SALMO 11
11
Ang Ginoo Mao ang Dalangpanan
Ngadto sa pangulong musikero. Kang David.
1Diha sa Ginoo midangop ako; unsaon ninyo pag-ingon kanako,
“Palayo ngadto sa kabukiran sama sa usa ka langgam;#11:1 Palayo…langgam: Sa Hebreo, Palayo ngadto sa imong bukid, O langgam.
2kay tan-awa, ang mga daotan nagbingat sa pana,
giandam na nila ang ilang mga udyong diha sa pisi,
aron gikan sa kangitngit panaon ang mga matarong ug kasingkasing;
3kon ang mga patukoranan gub-on,
unsa man ang mahimo sa matarong”?
4Ang Ginoo anaa sa iyang Templo nga balaan;
ang trono sa Ginoo atua sa langit;
ang iyang mga mata nagtan-aw, ang iyang pagsud-ong nagsusi sa mga anak sa mga tawo.
5Ang Ginoo nagsulay sa matarong ug sa daotan,
ug ang iyang kalag nagdumot niadtong nahigugma sa pagpanglupig.
6Ngadto sa mga daotan magpaulan siya ug mga nagbaga nga uling#11:6 nagbaga nga uling: Sa Hebreo, lit-ag. ug asupri;
hangin nga makasunog mao ang bahin sa ilang kupa.
7Kay ang Ginoo matarong,
siya nahigugma sa matarong nga buhat;
ang matarong magsud-ong sa iyang nawong.
Currently Selected:
SALMO 11: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
