SALMO 81
81
Alawiton Alang sa Kasaulogan
Ngadto sa pangulong musikero: sumala sa Gittith. Salmo ni Asaf.
1Pag-awit sa makusog ngadto sa Dios nga atong kusog;
panghugyaw kamo sa kalipay ngadto sa Dios ni Jacob!
2Pagpatugbaw ug usa ka awit, patingoga ang mga tambor,
ang mananoy nga lira uban ang alpa.
3 #
Num. 10:10. Patingoga ang trumpeta sa bag-ong subang sa bulan,
sa pagtakdol sa bulan, sa atong adlaw sa kasaulogan.
4Kay kini usa ka lagda alang sa Israel,
usa ka tulumanon sa Dios ni Jacob.
5Gihimo niya kini nga usa ka sugo alang kang Jose,
sa diha nga migula siya batok sa yuta sa Ehipto.
Nakadungog ako ug tingog nga wala nako mailhi:
6“Gipagaanan nako ang imong#81:6 imong: Sa Hebreo, iyang. abaga gikan sa palas-anon;
ang imong#81:6 imong: Sa Hebreo, iyang. mga kamot gipalingkawas gikan sa bukag.
7 #
Ex. 17:7; Num. 20:13. Sa kalisdanan ikaw misangpit, ug ako nagluwas kanimo;
gitubag ko ikaw sa tago nga dapit sa dalugdog;
gisulayan ko ikaw didto sa katubigan sa Meriba. Selah
8Pamati, O akong katawhan, samtang magpasidaan ako kaninyo!
O Israel, kon ikaw mamati lamang unta kanako!
9 #
Ex. 20:2-3; Deut. 5:6-7. Kinahanglang walay lain nga dios diha kanimo;
dili ikaw magyukbo sa lain nga dios.
10Ako mao ang Ginoo nga imong Dios,
nga nagkuha kanimo gikan sa yuta sa Ehipto.
Bukha pagdako ang imong baba, ug pun-on nako kini.
11“Apan ang akong katawhan wala mamati sa akong tingog,
ang Israel dili buot kanako.
12Busa gitugyan nako sila ngadto sa kagahi sa ilang kasingkasing,
sa pagsunod sa ilang kaugalingong katuyoan.
13O mamati unta kanako ang akong katawhan,
aron ang Israel maglakaw diha sa akong mga dalan!
14Laglagon dayon nako ang ilang mga kaaway,
ug ibakyaw ang akong kamot batok sa ilang mga kaaway.
15Ang mga nagdumot sa Ginoo moyukbo ngadto kaniya,
apan ang ilang dangatan magpadayon hangtod sa kahangtoran.
16Ako magpakaon kaninyo#81:16 Ako…kaninyo: Sa Hebreo, siya…kaniya. sa labing maayong trigo,
ug sa dugos nga gikan sa bato tagbawon ko kamo.”
Currently Selected:
SALMO 81: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
