1 PEDRO 3
3
Mga Asawa ug mga Bana
1 #
Efe. 5:22; Col. 3:18. Kamo usab nga mga asawa, pagmasinugtanon kamo sa inyong kaugalingong mga bana, aron nga kon aduna man kanilay wala magtuo sa pulong, basin pa ug sa walay pagsulti madani pinaagi sa gawi sa ilang mga asawa, 2sa diha nga makita nila ang inyong matinahoron ug putli nga gawi. 3#1 Tim. 2:9. Himoa nga ang inyong pagpaanyag dili pinaagi sa dayag nga pagpanindot sa buhok, sa pagsul-ob ug bulawan ug mga mahalon kaayong bisti, 4kondili diha hinuon sa pagkatawo nga natago sulod sa kasingkasing pinaagi nianang dili madunot nga mao ang kaaghop ug malinawon nga espiritu nga bililhon kaayo sa atubangan sa Dios. 5Kay kaniadto ang mga balaan nga mga babaye nga naglaom sa Dios nagpaanyag sa ilang kaugalingon ug nagmasinugtanon sa ilang mga bana, 6#Gen. 18:12. sama ni Sara nga nagtuman kang Abraham, ug nagtawag kaniya nga agalon. Kamo karon mga anak ni Sara kon kamo magbuhat sa maayo ug dili mahadlok sa bisan unsang hulga.
7 #
Efe. 5:25; Col. 3:19. Kamo usab nga mga bana, sa dihang magpuyo kamo uban sa inyong mga asawa sumala sa kahibalo, ingon nga siya binuhat nga huyang kay kanimo, pasidunggi siya ingon nga isigkamanununod sa gasa sa kinabuhi, aron dili kababagan ang inyong mga pag-ampo.
Ang Pag-antos tungod sa Pagbuhat ug Matarong
8Sa kataposan, kamong tanan, kinahanglang mag-usa sa hunahuna, magbinatiay, maghigugmaay ingon nga mga igsoon, maluluy-on, ug mapaubsanon sa hunahuna, 9dili magbalos ug daotan sa daotan o magbalos ug pasipala sa pagpasipala kondili magpanalangin hinuon kay alang niini kamo gitawag aron makaangkon ug panalangin. 10#Sal. 34:12-16 (LXX). Kay
“Siya nga buot mahigugma sa kinabuhi
ug motan-aw sa maayong mga adlaw,
papugngi niya ang iyang dila gikan sa daotan
ug ang iyang mga ngabil gikan sa pagsulti ug limbong.
11Pabiyai niya ang daotan ug ipabuhat kaniya ang maayo,
ipapangita kaniya ang kalinaw ug
ipakab-ot kini.
12Kay ang mga mata sa Ginoo anaa sa mga matarong,
ug ang iyang mga dalunggan sa ilang mga pangamuyo.
Apan ang nawong sa Ginoo batok sa mga nagbuhat ug daotan.”
13Kinsa may makahimo ug kadaot kaninyo kon magmainiton kamo sa pagbuhat sa maayo? 14#Mat. 5:10. Apan kon paantoson man kamo tungod sa inyong pagbuhat ug matarong, bulahan kamo. Ayaw kamo kahadlok sa ilang pagpanghadlok o ayaw kahasol. 15#Isa. 8:12-13. Apan sa sulod sa inyong mga kasingkasing gahina ninyo si Cristo ingon nga Ginoo, andam kamo kanunay sa pagtubag kang bisan kinsa nga mangutana sa hinungdan sa paglaom nga anaa kaninyo. 16Hinuon buhata ninyo kini uban sa kalumo ug pagtahod, ug pagbaton kamo ug hinlo nga tanlag aron nga sa dihang magsulti sila ug daotan kaninyo, maulawan hinuon sila nga nagbugalbugal sa inyong maayong kagawian diha kang Cristo. 17Kay labi pang maayo ang pag-antos tungod sa pagbuhat ug matarong, kon kini pagbuot man sa Dios, kay sa pag-antos tungod sa pagbuhat ug daotan. 18Kay si Cristo usab namatay#3:18 namatay: Sa ubang karaang mga sinulat: nag-antos. sa makausa tungod sa mga sala, ang matarong alang sa mga dili matarong, aron kamo#3:18 kamo: Sa ubang karaang sinulat, kita. iyang madala ngadto sa Dios, ingon nga gipatay siya diha sa lawas apan gibuhi diha sa espiritu. 19Ug niini siya miadto ug nagwali ngadto sa mga espiritu nga gibilanggo, 20#Gen. 6:1–7:24. nga kaniadto wala magtuman sa diha nga ang pailob sa Dios nagpaabot kanila niadtong mga adlaw ni Noe, sa pagbuhat sa arka. Diyotay lamang, walo ka kalag, ang naluwas niadto pinaagi sa tubig. 21Agig hulagway niini, ang bautismo, nagluwas kaninyo karon dili ingon nga paghugas sa buling gikan sa lawas kondili ingon nga pangamuyo ngadto sa Dios alang sa hinlo nga tanlag, pinaagi sa pagkabanhaw ni Jesu-Cristo, 22nga miadto sa langit ug karon anaa sa tuo sa Dios, ug kaniya nailalom ang mga anghel ug mga langitnong kagahom ug mga gahom.
Currently Selected:
1 PEDRO 3: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
