2 CORINTO 6
6
1Busa ingon nga mga kaubang magbubuhat diha sa Dios,#6:1 diha sa Dios: Wala sa Grego. naghangyo usab kami kaninyo nga dili ninyo dawaton ang grasya sa Dios sa walay kapuslanan. 2#Isa. 49:8. Kay siya nag-ingon;
“Sa panahon nga gikahimut-an
ako namati kanimo,
ug sa adlaw sa kaluwasan
ako mitabang kanimo.”
Tan-awa, karon mao ang adlaw nga gikahimut-an; tan-awa, karon mao ang adlaw sa kaluwasan. 3Kami wala magbutang ug babag diha sa agianan ni bisan kinsa, aron dili sawayon ang among pagpangalagad. 4Apan ingon nga mga alagad sa Dios kami nagpamatuod sa among kaugalingon: diha sa tumang pagkamalahutayon, diha sa mga kasakitan, sa mga kawalad-on, sa mga kalisdanan, 5#Buh. 16:23. sa mga pagbunal, sa pagkabilanggo, sa mga kagubot, sa mga kahago, sa mga pagtukaw, sa kagutom, 6sa kaputli, sa kahibalo, sa pagpailob, sa pagkamaluluy-on, sa Espiritu Santo, sa matuod nga gugma, 7sa sinultihan nga matinud-anon ug sa gahom sa Dios, pinaagi sa mga hinagiban sa pagkamatarong alang sa tuo ug wala nga kamot, 8diha sa kadungganan ug sa kaulawan, diha sa mga sulti sa pagdaot ug sa pagdayeg. Kami giisip nga mga limbongan, bisan pa niana mga matinud-anon; 9ingon nga mga wala mailhi apan mga inila, ingon nga mga himatyon apan tan-awa buhi kami, ingon nga mga kinastigo apan wala mamatay, 10ingon nga mga masulub-on apan sa kanunay malipayon, ingon nga mga kabos apan nagpadato sa daghang tawo, ingon nga mga walay nahot apan nakabaton sa tanang mga butang.
11Ang among baba abli nganha kaninyo, O mga Corintohanon; dako ang among kasingkasing. 12Wala kami magkulang kaninyo, kamo hinuon ang nagkulang sa inyong pagbati. 13Agig tugbang—nagsulti ako sama ngadto sa mga anak—padakoa usab ang inyong kasingkasing.
Kita Templo sa Dios nga Buhi
14Ayaw kamo pagpakighiusa#6:14 pagpakighiusa o pagpakig-uban diha sa buhat. Sa Grego, dili angay nga pagsangon sa yugo. uban sa dili magtutuo. Kay unsa may anaa sa panag-abin sa pagkamatarong ug sa pagkadaotan? O unsa may panag-ambitan sa kahayag ug sa kangitngit? 15Unsa may pakig-uyon ni Cristo kang Bilial? O unsa may gisalohan sa magtutuo uban sa dili magtutuo? 16#1 Cor. 3:16; 6:19; Lev. 26:12; Ezek. 37:27. Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios,
“Ako mopuyo sa sulod nila ug
makig-uban kanila,
ug ako mahimong ilang Dios,
ug sila mahimong akong katawhan.
17 #
Isa. 52:11. Busa panggula kamo gikan kanila,
ug bulag kamo gikan kanila,
nag-ingon ang Ginoo,
ug ayaw na kamo paghikap ug
hugaw;
unya dawaton ko kamo.
18 #
2 Sam. 7:14; 1 Cron. 17:13; Isa. 43:6; Jer. 31:9. Ug ako mahimong inyong amahan,
ug kamo mahimong akong mga anak
nga lalaki ug mga anak nga babaye,
nag-ingon ang Ginoo nga Makagagahom
sa Tanan.”
Currently Selected:
2 CORINTO 6: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
