SALMO 105
105
Ang Dios ug ang Iyang Katawhan
1O pagpasalamat kamo sa Ginoo, sangpita ang iyang ngalan,
isugilon ang iyang mga buhat ngadto sa tanang katawhan!
2Pag-awit kamo kaniya, pag-awit ug mga pagdayeg kaniya,
isugilon ang tanan niyang buhat nga katingalahan!
3Paghimaya kamo diha sa iyang balaan nga ngalan;
palipaya ang kasingkasing niadtong mga nangita sa Ginoo!
4Pangitaa ninyo ang Ginoo ug ang iyang kalig-on,
pangitaa ninyo kanunay ang iyang nawong!
5Hinumdomi ang katingalahang mga buhat nga iyang nahimo,
ang iyang mga kahibulongan, ug ang mga paghukom nga iyang gilitok,
6O kaliwat ni Abraham
nga iyang alagad,
mga anak ni Jacob, ang iyang mga pinili!
7Siya mao ang Ginoo nga atong Dios;
ang iyang mga paghukom anaa sa tibuok nga yuta.
8Nahinumdom siya sa iyang kasabotan hangtod sa kahangtoran,
sa pulong nga iyang gisugo, alang sa usa ka libo ka kaliwatan,
9 #
Gen. 12:7; 17:8;
Gen. 26:3. ang kasabotan nga iyang gihimo uban kang Abraham,
ang iyang gipanumpa nga saad ngadto kang Isaac,
10 #
Gen. 28:13. nga iyang gipamatud-an ngadto kang Jacob ingon nga usa ka lagda,
ngadto kang Israel ingon nga usa ka kasabotan nga walay kataposan,
11nga nag-ingon, “Kanimo ihatag nako ang yuta sa Canaan,
ingon nga inyong bahin nga panulondon.”
12Sa diyotay pa ang gidaghanon nila, diyotay gayod,
ug sila mga dumuduong didto,
13naglatagaw gikan sa usa ka nasod ngadto sa usa ka nasod,
gikan sa usa ka gingharian ngadto sa usa ka katawhan,
14 #
Gen. 20:3-7. wala siya motugot nga may bisan kinsa nga modaogdaog kanila;
gibadlong niya ang mga hari tungod kanila,
15nga nag-ingon, “Ayaw hilabti ang akong mga dinihogan,
ug ayaw buhati ug daotan ang akong mga propeta!”
16 #
Gen. 41:53-57. Sa dihang mitawag siya ug gutom ibabaw sa yuta,
ug gibali ang tanang tukod sa pan,
17 #
Gen. 37:28; 45:5. nagpadala siya ug usa ka tawo una kanila,
si Jose nga gibaligya ingon nga ulipon.
18 #
Gen. 39:20–40:23. Ang iyang mga tiil nasakitan tungod sa mga posas nga puthaw;
ang iyang liog gihigtan ug kadena nga puthaw;
19hangtod sa panahon nga natuman ang iyang pulong,
ang pulong sa Ginoo misulay kaniya.
20 #
Gen. 41:14. Ang hari misugo ug gibuhian siya,
ang pangulo sa mga katawhan mihatag kaniya ug kagawasan.
21 #
Gen. 41:39-41. Siya mihimo kaniya nga agalon sa iyang balay,
ug tigdumala sa tanan niyang bahandi,
22sa pagmando sa iyang mga pangulo sumala sa iyang kabubut-on,
ug sa pagtudlo ug kaalam sa iyang mga kadagkoan.#105:22 mga kadagkoan o mga tigulang.
23 #
Gen. 46:6;
Gen. 47:11. Unya si Israel miadto sa Ehipto;
si Jacob mipuyo sa yuta ni Ham.
24 #
Ex. 1:7-14. Ug gihimong mabungahon pag-ayo sa Ginoo ang iyang katawhan
ug gihimo silang kusgan kay sa ilang mga kabatok.
25Giliso niya ang kasingkasing nila aron magdumot sila sa iyang katawhan,
aron maglimbong sa iyang mga alagad.
26 #
Ex. 3:1–4:17. Gisugo niya si Moises nga iyang alagad,
ug si Aaron nga iyang gipili.
27Gipadayag nila ang iyang mga ilhanan sa taliwala nila,
ug ang mga katingalahan didto sa yuta ni Ham.
28 #
Ex. 10:21-23. Gipadala niya ang kangiob ug gihimong ngitngit ang yuta;
sila misupil#105:28 misupil: Sa Hebreo, wala misupil. sa iyang mga pulong.
29 #
Ex. 7:17-21. Gihimo niya nga dugo ang ilang katubigan
ug gipamatay ang ilang mga isda.
30 #
Ex. 8:1-6. Sa ilang yuta mikatap ang panon sa mga baki,
bisan didto sa mga lawak sa ilang mga hari.
31 #
Ex. 8:20-24;
Ex. 8:16-17. Siya misulti, ug mitungha ang dakong panon sa mga langaw,
ug mga tagnok sa tibuok nilang kayutaan.
32 #
Ex. 9:22-25. Gihatagan niya sila ug yelo ingon nga ulan,
ug mga kilat nga nagdilaab sa ilang yuta.
33Gipangpuo niya ang ilang mga kaparasan ug ang ilang mga igera
ug gipamoril niya ang kakahoyan sa ilang kayutaan.
34 #
Ex. 10:12-15. Siya misulti ug mitungha ang mga dulon,
ug ang mga lukton nga dili maihap;
35nga mikaon sa tanang tanom sa ilang yuta,
ug mikaon sa bunga sa ilang yuta.
36 #
Ex. 12:29. Gipamatay niya ang tanang panganay diha sa ilang yuta,
ang sinugdan sa tibuok nilang kusog.
37 #
Ex. 12:33-36. Unya gipagula niya ang Israel#105:37 ang Israel: Sa Hebreo, sila. uban sa plata ug bulawan,
ug sa iyang mga banay walay usa ka tawo nga luya.
38Nalipay ang Ehipto sa ilang pagbiya,
kay ang pagkahadlok kanila miabot sa ibabaw niini.
39 #
Ex. 13:21-22. Gibuklad niya ang usa ka panganod aron mahimong salimbong,
ug kalayo nga maghatag ug kahayag panahon sa kagabhion.
40 #
Ex. 16:2-15. Sila nangayo, ug gipadad-an niya sila ug mga buntog,
ug gibusog sila sa pan gikan sa langit.
41 #
Ex. 17:1-7; Num. 20:2-13. Iyang giabli ang bato, ug mibuswak ang tubig;
midagayday kini ngadto sa mga dapit nga uga sama sa usa ka suba.
42Kay nahinumdom siya sa iyang balaan nga saad,
ug kang Abraham nga iyang alagad.
43Busa iyang gipagula ang iyang katawhan uban sa kalipay,
ang iyang mga pinili nga may pag-awit.
44 #
Jos. 11:16-23. Iyang gihatag kanila ang mga yuta sa kanasoran,
ug gipanag-iya nila ang mga bunga sa paghago sa mga katawhan,
45aron magtuman sila sa iyang mga lagda,
ug magsubay sa iyang mga balaod.
Dayega ang Ginoo!
Currently Selected:
SALMO 105: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
