SALMO 13
13
Pag-ampo sa Pagpakitabang
Ngadto sa pangulong musikero. Salmo ni David.
1Hangtod kanus-a ba, O Ginoo? Kalimtan ba ako nimo sa dayon?
Hangtod kanus-a ba ikaw magtago sa imong nawong gikan kanako?
2Hangtod kanus-a ba ako mag-antos sa kasakit#13:2 mag-antos sa kasakit: Sa Hebreo, maghimo ug laraw. sa akong kalag,
ug magbaton ug kaguol sa akong kasingkasing sa tibuok nga adlaw?
Hangtod kanus-a ba ang pagbayaw sa akong kaaway ibabaw nako?
3Tagda ug tubaga ako, O Ginoo nga akong Dios;
dan-agi ang akong mga mata, kay tingali unya ug mahikatulog ako ngadto sa kamatayon,
4basig moingon ang akong kaaway, “Mipatigbabaw ako kaniya”;
ang akong mga kaaway mangalipay tungod kay ako natarog.
5Apan sa imong gugmang walay paglubad nagsalig ako;
ang akong kasingkasing maglipay tungod sa imong pagluwas.
6Mag-awit ako ngadto sa Ginoo,
tungod kay nagtagad siya kanako sa madagayaon gayod.
Currently Selected:
SALMO 13: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
