Jolevi 27
27
Cik ma mako kwoŋ mic m'imiyo Rwoth
1Rwoth oluwo gi Musa ka waco ama: 2Luw gi Joisiraili aka iwaci rijo ni: Ka nyatoro otimo cikirok m'oŋeyere ri Rwoth, me rapim m'inyalo kipima gi dhano, 3rapim pa ŋat'obedo jacwo labedo; wok i oro piero ario tundo piero aucel labedo siringi piero abic ma feza pesa ma kamaleŋ. 4Ka ŋato obedo dhako, rapim labedo siringi piero adek. 5Ka oro obedo wok abic tundo piero ario, rapim mere labedo siringi ario ri jacwo kodi siringi apar ri dhako. 6Ka oro obedo dwe acel tundo oro abic, rapim pa jacwo labedo siringi abic ma feza, aka ri dhako rapim labedo siringi adek ma feza. 7Aka ka dhano obedo jaoro piero aucel kadho malo, nyaka to rapim pa jacwo labedo siringi apar g'abic, aka apa dhako siringi apar. 8Ka nyatoro obedi ma k'onyalo culo rapim, wokel jo ruwaŋ jacway ri Were i wi migam ma lamenyo jo paka gima kisi ŋat'acel acele ma timo cikirok nyalo culo.
9Ka mako ogwaŋ m'inyalo kelo paka mic ri Rwoth, nger gino m'inyalo miyo Rwoth bino bedo maleŋ. 10Wongoye man ma wowile gine kosa wolunji waŋe, obedi maber m'iwilo gi marac; kosa marac kodi maber; aka k'ogwaŋ acel owil gi man, ogwaŋ no kodi m'owil gine je labedo maleŋ. 11K'omako ogwaŋ moro je makoc ma kinyal nyewo paka mic ri Rwoth, ogwaŋ no wokel ruwaŋ jacway ri Were i wi migam. 12Jacway ri were i wi migam lamenyo go; obedi ni ber kosa rac, paka menyo pa jacway ri Were i migam obedi, apaka bey mere labedo. 13To ka ŋat'acel no omiti nyewo kendo, go ripo medo acel wiy abic kwoŋ pesa macon.
14Ka nyatoro oloko ot maleŋ ri Rwoth, jacway ri Were i wi migam bino menyo bey mere: Obedi maber kosa marac, paka jacway ri Were i wi migam omeny bey, ladoŋ ameno. 15To ka ŋata loko ot maleŋ mito nyewo kendo, go lamedo acel wiy abic kwoŋ bey m'oridhi, to gik ri won mere macon kendo.
16Ka nyatoro oloko maleŋ lowo moro m'oluwo ri Rwoth, bey mere m'omeny bino bedo marom gi kodhi m'inyalo cwoy'iye: Siringi piero abic ma feza marom kodi kilo miya acel ma bale. 17Ka nyatoro oloko maleŋ ndelo paka oro ma piero abic, bey gipi bino cungo. 18To ka oloki ndelo maleŋ ka oro piero abic orumo, jacway ri Were i wi migam bino timo kwan ma bey mere paka oro m'odoŋ cuka tundo oro piero abic, t'imoja bey. 19To ka ŋat'oloko ndelo maleŋ mito nyewo kendo, nyaka lamedo acel wiy abic i wi pesa macon, to gik ri won mere macon. 20To ka k'onyew ndelo kendo, kosa k'otana gi ŋatiman, k'onyal nyewirok kendo. 21To ka ogony ndelo i oro ma piero abic, bino bedo maleŋ ri Rwoth paka ndelo m'omiyere; to lokere gipa jocway ri Were i wi migam. 22Ka nyatoro oloko maleŋ ri Rwoth ndelo m'otiek nyewo, ma k'obedo lowo alunja, 23jacway ri Were i wi migam latimo kwan ka menyo bey ma ripo gine tundo oro piero abic, aka bey m'omeny iripo culo ndelo no won, mic maleŋ ri Rwoth. 24I oro ma piero abic ndelo lagik ri ŋat'oyido onyew gine, m'obedo won ndelo macon. 25Menyo bey je bino bedo paka pesa ma kamaleŋ nitie. 26Nywol marapena p'ogwaŋe, paka obedo makayo, obedo apa Rwoth, ŋatimoro je kiripi loko maleŋ rigo; obedi merikwa kosa rombo. 27K'obedo ogwaŋ makoc, ogwaŋ m'obedo kayo inyalo nyewo t'idwoko kendo i bey m'omeny, gi medo i wiye acel wiy abic; ka k'onyew t'idwoko, inyalo kitana gi ŋatiman i bey ma ripo.
28 #
Kwan 18:14
Ongoye gim'obedo apa dhano m'otieko miyo ni woneki ri Rwoth, obedi dhano kosa ogwaŋ, kosa lowo alunja, m'inyalo kitana kosa nyewo kendo; kisi gimoro je m'otiek miyo Rwoth leŋ rigo swa. 29Ongoye ji m'otiek yiko neko jo m'inyalo botho; iripo neko jo.
30 #
Kwan 18:21; Cik 14:22-29 Acel wiy apar ma lowo, obedi kodhi ma lowo kosa olemo ma yath, obedo apa Rwoth; jobedo gimaleŋ ri Rwoth. 31Ka ji jomito nyewo acel wiy apar moro kendo, joripo medo acel wiy abic kwoŋ jo. 32Acel wiy apar ma dhok kosa mwendi, kisi acel wiy apar ma luwo cingi jakwath rombo, bino bedo maleŋ ri Rwoth. 33Wongoye ŋata wopenji obedi ni ber kosa rac, kosa wokethi gimoro ma lunjo waŋe; ka dhano okethi gilunjo waŋe, nyaka gigipiny no je kodi gima lunjo waŋe bino bedo maleŋ aka kinyal nyewo t'idwoko.
34Me a or ma Rwoth omiyo Musa wi Got Sinai ri Joisiraili.
Currently Selected:
Jolevi 27: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
