PINADAYAG 1
1
1Ang gipadayag ni Jesu-Cristo nga gihatag kaniya sa Dios aron ipadayag ngadto sa iyang mga sulugoon ang mga butang nga kinahanglang mahitabo sa dili madugay. Ug kini gipaila ni Jesus pinaagi sa pagpadala sa iyang anghel ngadto sa iyang ulipon nga si Juan, 2nga nagsaksi sa pulong sa Dios ug sa pagpamatuod ni Jesu-Cristo sa tanan nga iyang nakita. 3Bulahan ang magbasa ug mamati sa mga pulong sa propesiya, ug magtuman sa nasulat niini kay ang panahon duol na.
Mga Pangumosta Ngadto sa Pito ka Iglesia
4 #
Ex. 3:14;
Pin. 4:5. Si Juan nganha sa pito ka iglesia nga anaa sa Asia:#1:4 ASIA: Usa ka lalawigan sa Romanhong gingharian. Karon sakop kini sa Turkeya.
Ang grasya maanaa kaninyo ug ang kalinaw gikan kaniya nga mao karon ug mao kaniadto ug mao ang umaabot, ug gikan sa pito ka espiritu nga anaa sa atubangan sa iyang trono 5#Isa. 55:4; Sal. 89:27. ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta.
Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo 6#Ex. 19:6; Pin. 5:10. ug naghimo kanato nga usa ka gingharian, mga pari ngadto sa iyang Dios ug Amahan, iya ang himaya ug ang paggahom hangtod sa kahangtoran. Amen.
7 #
Dan. 7:13; Mat. 24:30; Mar. 13:26; Luc. 21:27; 1 Tes. 4:17;
Zac. 12:10; Juan 19:34, 37;
Zac. 12:10; Mat. 24:30. Tan-awa, siya moabot uban sa mga panganod;
ug makita siya sa tanang mata,
sa tanang miduslak kaniya;
ug ang tanang kabanayan sa yuta magminatay tungod kaniya.
Oo. Amen.
8 #
Pin. 22:13;
Ex. 3:14. “Ako mao ang Alfa ug ang Omega,”#1:8 LAFA UG OMEGA: Ang una ug ang kataposan sa Grego nga mga letra. nag-ingon ang Ginoong Dios nga mao karon ug mao kaniadto ug mao ang umaabot, ang Makagagahom sa Tanan.
Panan-awon Mahitungod kang Cristo
9Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus. 10Sa adlaw sa Ginoo diha ako sa Espiritu, ug sa akong luyo nadungog nako ang usa ka kusog nga tingog nga daw trumpeta 11nga nag-ingon, “Isulat diha sa basahon ang imong makita ug ipadala kini ngadto sa pito ka iglesia, sa Efeso, sa Esmirna, sa Pergamo, sa Tiatira, sa Sardis, sa Filadelfia ug sa Laodicea.”
12Unya miliso ako aron sa pagtan-aw sa nakigsulti kanako, ug sa akong pagliso nakita nako ang pito ka lamparahan nga bulawan, 13#Dan. 7:13; Dan. 10:5. ug sa taliwala sa mga lamparahan nakita nako ang daw anak sa tawo nga nagsul-ob ug taas nga bisti ug may bakos nga bulawan sa iyang dughan. 14#Dan. 7:9. #Dan. 10:6. Ang iyang ulo ug ang iyang buhok puti sama sa puting balhibo sa karnero, puti kaayo.#1:14 puti kaayo: Sa Hebreo, puti sama sa snow. Ang iyang mga mata sama sa kalayo nga nagdilaab, 15#Ezek. 1:24; 43:2. ang iyang mga tiil sama sa bronsi nga gipasinawan nga daw gilunsay diha sa hudno; ug ang iyang tingog sama sa dahunog sa daghang katubigan. 16Sa iyang tuo nga kamot dihay pito ka bituon, gikan sa iyang baba migula ang usa ka hait nga espada nga duhay sulab ug ang iyang nawong sama sa adlaw nga nagsidlak sa udtong tutok.
17 #
Isa. 44:6; 48:12; Pin. 2:8; 22:13. Sa pagkakita nako kaniya, natumba ako nga daw patay diha sa iyang tiilan. Ug gitapion niya kanako ang iyang tuo nga kamot ug miingon siya kanako, “Ayaw kahadlok! Ako mao ang sinugdan ug ang kataposan 18ug ang buhi. Ako namatay, apan tan-awa, ako karon buhi hangtod sa kahangtoran, ug ania kanako ang mga yawi sa Kamatayon ug sa Hades. 19Ug karon isulat ang imong nakita, ang mga butang karon ug ang mga butang nga mahitabo unya. 20Ang misteryo sa pito ka bituon nga imong nakita diha sa akong tuong kamot ug sa pito ka lamparahan nga bulawan, ang pito ka bituon mao ang mga anghel sa pito ka iglesia ug ang pito ka lamparahan mao ang pito ka iglesia.
Currently Selected:
PINADAYAG 1: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
