SALMO 70
70
Pag-ampo sa Pagpakitabang
Ngadto sa pangulong musikero. Salmo ni David, alang sa halad nga paghandom.
1O Dios, luwasa ako!
O Ginoo, pagdali sa pagtabang kanako!
2Itugyan sa kaulawan ug kalibog
kadtong nagtinguha sa akong kinabuhi!
Pasiboga ug ipadala ngadto sa kaulawan
kadtong nagtinguha sa akong kadaot!
3Pasiboga sila tungod sa ilang kaulawan,
sila nga nag-ingon, “Aha, Aha!”
4Kadtong tanan nga nangita kanimo
mangalipay unta ug magmaya diha kanimo!
Kadtong mga nahigugma sa imong kaluwasan
magpadayon unta sa pag-ingon, “Gamhanan ang Dios!”
5Apan ako kabos ug nanginahanglan;
pagdali ngari kanako, O Dios!
Ikaw mao ang akong magtatabang ug ang akong manluluwas;
O Ginoo, ayaw paglangan!
Currently Selected:
SALMO 70: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
