”
11Unya diha sa palibot sa trono ug sa mga buhing binuhat ug sa mga kadagkoan akong nakita ug akong nadungog ang tingog sa daghang mga anghel nga ang gidaghanon napulo ka libo ka tagnapulo ka libo ug liboan ka libo#Dan. 7:10. 12nga nag-ingon sa kusog nga tingog, “Ang Nating Karnero nga gipatay takos sa pagdawat ug gahom ug bahandi ug kaalam ug kusog ug kadungganan ug himaya ug pagdayeg!” 13Ug nadungog nako ang tanang binuhat nga anaa sa langit ug sa yuta ug sa ilalom sa yuta ug anaa sa dagat, ug ang tanan nga diha niini, nga nag-ingon, “Ngadto kaniya nga naglingkod sa trono ug ngadto sa Nating Karnero ang pagdayeg ug ang kadungganan ug ang himaya ug ang gahom hangtod sa kahangtoran!” 14Ug ang upat ka buhing binuhat miingon, “Amen!” ug ang mga kadagkoan mihapa ug misimba.
Currently Selected:
PINADAYAG 5: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
