1 CORINTO 16

Tabang Alang sa Isigka-Cristohanon

1 # Rom. 15:25-26. Karon mahitungod sa amot alang sa mga balaan, sumala sa akong gitugon sa mga iglesia sa Galacia, buhata usab ninyo. 2Sa unang adlaw sa matag semana, ang matag usa kaninyo kinahanglang maggahin ug magtigom sumala sa iyang pag-uswag, aron nga inig-abot nako diha dili na kinahanglan mag-amot pa. 3Ug inig-abot nako, bisan kinsa nga inyong giuyonan pinaagi sa sulat akong ipadala aron sa paghatod sa inyong gasa ngadto sa Jerusalem. 4Apan kon angay man nga ako moadto usab, mouban sila kanako.

Mga Laraw ni Pablo

5 # Buh. 19:21. Moanha ako kaninyo human sa akong pag-agi sa Macedonia, kay moagi man gayod ako sa Macedonia, 6ug tingali magpabilin ako diha uban kaninyo, o anha ba hinuon ako magpalabay sa tingtugnaw, aron kamo mopagikan kanako bisan asa ako mopaingon. 7Kay dili ako buot nga mohapit lamang kaninyo, ug gilaoman nako nga magpabilin una uban kaninyo kon itugot man sa Ginoo. 8#Lev. 23:15-21; Deut. 16:9-11. Apan magpabilin pa ako sa Efeso hangtod sa Pentecostes, 9#Buh. 19:8-10. kay naabli alang kanako ang usa ka dakong pultahan alang sa mabungahong buluhaton, ug adunay daghang mga kaaway.

10 # 1 Cor. 4:17. Inig-abot diha ni Timoteo, tan-awa nga dili siya mataha kaninyo kay siya nagbuhat sa buluhaton sa Ginoo sama kanako. 11Busa ayaw ninyo tugoti nga adunay tawo nga motamay kaniya. Pagikana siya uban sa kalinaw aron siya mahibalik kanako kay ako uban sa mga igsoon nagpaabot kaniya.

12Mahitungod sa atong igsoon nga si Apolos, gihangyo nako siya pag-ayo sa pagduaw kaninyo kuyog sa ubang mga igsoon, apan siya walay tinguha sa paghimo niini karon. Moanha ra unya siya kon makabaton siya ug higayon.

Mga Pangumosta

13Pagtukaw kamo, barog kamo diha sa pagtuo, pagpakalalaki kamo, pagmakusganon. 14Buhata ang tanang butang diha sa gugma.

15 # 1 Cor. 1:16. Mga igsoon, kamo nasayod nga ang banay ni Estefanas mao ang unang bunga diha sa Acaya ug ilang gihatag ang ilang kaugalingon sa pag-alagad alang sa mga balaan. 16Naghangyo ako kaninyo nga kamo magpailalom sa mga tawo nga ingon kanila ug sa tanang mga kauban sa buhat ug magbubuhat. 17Gikalipay nako ang pag-abot diri ni Estefanas ug ni Fortunato ug ni Acaico, kay sila naghulip sa inyong pagkawala diri 18kay sila nakahatag ug kahayahay sa akong espiritu ug sa inyo usab. Pasidunggi ninyo ang mga tawo nga sama kanila.

19 # Buh. 18:2. Ang mga iglesia sa Asia nangumosta kaninyo. Si Aquila ug si Prisca, uban sa iglesia diha sa ilang balay, sa kinasingkasing nangumosta kaninyo diha sa Ginoo. 20Ang tanang mga igsoon nangumosta kaninyo. Pagpangumostahay kamo sa usa ug usa pinaagi sa balaan nga halok.

21Ako si Pablo, sa akong kaugalingong kamot, misulat niining maong pangumosta. 22Kon may usa nga wala mahigugma sa Ginoo, mahimo unta siyang tinunglo! Maranatha#16:22 MARANATHA: Sa ato pa, Ginoo dali na! 23Ang grasya sa atong Ginoong Jesus mag-uban kaninyo. 24Ang akong gugma mag-uban kaninyong tanan diha kang Cristo Jesus.#16:24 Ang ubang karaang sinulat nagdugang ug Amen.

Currently Selected:

1 CORINTO 16: ABCEB

Highlight

Copy