SALMO 126
126
Pag-ampo aron Luwason
Awit sa Pagtungas.
1Sa dihang gibalik sa Ginoo ang maayong kahimtang sa Zion,#126:1 gibalik…Zion: o gidala pabalik kadtong nahiuli ngadto sa Zion.
kita sama niadtong mga nagdamgo.
2Unya ang atong mga baba napuno sa pagkatawa,
ug ang atong mga dila sa paghugyaw sa kalipay;
unya misulti sila sa kanasoran,
“Ang Ginoo nagbuhat ug dagkong mga butang alang kanila.”
3Ang Ginoo nagbuhat ug dagkong mga butang alang kanato,
kita nalipay.
4Ibalik ang among maayong kahimtang O Ginoo,
sama sa mga sapa sa Negeb!
5Sila nga nagpugas diha sa mga luha
mag-ani unta diha sa kalipay!
6Siya nga naglakaw nga naghilak,
nagdala sa binhi nga igpupugas,
mopauli uban sa pagsinggit sa kalipay
nga magdala ug mga binangan uban kaniya.
Currently Selected:
SALMO 126: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
