SALMO 99
99
Ang Dios Mao ang Labaw nga Hari
1 #
Ex. 25:22. Ang Ginoo naghari; pakuroga ang mga katawhan!
Siya naglingkod ibabaw sa mga kerubin; palinoga ang yuta!
2Ang Ginoo bantogan diha sa Zion;
siya gibayaw ibabaw sa tanang mga katawhan.
3Padayega sila sa imong bantogan ug makalilisang nga ngalan!
Balaan siya!
4Gamhanang Hari,#99:4 Gamhanang Hari: Sa Hebreo, Ang kalig-on sa hari. mahigugmaon sa hustisya,
ikaw nagpahiluna sa kaangayan;
ikaw nagpahamtang sa hustisya
ug pagkamatarong diha kang Jacob.
5Bayawa ninyo ang Ginoo nga atong Dios;
simba kamo didto sa tumbanan
sa iyang mga tiil!
Balaan siya!
6Si Moises ug si Aaron iyang mga pari,
si Samuel lakip kanila nga nagsangpit sa iyang ngalan.
Nagsangpit sila sa Ginoo, ug siya mitubag kanila.
7 #
Ex. 33:9. Siya misulti kanila diha sa haligi nga panganod;
nagtamod sila sa iyang mga pagpamatuod,
ug sa mga lagda nga iyang gihatag kanila.
8O Ginoo nga among Dios, mitubag ikaw kanila;
ikaw mao ang Dios nga nagpasaylo kanila,
apan tigpanimalos sa ilang mga kasaypanan.
9Bayawa ninyo ang Ginoo nga atong Dios,
ug simba kamo didto sa iyang balaan nga bungtod;
kay ang Ginoo nga atong Dios balaan!
Currently Selected:
SALMO 99: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
