2 JUAN 1
1
1Ang pangulo, nganha sa pinili nga ginang ug sa iyang mga anak, nga akong gihigugma diha sa kamatuoran, ug dili lamang ako ra kondili ang tanan usab nga nahibalo sa kamatuoran, 2tungod sa kamatuoran nga nagpabilin kanato ug mag-uban kanato hangtod sa kahangtoran:
3Ang grasya, kaluoy, ug kalinaw gikan sa Dios nga Amahan ug gikan kang Jesu-Cristo nga Anak sa Amahan, mag-uban kanato diha sa kamatuoran ug sa gugma.
Kamatuoran ug Gugma
4Nalipay gayod ako pag-ayo kay akong nakita ang imong mga anak nga nagkinabuhi diha sa kamatuoran, sumala sa sugo nga atong nadawat gikan sa Amahan. 5#Juan 13:34; 15:12, 17. Ug karon maghangyo ako kanimo, tinahod nga ginang, dili ingon nga magsulat ako kanimo ug usa ka bag-ong sugo, kondili ang ato nang nabatonan sukad pa sa sinugdan, nga kinahanglang maghigugmaay kita sa usa ug usa. 6Ug ang gugma mao kini, nga kinahanglang magkinabuhi kita subay sa iyang kasugoan. Mao kini ang iyang sugo, ingon sa inyo nang nadungog sukad pa sa sinugdan, nga kinahanglang magkinabuhi kamo diha niini.
7Kay daghang mga malimbongon ang nanungha sa kalibotan, mga tawo nga wala mag-ila nga si Jesu-Cristo mianhi pinaagi sa unod. Mao kini ang malimbongon ug ang kaaway ni Cristo. 8Bantayi ninyo ang inyong kaugalingon nga dili kamo mawad-an sa mga butang nga inyong#1:8 inyong: Sa ubang karaang sinulat, among. gihagoan, kondili nga makadawat kamo sa hingpit nga ganti. 9Ang tanan nga mag-una ug dili magpabilin diha sa pagtulun-an ni Cristo, wala makabaton sa Dios. Siya nga nagpabilin sa pagtulun-an ni Cristo, nakabaton sa Amahan ug sa Anak. 10Kon adunay moanha kaninyo ug wala magdala sa maong pagtulun-an, ayaw ninyo siya padayona sa inyong balay ug ayaw ninyo siya ug abiabiha, 11kay siya nga mag-abiabi kaniya makig-ambit sa iyang daotan nga binuhatan.
Saad sa Pagduaw
12Bisan tuod ug daghan ako ug igsusulat kaninyo, dili na kini nako isulat pinaagi sa papel ug tinta apan gilaoman nako ang pag-anha diha sa pagpakigkita kaninyo ug sa pagpakigsulti kaninyo sa inatubangay aron mahingpit ang atong kalipay.
13Nangumosta kanimo ang mga anak sa pinili nga imong igsoong babaye.
Currently Selected:
2 JUAN 1: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
