Mariko 9
9
1Aka omedo waco ni, “Adieri awaco riwin, nitie jomegi kwoŋ win ka ma jok'otho mafodi jok'oneno Ker pa Were ka bino gi meni.”
Yesu wiro cal pere
(Mat 17:1-13; Luk 9:28-36)
2 #
2 Pet 1:17-18
Munyo ndelo aucel okadho, Yesu okwanyo Petero gi Yakobo gi Yohana, to tero jo wi got mabor kakendi gin. Gikenyo cal pere owire ruwaŋ jo, 3aka nangin pere olokere matar, ma minyin ma ongoye ŋata nyalo lwoko nangin to lony matar amanago. 4Gikenyo joneno Elia gi Musa munyo joluwo gi Yesu. 5Petero oluwo malo ka waco ri Yesu ni, “Jafonji, ber riwan bedo ka, weyi wageti kayindere adek, acel rin, acel ri Musa, acel ri Elia.” 6Ato oyido go kuya gir'awaca, rupiri lworo oyido omako jo tektek. 7#Mat 3:17; Mar 1:11; Luk 3:22Pondeponde obino to umo jo gi tipo mere, aka derino owok i pondeponde ma waco ni, “Me Wodan m'amaro, winji win, go.” 8Gikenyo jopoyo munyo joneno korin gi korin, to jok'oneno nyatoro man kwanyo woko Yesu won kende gi jo.
9Munyo joloro wi got, Yesu ociko jo ni, “Wikiri wiwaci ri nyatoro gima wiwok neno, cuka Wod Dhano otiek cerino kwoŋ jom'otho.” 10Jofonjirok joliŋ gi wac no, to wegi jopenjere kendi gin ni dwoŋ cerino kwoŋ jom'otho no obedo aŋo. 11#Mal 4:5; Mat 11:14Gikenyo jopenjo Yesu ni, “Raŋo jondiko jowaco ni Elia ama ripo telo bino?” 12Yesu odwoko ni, “Adieri Elia ama kutho ripo telo bino ŋey woyiki gimoro je. To raŋo ma Ndiko Maleŋ bende waco ni Wod Dhano bino limo candirok madwoŋ t'ikwero go! 13To awaco riwin, kole Elia otieko bino to ji jotimo rigo gima joyenyo je, paka Ndiko Maleŋ luwo kwoŋe.”
Yesu botho jayac ma cuny m'ocido ni kwoŋe
(Mat 17:14-21; Luk 9:37-43a)
14Munyo Yesu kodi jofonjirok pere adek no jogik bongi jofonjirok pere man, jonwaŋo ji kweth jothoko jono kareno jondiko jopiemo kodi jo. 15Tekin ji joneno Yesu, jobwok swa to joringo bonge to jom'otho go. 16Yesu openjo ni, “Oyido wipiemo aŋo gi jo?” 17Ŋat'acel i dier ji odwoko ni, “Jafonji, akelo wodan bongin, rupiri cuny m'ocido ni kwoŋe aka kinyal kada luwo. 18Hongo je ka jwogi no omonjo go, rwato go piny, aka bwoyo wok i dhoke, aka mwodo lake, to thwo matek. Akwayo jofonjirok perin ni joworiemi woko jwogi no, to jok'onyalo.” 19Yesu owaco rijo ni, “A luse ji m'ongoye gi yeyo! Anobedi gi win kiri keraŋo? Anodiy cunyan gi win kiri keraŋo? Keli win go bongan ka.” 20Jokelo jayac no bongi Yesu, to tekin jwogi man kwoŋe neno Yesu, go opodho piny, to ŋindere i lowo kareno bwoyo wok i dhoke. 21Yesu openjo bamere ni, “Ocowo hongo aŋo cuka jwogi maki go?” Go odwoko ni, 22“Wok i thino pere. Ndiri madit otemo neko go munyo bolo go i mac kodi i pi. Maki gi wan wor, k'inyalo ikony wan!” 23Yesu odwoko ni, “K'inyalo kendo ayin! Gimoro je nyalere ri dhano man gi yeyo.” 24Piyo no ba jayac oluwo malo ni, “Ayeyo, kony ngoye gi yeyo paran!”
