SALMO 52
52
#
1 Sam. 22:9-10. Ang Hukom ug Grasya sa Dios
Ngadto sa pangulong musikero. Usa ka Maskil ni David, sa dihang si Doeg nga Edomhanon miadto ug misulti kang Saul, “Si David miadto sa balay ni Ahimelek.”
1Ngano nga nagpagarbo ikaw, O gamhanang tawo,
sa kadaotan nga gihimo batok sa mga diosnon?#52:1 sa kadaotan…diosnon: Sa Hebreo, sa pagkamaayo sa Dios.
Sa tibuok nga adlaw 2ikaw naglaraw ug daotan.
Ang imong dila sama sa hait nga labaha,
ikaw nga nagbuhat nga malimbongon.
3Gihigugma nimo ang daotan labaw sa maayo,
ug ang pagbakak labaw sa pagsulti sa kamatuoran. Selah
4Gihigugma nimo ang tanang mga pulong nga makadaot,
O dila nga malimbongon.
5Apan ang Dios maglaglag usab kanimo sa dayon;
puniton ikaw niya ug sakmiton gikan sa imong tolda;
ibton niya ikaw gikan sa yuta sa mga buhi. Selah
6Ang matarong makakita ug mahadlok,
ug mokatawa kaniya, nga mag-ingon,
7“Tan-awa ang tawo nga wala maghimo sa Dios
ingon nga iyang dalangpanan,
kondili misalig sa kadaghan sa iyang mga bahandi,
ug nangita ug kadangpan diha iyang bahandi!”#52:7 bahandi: Sa Hebreo, pagkalaglag.
8Apan ako sama sa lunhaw nga kahoyng olibo
diha sa balay sa Dios.
Nagsalig ako sa gugmang walay paglubad sa Dios
hangtod sa kahangtoran.
9Magpasalamat ako kanimo hangtod sa kahangtoran,
tungod kay gibuhat nimo kini.
Ako magsangyaw#52:9 magsangyaw: sa Hebreo, magpaabot. sa imong ngalan kay kini maayo sa
atubangan sa imong mga balaan.
Currently Selected:
SALMO 52: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
