AMOS 1
1
1Ang mga pulong ni Amos nga usa sa mga tigbantay sa karnero sa Tekoa, nga iyang nakita mahitungod sa Israel sa mga adlaw ni Uzias nga hari sa Juda ug sa mga adlaw ni Jeroboam nga anak ni Joas nga hari sa Israel, duha ka tuig sa wala pa ang linog. #2 Hari 15:1-7; 2 Cron. 26:1-23; 2 Hari 14:23-29. 2#Joel 3:16. Ug siya miingon,
“Ang Ginoo nagdahunog gikan sa Zion,
ug mipalanog sa iyang tingog gikan sa Jerusalem;
ang mga sibsibanan sa mga tigbantay sa karnero nagsubo
ug ang kinatumyan sa Carmel nalaya.”
Ang Paghukom sa Dios sa mga Nasod nga Silingan sa Israel
SIRIA
3Mao kini ang giingon sa Ginoo,
“Tungod sa tulo ka kalapasan sa Damasco,
ug tungod sa upat, dili nako bakwion ang silot;#1:3 dili…silot: Sa Hebreo, dili nako kini pabalikon. Mao usab sa bersikulo 6, 9, 11 ug 13.
tungod kay gigiokan nila ang Gilead
uban sa mga galamiton nga puthaw alang sa paggiok.
4Busa padad-an nako ug kalayo ang balay ni Hasael,
ug kini maglamoy sa mga kuta ni Ben-hadad.
5 #
Isa. 17:1-3; Jer. 49:23-27; Zac. 9:1. Gun-obon nako ang trangka sa Damasco,
puohon ang mga lumulupyo gikan sa Walog sa Aven,
ug siya nga naghupot sa sitro gikan sa Bet-eden,
ug ang katawhan sa Siria mangabihag ngadto sa Kir,” nag-ingon ang Ginoo.
FILISTIA
6Mao kini ang giingon sa Ginoo, “Tungod sa tulo ka kalapasan sa Gaza
ug tungod sa upat, dili nako bakwion ang silot;
tungod kay ilang gibihag ang tibuok nga katawhan,
aron sa pagtugyan kanila ngadto sa Edom.#Isa. 14:29-31; Jer. 47:1-7; Ezek. 25:15-17; Joel 3:4-8; Zef. 2:4-7; Zac. 9:5-7.
7Busa magpadala ako ug kalayo ngadto sa kuta sa Gaza,
ug kini maglamoy sa mga salipdanan niini.
8Puohon nako ang lumulupyo gikan sa Asdod,
ug siya nga naghupot sa sitro gikan sa Askelon;
bakyawon nako ang akong kamot batok sa Ekron
ug ang mga salin sa mga Filistihanon mangamatay,” nag-ingon ang Ginoong Dios.
TIRO
9Mao kini ang giingon sa Ginoo,
“Tungod sa tulo ka kalapasan sa Tiro,
ug tungod sa upat, dili nako bakwion ang silot;
tungod kay ilang gitugyan ang tibuok nga katawhan ngadto sa Edom
ug wala mahinumdom sa kasabotan sa pagkamanagsoon.
10 #
Isa. 23:1-18; Ezek. 26:1–28:19; Joel 3:4-8; Zac. 9:1-4; Mat. 11:21-22; Luc. 10:13-14. Busa magpadala ako ug kalayo sa kuta sa Tiro,
ug kini maglamoy sa mga salipdanan niini.”
EDOM
11 #
Isa. 34:5-17; 63:1-6; Jer. 49:7-22; Ezek. 25:12-14; 35:1-15; Oba. 1-14; Mal. 1:2-5. Mao kini ang giingon sa Ginoo,
“Tungod sa tulo ka kalapasan sa Edom,
ug tungod sa upat, dili nako bakwion ang silot;
tungod kay iyang gigukod uban sa espada ang iyang igsoon
ug gisalikway ang tanang kaluoy,
ug ang iyang kasilag walay hunong,
ug siya nagbaton sa iyang kaligutgot hangtod sa kahangtoran.
12Busa magpadala ako ug kalayo ngadto sa Teman,
ug kini maglamoy sa mga kuta sa Bosra.”
AMON
13 #
Jer. 49:1-6; Ezek. 21:28-32; 25:1-7; Zef. 2:8-11. Mao kini ang giingon sa Ginoo,
“Tungod sa tulo ka kalapasan sa mga Amonihanon,
ug tungod sa upat, dili nako bakwion ang silot;
tungod kay giyasyasan nila ang mga mabdos nga babaye sa Gilead,
aron padakoon nila ang ilang utlanan.
14Busa maghaling ako ug kalayo sa kuta sa Raba,
ug kini maglamoy sa mga salipdanan niini
uban ang mga singgit sa adlaw sa gubat,
uban ang bagyo sa panahon sa alimpulos;
15ug ang ilang hari mabihag,
siya ug ang iyang mga tinugyanan,” nag-ingon ang Ginoo.
Currently Selected:
AMOS 1: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
