JOB 23
23
Ang Tubag ni Job kang Elipas
1Unya si Job mitubag:
2“Karong adlawa usab pait#23:2 pait: Sa Hebreo, masupilon. ang akong pagmulo.
Ang iyang#23:2 iyang: Sa Hebreo, akong. kamot bug-at pa kay sa akong pag-agulo.
3O, nasayod unta ako kon asa nako siya pangitaon,
aron moabot gayod ako bisan ngadto sa
iyang lingkoranan!
4Ipahimutang nako ang akong kahimtang sa iyang atubangan,
ug pun-on nako ang akong baba sa mga pangatarongan.
5Akong mahibaloan ang mga pulong nga iyang itubag kanako,
ug masabtan ang iyang isulti kanako.
6Makiglalis ba siya kanako sumala sa gidak-on sa iyang gahom?
Dili; siya magpatalinghog gayod kanako.
7Didto ang tawo nga matarong makapangatarongan kaniya,
ug ako ipalingkawas sa akong maghuhukom hangtod sa kahangtoran.
8“Tan-awa, moadto ako sa unahan, apan wala siya didto;
ug sa luyo, apan dili ako makakita kaniya;
9dapit sa wala ako nangita kaniya#23:9 ako nangita kaniya: sa Hebreo, sa dihang siya nagbuhat., apan dili ako makatan-aw kaniya;
milingi ako#23:9 ako: Sa Hebreo, siya. ngadto dapit sa tuo apan dili ako makakita kaniya.
10Apan nahibalo siya sa dalan nga akong gisubay;
sa diha nga ako masulayan na niya, mogula ako ingon sa bulawan.
11Ang akong tiil nagsubay pag-ayo sa iyang mga lakang;
ako nagsubay sa iyang dalan, ug wala ako motipas.
12Wala ako mobiya gikan sa sugo sa iyang mga ngabil;
akong gimahal sulod#23:12 sulod: Sa Hebreo, gikan. sa akong dughan ang mga pulong sa iyang baba.
13Apan siya dili mausab ug kinsay makasanta kaniya?
Unsay iyang gitinguha, kana iyang buhaton.
14Kay iyang hingpiton ang iyang gitagana alang kanako;
ug daghan ang ingon nianang mga butanga anaa sa iyang hunahuna.
15Busa ako nalisang diha sa iyang atubangan;
sa diha nga ako mamalandong, mahadlok ako kaniya.
16Ang Dios nagpaluya sa akong kasingkasing;
ang Labing Gamhanan naglisang kanako;
17kay ako#23:17 ako: Sa Hebreo, ako wala. nahimulag pinaagi sa kangitngit,
ug ang baga nga kangitngit mitabon sa akong#23:17 sa akong: Sa Hebreo, gikan sa akong. nawong.
Currently Selected:
JOB 23: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
