1 CORINTO 5

Salawayong Pakighilawas Diha sa Iglesia

1 # Deut. 22:30. Gibalita gayod nga adunay salawayong pakighilawas diha kaninyo, kanang pakighilawas nga bisan sa mga Gentil wala mahitabo, nga adunay nakigpuyo sa asawa sa iyang amahan. 2Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

3Kay bisan ug wala ako diha sa lawas, anaa ako sa espiritu ug sama ra nga anaa ako naghukom na pinaagi 4sa ngalan sa atong#5:4 atong: Wala kini sa ubang karaang sinulat. Ginoong Jesus, batok sa tawo nga nagbuhat sa maong butang. Inigtigom ninyo, ug anaa ang akong espiritu uban sa gahom sa atong Ginoong Jesus, 5itugyan ninyo kanang tawhana ngadto kang Satanas aron malaglag ang iyang lawas, aron maluwas ang iyang espiritu unya sa adlaw sa Ginoo.

6 # Gal. 5:9. Kining pagpasigarbo ninyo dili maayo. Wala ba kamo masayod nga ang diyotay nga patubo mopatubo sa tibuok nga minasa? 7#Ex. 12:5. Hinloa gikan kaninyo ang daang patubo aron kamo mahimong bag-ong minasa ingon nga kamo walay patubo. Kay gihalad na si Cristo, ang nating karnero sa Pagsaylo. 8#Ex. 13:7; Deut. 16:3. Busa himoon nato ang kasaulogan, dili pinaagi sa daan nga patubo, dili pinaagi sa patubo nga mao ang pagkangil-ad ug pagkadaotan, kondili pinaagi sa walay patubo nga pan sa pagkamatinud-anon ug sa kamatuoran.

9Gisultihan ko na kamo sa akong sulat kaninyo nga dili kamo makig-uban sa mga makihilawason. 10Hinuon dili na lang gayod sa tanang makihilawason niining kalibotana, o sa mga hakog ug mga tikasan o mga tigsimba ug mga diosdios, kay kon mao pa, kinahanglan unta nga mamahawa na lang kamo niining kalibotana. 11Apan karon ako nagsulat kaninyo nga dili kamo makigkauban kang bisan kinsa nga nagpakaigsoon nga makihilawason o hakog o tigsimbag mga diosdios o tigpasipala o palahubog o tikasan, dili gayod bisan sa pagpakigsalo kaniya sa pagpangaon. 12Kay unsa may akong labot sa paghukom sa mga tawo sa gawas? Dili ba ang mga anaa sa sulod sa iglesia mao ang inyong hukman? 13#Deut. 13:5; 17:7 (LXX). Ang Dios mao ang maghukom kanila nga anaa sa gawas. “Papahawaa gikan sa inyong taliwala kanang tawong daotan.”

Currently Selected:

1 CORINTO 5: ABCEB

Highlight

Copy