2 TIMOTEO 1
1
1Si Pablo, apostol ni Cristo Jesus pinaagi sa kabubut-on sa Dios sumala sa saad sa kinabuhi nga anaa kang Cristo Jesus,
2 #
Buh. 16:1. Alang kang Timoteo nga akong hinigugmang anak:
Ang grasya, kaluoy ug kalinaw gikan sa Dios nga Amahan ug kang Cristo Jesus nga atong Ginoo.
Pagpasalamat ug Pagdasig
3Nagpasalamat ako sa Dios nga akong gisimba sama sa gibuhat sa akong katigulangan, uban sa hinlo nga tanlag ingon nga ako walay hunong sa paghinumdom kanimo diha sa akong mga pag-ampo adlaw ug gabii. 4Sa dihang mahinumdom ako sa imong mga luha, mangandoy gayod ako sa pagpakigkita kanimo aron unta ako mapuno sa kalipay. 5#Buh. 16:1. Nahinumdom ako sa imong matinud-anong pagtuo nga sa sinugdan diha sa imong apohang babaye nga si Loida ug sa imong inahan nga si Eunice ug nga karon, nagtuo ako nga anaa usab kanimo. 6Tungod niini, ako nagpahinumdom kanimo sa pagpasiga pag-usab sa gasa nga anaa kanimo pinaagi sa pagpandong kanimo sa akong mga kamot, 7kay ang Dios wala maghatag kanato ug espiritu sa katalaw kondili sa gahom ug sa gugma ug sa pagpugong sa kaugaligon.
8Busa ayaw ikaulaw ang pagpamatuod sa atong Ginoo, o alang kanako nga iyang binilanggo, hinuon pakig-ambit sa mga pag-antos alang sa Maayong Balita pinaagi sa gahom sa Dios 9nga nagluwas kanato ug nagtawag kanato sa balaanong pagtawag, dili sumala sa atong mga binuhatan kondili sumala sa iyang kaugalingong katuyoan ug grasya nga gihatag kanato diha kang Cristo Jesus sa wala pa ang mga kapanahonan nga walay kataposan, 10apan karon iyang gipadayag kini pinaagi sa pagpakita sa atong Manluluwas nga si Cristo Jesus, nga nagbuntog sa kamatayon ug nagdala ug kinabuhi ug pagkawalay kamatayon ngadto sa kahayag pinaagi sa Maayong Balita. 11#1 Tim. 2:7. Kay niining Maayong Balita ako gitudlo nga magwawali ug apostol ug magtutudlo,#1:11 Ang ubang karaang sinulat nagdugang dinhi ug sa mga Gentil. 12ug mao kana ang hinungdan ngano nga nag-antos ako sa ingon. Apan wala nako kini ikaulaw, kay ako nakaila kinsa ang akong gituohan ug ako nagtuo gayod nga hangtod niadto unyang adlawa siya makahimo pagbantay sa gipiyal kanako. 13Sunda ang sumbanan sa mga maayong pulong nga imong nadungog gikan kanako, diha sa pagtuo ug sa gugma nga anaa kang Cristo Jesus. 14Pinaagi sa Espiritu Santo nga nagpuyo sa sulod nato, bantayi ang kamatuoran nga gipiyal diha kanimo.
15Ikaw nasayod nga ang tanan nga anaa sa Asia mitalikod kanako, ug ang uban kanila mao sila si Figelo ug si Hermogenes. 16Hinaot nga ang Ginoo maghatag ug kaluoy sa panimalay ni Onesiforo, kay sa makadaghan iya akong gidasig. Wala niya ikaulaw ang akong pagkabilanggo, 17hinuon sa iyang pag-abot diri sa Roma gipangita niya ako sa makugihon gayod ug nakit-an niya ako. 18Hinaot nga ang Ginoo magtugot kaniya sa pagkakaplag ug kaluoy gikan sa Ginoo niadto unyang adlawa. Ikaw nasayod gayod sa tanang pagpangalagad nga iyang gihimo diha sa Efeso.
Currently Selected:
2 TIMOTEO 1: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
