PINADAYAG 19
19
Ang Dakong Panon Didto sa Langit Nagdayeg sa Dios
1Human niini nadungog nako ang daw kusog nga tingog sa usa ka dakong panon didto sa langit, nga nag-ingon,
“Aleluya! Ang kaluwasan ug ang himaya ug ang gahom iya sa atong Dios;
2 #
Deut. 32:43; 2 Hari 9:7. kay ang iyang mga hukom matuod ug matarong,
iyang gihukman ang bantogang daotan nga babaye nga nakapahugaw sa kalibotan pinaagi sa iyang pagkamakihilawason,
ug diha kaniya gipanimaslan sa Dios ang dugo sa iyang mga sulugoon.”
3 #
Isa. 34:10. Ug miusab sila sa pagsinggit nga nag-ingon,
“Aleluya! Ang iyang aso mag-utbo hangtod sa kahangtoran.”
4Ug mihapa ang 24 ka kadagkoan ug ang upat ka buhing binuhat, ug ilang gisimba ang Dios nga naglingkod sa trono, nga nag-ingon, “Amen. Aleluya!”
Ang Kombira sa Kasal sa Nating Karnero
5 #
Sal. 115:13. Ug gikan sa trono miabot ang usa ka tingog nga nagsinggit,
“Dayega ninyo ang atong Dios, kamong tanan nga iyang mga ulipon,
kamo nga may kahadlok kaniya, mga dili inila ug mga bantogan.”
6 #
Ezek. 1:24;
Sal. 93:1; 97:1; 99:1. Unya nadungog nako ang daw tingog sa usa ka dakong panon, sama sa kagahob sa daghang mga tubig ug sama sa kagahob sa kusog nga mga pagdalugdog, nga nagsinggit,
“Aleluya! Kay naghari ang Ginoo nga atong Dios nga Makagagahom sa Tanan.
7Maglipay ug magsadya kita ug ihatag nato kaniya ang himaya,
kay ang kasal sa Nating Karnero miabot na,
ug ang iyang Pangasaw-onon nakaandam na sa iyang kaugalingon,
8ug sa Pangasaw-onon gitugot ang pagbisti ug pino nga lino, sanag ug putli”,
kay ang pino nga lino mao man ang mga matarong nga binuhatan sa mga balaan.
9 #
Mat. 22:2-3. Ug ang anghel miingon kanako, “Isulat kini: Bulahan ang mga gipangdapit ngadto sa kombira sa kasal sa Nating Karnero.” Ug siya miingon kanako, “Kini matuod nga mga pulong sa Dios.” 10Unya mihapa ako sa iyang tiilan aron unta sa pagsimba kaniya, apan siya miingon kanako, “Ayaw kana buhata! Ako usa lamang ka sulugoon nga kauban nimo ug sa imong kaigsoonan nga naghupot sa pagpamatuod mahitungod kang Jesus. Maoy simbaha ang Dios. Kay ang pagpamatuod mahitungod kang Jesus mao man ang espiritu sa propesiya.”
Ang Nagkabayo sa Puti nga Kabayo
11 #
Ezek. 1:1;
Sal. 96:13; Isa. 11:4. Unya nakita nako nga nabukas ang langit, ug dihay usa ka puti nga kabayo! Ang nagkabayo niini ginganlan ug Kasaligan ug Matuod ug pinaagi sa pagkamatarong siya naghukom ug nakiggubat. 12#Dan. 10:6. Ang iyang mga mata daw kalayo nga nagdilaab, ug sa iyang ulo dihay daghang mga purongpurong, ug siya may sinulat nga ngalan nga walay bisan kinsa nga nasayod gawas sa iyang kaugalingon. 13Siya nagsul-ob ug bisti nga gituslob#19:13 gituslob: Sa ubang karaang sinulat, gipisikan. sa dugo, ug ang ngalan nga gitawag kaniya, Ang Pulong sa Dios. 14Ug ang mga panon sa kasundalohan sa langit nga nagbisti ug pino nga lino, puti nga pagkahinlo, nagsunod kaniya, nagsakay ug mga puting kabayo. 15#Sal. 2:9; Isa. 63:3; Joel 3:13; Pin. 14:20. Gikan sa iyang baba migula ang usa ka hait nga espada nga maoy iyang itigbas sa kanasoran, ug siya magmando kanila pinaagi sa bunal nga puthaw, magpigis siya sa pigsanan sa bangis nga kapungot sa Dios nga Makagagahom sa Tanan. 16Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.
17Unya akong nakita ang usa ka anghel nga nagtindog diha sa adlaw, ug sa kusog nga tingog iyang gisinggitan ang tanang kalanggaman nga naglupad sa tungatunga sa kalangitan, nga nag-ingon kanila, “Dali kamo, tambong kamo sa dakong panihapon sa Dios,#Ezek. 39:17-20. 18sa pagkaon sa unod sa mga hari, sa unod sa mga kapitan, sa unod sa mga tawong kusgan, sa unod sa mga kabayo ug sa mga nagkabayo niini, ug sa unod sa tanang tawo, sa mga gawasnon ug sa mga ulipon, sa mga dili inila ug sa mga bantogan.” 19Ug nakita nako ang bangis nga mananap ug ang mga hari sa kalibotan uban sa ilang mga kasundalohan nga nagtigom aron sa pagpakiggubat batok sa nagkabayo ug batok sa iyang panon sa kasundalohan. 20#Pin. 13:1-18. Ug nadakpan ang bangis nga mananap, ug uban kaniya nadakpan ang mini nga propeta nga mao ang naghimo sa mga milagro diha sa iyang atubangan, nga pinaagi niini gipahisalaag niya ang mga nakadawat sa patik sa mapintas nga mananap ug ang mga nagsimba sa iyang larawan. Kining duha gitambog nga buhi ngadto sa linaw nga kalayo nga nagdilaab sa asupri. 21Ug ang tanan nga nahibilin gipamatay sa nagkabayo pinaagi sa espada nga migula gikan sa iyang baba, ug ang tanang mga langgam nangabusog sa ilang unod.
Currently Selected:
PINADAYAG 19: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
