SALMO 75
75
Ang Dios nga Maghuhukom
Ngadto sa pangulong musikero: sumala sa Ayaw Laglaga. Salmo ni Asaf. Usa ka awit.
1Nagpasalamat kami kanimo, O Dios,
nagpasalamat kami; ug ang imong ngalan duol.
Ang mga tawo#75:1 Ang mga tawo: Sa Hebreo, Sila. nagsugilon mahitungod sa imong katingalahang buhat.
2Sa panahon nga akong gitakda
maghukom ako diha sa kaangayan.
3Sa diha nga ang yuta ug ang tanang mga nagpuyo niini mangalaglag,
ako mao ang magsangga sa mga haligi niini. Selah
4Nag-ingon ako sa mga mapagarbohon, “Ayaw na pagpasigarbo,”
ug sa daotan, “Ayaw na iisa ang inyong sungay;
5ayaw ninyo iisa sa itaas ang inyong sungay;
o magsulti uban sa pinatikig nga liog.”
6Kay ang pagbayaw dili gikan sa silangan o sa kasadpan,
o gikan sa habagatan;#75:6 habagatan: Sa Hebreo, kamingawan.
7apan ang Dios mao ang maghukom,
ipaubos niya ang usa ug bayawon niya ang usa.
8Kay diha sa kamot sa Ginoo adunay usa ka kupa,
nga may bino nga nagbula, maayong pagkasagol;
ug gikan niini maghuwad siya ug kapaitan,
ug ang tanan nga daotan sa kalibotan
mohurot niini hangtod sa mga linugdang.
9Apan ako maglipay#75:9 maglipay: Sa Hebreo, magmantala. hangtod sa kahangtoran;
mag-awit ako ug mga pagdayeg sa Dios ni Jacob.
10Putlon nako ang tanang mga sungay sa mga tawong daotan,
apan ang mga sungay sa mga matarong bayawon.
Currently Selected:
SALMO 75: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
