SALMO 54
54
#
1 Sam. 23:19; 26:1. Pag-ampo Aron Panalipdan gikan sa Kaaway
Ngadto sa pangulong musikero: uban sa mga tulunggon nga may kuwerdas. Maskil ni David, sa dihang ang mga taga-Zif miadto ug misulti kang Saul, “Si David nagtago uban kanamo.”
1Luwasa ako, O Dios, pinaagi sa imong ngalan,
ug pamatud-i ako nga matarong pinaagi sa imong gahom.
2Patalinghogi ang akong pag-ampo, O Dios;
dungga ang mga pulong sa akong baba.
3Kay ang mga mapahitas-on#54:3 mapahitas-on: Sa ubang karaang sinulat, langyaw. nakigbatok kanako,
ug ang mga tawo nga bangis nangita sa akong kinabuhi;
wala nila ipahimutang ang Dios diha sa ilang atubangan. Selah.
4Tan-awa, ang Dios mao ang akong magtatabang;
ang Ginoo mao ang tigpanalipod#54:4 tigpanalipod: Sa Hebreo, uban niadtong nanalipod. sa akong kinabuhi.
5Balosan niya ug daotan ang akong mga kaaway;
diha sa imong pagkamatinumanon laglaga sila.
6Uban sa usa ka kinabubut-on nga halad, maghalad ako kanimo;
magpasalamat ako sa imong ngalan, O Ginoo, kay kini maayo.
7Kay giluwas niya ako gikan sa tanan nga kasamok,
ug ang akong mata nakakita sa kadaogan batok sa akong mga kaaway.
Currently Selected:
SALMO 54: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
