SALMO 114
114
Usa ka Awit sa Kasaulogan sa Pagsaylo
1 #
Ex. 12:51. Sa paggawas sa Israel gikan sa Ehipto,
ang panimalay ni Jacob gikan sa katawhan nga lain ug pinulongan,
2ang Juda nahimong balaan niyang puluy-anan,
ang Israel nahimong iyang gingharian.
3 #
Ex. 14:21;
Jos. 3:16. Ang dagat nakakita niini ug mipahawa,
ang Jordan misibog.
4Ang kabukiran milukso sama sa mga laking karnero,
ang kabungtoran sama sa mga nating karnero.
5Unsay imong gibati, O dagat, nga mipahawa man ikaw?
O Jordan, nga misibog man ikaw?
6O kabukiran, nga milukso man kamo sama sa mga laking karnero?
O kabungtoran sama sa mga nating karnero?
7Kurog, O yuta, diha sa atubangan sa Ginoo,
diha sa atubangan sa Dios ni Jacob,
8 #
Ex. 17:1-7; Num. 20:2-13. nga maoy naghimo sa bato nga lim-aw sa tubig,
ang bato nga santik ngadto sa usa ka tuboran sa mga tubig.
Currently Selected:
SALMO 114: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
