SALMO 137
137
Ang Pagbangutan sa mga Israelinhon sa Ilang Pagkabihag
1Sa daplin sa mga suba sa Babilonia, didto kami nanglingkod ug nanghilak
sa dihang nahinumdom kami sa Zion.
2Sa ibabaw sa kakahoyan
didto gipamitay namo ang among mga lira.
3Kay didto, ang mga nagbihag kanamo
nangayo kanamo ug mga awit
ug ang mga nagsakit kanamo, hudyaka, nga nag-ingon,
“Awiti kami ug usa sa mga awit sa Zion!”
4Unsaon namo pag-awit sa alawiton sa Ginoo
dinhi sa laing nasod?
5Kon ako malimot kanimo, O Jerusalem,
pakuyosa ang akong tuong kamot!
6Papilita ang akong dila sa alingagngag sa akong baba,
kon ako dili mahinumdom kanimo,
kon ang Jerusalem dili nako ibutang
nga labing dako nakong kalipay!
7Hinumdomi, O Ginoo, batok sa mga kaliwat sa Edom,
ang adlaw sa Jerusalem,
kon giunsa nila sa pag-ingon, “Gun-oba kini!
Hangtod ang mga patukoranan niini!”
8 #
Pin. 18:6. O anak nga babaye sa Babilonia, ikaw nga tiglaglag,#137:8 tiglaglag o laglagonon.
Magmalipayon siya nga magbalos kanimo
sa imong nahimo kanamo!
9Magmalipayon siya nga nagkuha sa imong mga kabataan
ug mibunal kanila ngadto sa bato!
Currently Selected:
SALMO 137: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
