ISAIAS 35
35
Masaaron nga Kaugmaon
1Ang kamingawan ug ang uga nga yuta magmaya,
ang kamingawan maglipay ug mamulak;
sama sa rosas, 2kini mamulak pag-ayo,
ug maglipay uban sa kasadya ug pag-awit.
Ang himaya sa Lebanon ihatag ngadto niini,
ang katahom sa Carmelo ug sa Sharon.
Sila makakita sa himaya sa Ginoo,
sa kahalangdon sa atong Dios.
3 #
Heb. 12:12. Lig-ona ang mga kamot nga luya,
ug lig-ona ang mga tuhod nga huyang.
4Ingna sila nga adunay mahadlokon nga kasingkasing,
“Pagmalig-on, ayaw kahadlok!
Tan-awa, ang inyong Dios
moanhi uban ang panimalos,
uban ang pagbalos sa Dios.
Siya moanhi ug magluwas kaninyo.”
5 #
Mat. 11:5; Luc. 7:22. Unya ang mga mata sa mga buta mangabuka,
ug ang mga dalunggan sa mga bungol makadungog;
6unya ang piang molukso sama sa lagsaw,
ug ang dila sa amang mag-awit sa kalipay.
Kay ang katubigan mogula diha sa kamingawan,
ug ang kasapaan diha sa disyerto;
7ang init nga balas mahimo nga usa ka linaw,
ug ang giuhaw nga yuta magtubod sa tubig;
ang puluy-anan sa mga iro nga ihalas mahimong kalapokan,#35:7 ang puluy-anan…kalapokan: Sa Hebreo, didto sa gipuy-an sa mga iro nga ihalas anaa ang ilang pahulayanan.
ang balili mahimong mga bagakay ug mga bugang.
8Didto may usa ka lapad nga dalan,
ug kini tawgon nga Balaang Dalan,
ang hugaw dili moagi sa ibabaw niini,#35:8 niini: Sa Hebreo, niini ug siya alang kaniya usa ka magpapanaw.
ug ang buangbuang dili mangasayop diha niini.
9Walay liyon nga makaadto didto,
o bisan unsa nga manunukob nga mananap nga moadto didto;
sila dili makit-an didto
apan ang mga linuwas maglakaw didto.
10Ug ang mga linukat sa Ginoo mobalik,
ug moadto sa Zion uban ang pag-awit;
ug ang kalipay nga walay kataposan anha sa ibabaw sa ilang mga ulo;
sila makabaton sa kasadya ug kalipay
ug ang kasubo ug panghupaw mangahanaw.
Currently Selected:
ISAIAS 35: ABCEB
Highlight
Copy
Compare
Share
Want to have your highlights saved across all your devices? Sign up or sign in
©Philippine Bible Society, 2011