SALMO 20
20
Pag-ampo Alang sa Kadaogan
Ngadto sa pangulong musikero. Salmo ni David.
1Ang Ginoo motubag kanimo sa adlaw sa kasamok!
Ang ngalan sa Dios ni Jacob manalipod kanimo!
2Magpadala unta siya kanimo ug tabang gikan sa balaang puluy-anan,
ug maghatag kanimog kalig-on gikan sa Zion!
3Hinumduman unta niya ang tanan nimong mga halad,
ug dawaton ang imong halad nga sunogon! Selah
4Hatagan unta ikaw sa gitinguha sa imong kasingkasing,
ug tumanon ang tanan nimong laraw!
5Magmaya unta kami diha sa imong kadaogan,
ug sa ngalan sa among Dios magpakayab kami sa among mga bandila!
Tumanon unta sa Ginoo ang tanan nimong gipangayo!
6Karon ako nahibalo nga ang Ginoo magluwas sa iyang dinihogan;
siya magtubag kaniya gikan sa iyang balaan nga langit
uban sa kusganong kadaogan pinaagi sa iyang tuong kamot.
7Ang uban nagpasigarbo sa mga karwahi, ug ang uban sa mga kabayo;
apan kami nagsalig sa ngalan sa Ginoo nga among Dios.
8Mangatumba sila ug mangapukan;
apan kami motindog ug mobarog nga lig-on.
9Hatagi ug kadaogan ang hari, O Ginoo;
tubaga kami#20:9 tubaga kami: Sa Hebreo, patubaga ang Hari kanamo. sa dihang kami magtawag.
Currently Selected:
SALMO 20: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
