SALMO 141
141
Pag-ampo Panahon sa Kagabhion
Salmo ni David.
1Nagsangpit ako kanimo, O Ginoo; pagdali nganhi kanako!
Patalinghogi ang akong tingog sa diha nga ako mosangpit kanimo!
2 #
Pin. 5:8. Itugot nga ang akong pag-ampo isipon nga insenso sa imong atubangan,
ug ang pagbayaw sa akong mga kamot ingon nga halad inihaw sa kahaponon!
3Butangi ug bantay ang akong baba, O Ginoo,
bantayi ang pultahan sa akong mga ngabil!
4Ayaw ikiling ang akong kasingkasing ngadto sa bisan unsa nga daotan,
aron sa paghago sa akong kaugaligon sa mga buhat nga daotan,
kauban sa mga tawo nga nagbuhat ug kasal-anan;
ug ayaw ako pakan-a sa ilang mga maayo nga pagkaon!
5Ipahampak o ipabadlong ako sa tawong matarong usa kini ka kaluoy,
apan ayaw gayod itugot nga ang lana sa daotan idihog sa akong ulo;#141:5 apan…ulo: Ang Hebreo niini lisod sabton.
kay ang akong pag-ampo kanunay#141:5 kay…kanunay: Sa Hebreo, kay kanunay ug ang akong pag-ampo. nga batok sa ilang daotang nga buhat.
6Sa diha nga sila itugyan ngadto sa mga magpahamtang ug silot kanila,
ilang mahibaloan nga ang akong pulong matuod.
7Sama sa usa ka bato nga gibuak sa usa ka tawo ug gigupok diha sa yuta,
mao usab ang atong mga bukog mangakatag sa baba sa lubnganan.#141:7 Ang kahulogan sa Hebreo lisod sabton.
8Apan ang akong mga mata gitutok kanimo, O Dios, akong Ginoo;
diha kanimo midangop ako; ayaw ako biyai nga walay panalipod!
9Ilikay ako gikan sa lit-ag nga ilang gibutang alang kanako,
ug gikan sa mga laang sa mga tigbuhat ug daotan!
10Pasagdi nga mahulog ang mga daotan ngadto sa ilang kaugalingong mga pukot,
samtang ako makaikyas.
Currently Selected:
SALMO 141: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