25Munyo Yesu oneno lwak ji rikere kwoŋe, owodho or ri cuny m'ocido ni, “Jwogi no ma ithe otho, m'obadha, ariemin eye kwoŋ jayac me aka ikir'igik kwoŋe kendo.” 26Jwogi okoko malo, omiyo jayac no otho fum, to eye kwoŋe. Jayac no ocale p'otho, m'omiyo dhano je owaco ni, “Otieko tho.” 27To Yesu omako cinge to tiŋo go malo, to won tekere cungo. 28Munyo Yesu otieko donjo i ot, jofonjirok pere jopenjo go nyaliŋliŋ ni, “Raŋo ma wakinyalo riemo woko jwogi no?” 29Yesu odwoko ni, “Kiti jwogi me riemo mere tek k'ongoye kwayo gi riyo.”
Yesu odoko luwo kwoŋ tho pere
(Mat 17:22-23; Luk 9:43b-45)
30Yesu gi jofonjirok pere munyo jowok kenyo, joluwo Galili. Go k'omito ji jowoŋey kama go niye, 31rupiri oyido go fodi fonjo jofonjirok pere, ka waco rijo ama: “Ibino mako Wod Dhano t'iketho i cingi joma jobino neko go; to ceŋ mar'adek go bino cerino.” 32To jok'oniaŋ dwoŋ wac no, to jolworo penjo go.
Ŋa madwoŋ loyo?
(Mat 18:1-5; Luk 9:46-48)
33Yesu gi jofonjirok pere jobino Kapernaum, aka munyo jo ni ot, openjo jo ni, “Onwaŋo wipiemo aŋo i royo?” 34#Luk 22:24Jok'odwoko go, kwoŋbedo oyido nyaka jowok piem wegi kendi gin ni ŋa kwoŋ jo maloyo wadi gi dwoŋ. 35#Mat 20:26,27; 23:11; Mar 10:43,44; Luk 22:26Yesu obedo piny, olwoŋo j'apar g'ario no to waco rijo ni, “Ŋata mito bedo marapena, ripo bedo macowe kwoŋ ji je, kendo jatic ri wadi je.” 36Gikenyo go okwanyo nyathi moro, to waco rigo cungo i dier jo, to ketho cinge umo gine go, to waco rijo ni, 37#Mat 10:40; Luk 10:16; Yoh 13:20“Dhano je ma jolo nyaka nyathi me i nyingan, meno jolan; aka ŋata jolan meno kijolan kendan, to jolo kiri ŋat'ooran bende.”
Ŋata kimon gi wan meno tiyere gi wan
(Luk 9:49-50)
38Gikenyo Yohana owaco ri Yesu ni, “Jafonji, wanwaŋo ŋatimoro riemo woko jwogi i nyingin; to paka go k'obedo acel kwoŋ wan, waciero go timo ameno.” 39Yesu owaco rijo ni, “Wikiri wicer go; ongoye ŋata timo gir'aura i nyingan manyalo luwo kwoŋan marac. 40#Mat 12:30; Luk 11:23Ŋata kimon gi wan, meno tiyere gi wan. 41#Mat 10:42Adieri awaco riwin, nyatoro je m'omiy win agwata pi amadha kwoŋbedo wi ji pa Kristo, go kilakeŋ kemba pere.”
Raco ma miyo dhano timo reco
(Mat 18:6-9; Luk 17:1-2)
42“Moro je m'omiy nyithindho me timo reco, d'ober ka otwey kidi madwoŋ i ŋute t'ibolo go i pendi wakawaka. 43#Mat 5:30Aka ka cingin acel rwakin i gimarac, ŋondi woko; kole ber rin donjo i kwo makirum gi cingin acel loyo kidho gi cingin ario je i mac makitho, 44[kama kudin ma iye kitho, aka mac mere kitho]. 45Aka ka tiendin acel rwakin i gimarac, ŋondi woko; kole ber rin donjo i kwo makirum, m'iŋol loyo bolin i mac makitho gi tiendin ario je, 46[kama kudin ma iye kitho, aka mac mere kitho]. 47#Mat 5:29Aka ka waŋin acel rwakin i gimarac, goli woko; kole ber rin donjo i Ker pa Were gi waŋin acel, loyo bedo gi waŋin ario je t'ibolin i mac makitho, 48#Isa 66:24kama kudin ma iye kitho, aka mac mere kitho.”
49“Kole dhano je ibino loko maber pa gim'othol i mac gi cumbi. 50#Mat 5:13; Luk 14:34-35Kado cumbi ber, to k'olokere ma both, winyalo nedi dwoko rigo mito mere? Bedi win pa cumbi mamit i kite mewin, aka nyaka winobedi gi siem i dier win.”
Currently Selected:
Mariko 9: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
