SALMO 118
118
Pagpasalamat tungod sa Kadaogan
1 #
1 Cron. 16:34; 2 Cron. 5:13; 7:3; Ezra 3:11; Sal. 100:5; 106:1; 107:1; 136:1; Jer. 33:11. Pagpasalamat kamo sa Ginoo kay siya maayo;
kay ang iyang gugmang walay paglubad molungtad hangtod sa kahangtoran!
2Pasultiha ang Israel,
“Ang iyang gugmang walay paglubad molungtad hangtod sa kahangtoran.”
3Pasultiha ang balay ni Aaron,
“Ang iyang gugmang walay paglubad molungtad hangtod sa kahangtoran.”
4Pasultiha ang mga may kahadlok sa Ginoo,
“Ang iyang gugmang walay paglubad molungtad hangtod sa kahangtoran.”
5Tungod sa akong kalisdanan misangpit ako sa Ginoo;
mitubag kanako ang Ginoo ug gibutang niya ako sa dapit nga lapad.
6 #
Heb. 13:6. Uban kanako ang Ginoo, dili ako mahadlok.
Unsay mahimo sa tawo kanako?
7Ang Ginoo ania sa akong kiliran aron sa pagtabang kanako.
Busa ako magtan-aw nga madaogon ngadto sa mga nagdumot kanako.
8Labing maayo ang pagdangop ngadto sa Ginoo
kay sa pagsalig diha sa tawo.
9Labing maayo ang pagdangop ngadto sa Ginoo
kay sa pagsalig diha sa mga pangulo.
10Ang tanang mga nasod naglibot kanako;
sa ngalan sa Ginoo laglagon nako sila!
11Naglibot sila kanako, naglibot kanako sa tanang dapit;
sa ngalan sa Ginoo laglagon nako sila!
12Naglibot sila kanako sama sa mga putyokan,
sila nagdilaab#118:12 nagdilaab: Sa Grego; sa Hebreo, gipalong. sama sa kalayo sa mga tunok;
sa ngalan sa Ginoo laglagon nako sila.
13Gitukmod#118:13 Gitukmod: Sa Grego, sa Syriac ug Vulgata; sa Hebreo, Gitukmod nimo. ako nga tungod niana ako nagsukarap,
apan ang Ginoo mitabang kanako.
14 #
Ex. 15:2; Isa. 12:2. Ang Ginoo mao ang akong kalig-on ug ang akong awit;
siya nahimo nga akong kaluwasan.
15Pamati sa malipayon nga awit sa kadaogan diha sa mga tolda sa mga matarong:
“Ang tuong kamot sa Ginoo nagbuhat nga maisogon,
16ang tuong kamot sa Ginoo gibayaw,
ang tuong kamot sa Ginoo nagbuhat nga maisogon!”
17Dili ako mamatay, kondili mabuhi ako,
ug magsangyaw sa mga buhat sa Ginoo.
18Gipanton ako sa Ginoo sa hilabihan gayod,
apan wala ako niya itugyan ngadto sa kamatayon.
19Buksi alang kanako ang mga ganghaan sa pagkamatarong
aron ako mosulod niini ug magpasalamat sa Ginoo.
20Mao kini ang ganghaan sa Ginoo;
ang mga matarong mosulod agi niini.
21Nagpasalamat ako kanimo kay ikaw mitubag man kanako,
ug ikaw nahimong akong kaluwasan.
22 #
Luc. 20:17; Buh. 4:11; 1 Ped. 2:7. Ang bato nga gisalikway sa mga magtutukod
nahimong batong patukoranan.
23 #
Mat. 21:42; Mar. 12:10-11. Kini buhat sa Ginoo;
kini katingalahan sa atong mga mata.
24Kini ang adlaw nga gibuhat sa Ginoo;
maglipay kita ug magmaya niini.
25 #
Mat. 21:9; Mar. 11:9; Juan 12:13. Luwasa kami, nangamuyo kami kanimo, O Ginoo.
O Ginoo, nangamuyo kami kanimo, hatagi kami ug kalamposan!
26 #
Mat. 21:9; 23:39; Mar. 11:9; Luc. 13:35; 19:38; Juan 12:13. Bulahan siya nga moabot diha sa ngalan sa Ginoo!
Kami magdayeg kanimo gikan sa balay sa Ginoo.
27Ang Ginoo mao ang Dios,
ug siya naghatag kanato ug kahayag.
Bangana ang halad uban sa mga sanga,
ngadto sa mga sungaysungay sa halaran!
28Ikaw mao ang akong Dios ug ako magpasalamat kanimo;
ikaw mao ang akong Dios, ako magdayeg kanimo!
29Pasalamati ninyo ang Ginoo kay siya maayo,
kay ang iyang gugmang walay paglubad molungtad hangtod sa kahangtoran!
Currently Selected:
SALMO 118: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
