Jolevi 24
24
Kuro talin
(Wok 27:20-21)
1Rwoth oluwo gi Musa ka waco ni: 2Miy Joisiraili or ŋey jowokeli rin mo mangil ma yath oliv ri talin, ma lielo talin ma jokitho. 3Aron wokethi malo i wi Wema ma romo, woko ma nanga m'oliero ruwaŋ Kakan ma Cikirok, woliel wok othieno tundo odikin ruwaŋ Rwoth makitho; aka wobedi cik ma cil gi cil i luse mewin je. 4Go laketho talin i wi raŋaw talin ma zahabu macil ruwaŋ Rwoth makitho.
Mugat m'imiyo Rwoth
5 #
Wok 25:30
Ilakwanyo moko m'onuŋere, t'ibako muma apar g'ario mere; kisi muma wotim gi kilo ario. 6Ikethi jo i bol ario, aucel i kisi bol, i wi meza ma zahabu macil ruwaŋ Rwoth. 7Ikethi buban macil i kisi bol acel, wobedi paka mic i kawaŋ mugat, paka mic awaŋa ri Rwoth. 8Kisi ndelo ma sabato Aron lacano jo ruwaŋ Rwoth hongo je paka miyirok pa Joisiraili, paka cikirok ma cil gi cil. 9#Mat 12:4; Mar 2:26; Luk 6:4Jolabedo ri Aron kodi nyikwaye, ma jolacamo jo i Kabedo Maleŋ, rupiri jobedo adec maleŋ loyo rigo wok mic awaŋa ri Rwoth, ma cil gi cil.
Ranen ma gir'acula m'otire kodi madhedhe
10Jal moro ma min oyido obedo Jaisiraili aka bamere oyido obedo Jamisir ofudhere i dier Joisiraili; to cako gorok gi Jaisiraili moro i kambi. 11Okewo pa Joisiraili oluwere kicar kwoŋ Were kalamo Were. To jokelo go bongi Musa, aka nyingi min oyido Selomith, nyar Dibiri, janono pa Dan. 12Okethi go i twec, cuka Rwoth oyawo rijo paro pere.
13Rwoth oluwo gi Musa ka waco ama: 14Woth woko jaluwirok kicar kwoŋ Were no woko ma kambi; aka weyi jono je ma jowinjo munyo lamere jowokethi cingi gin i wiye, aka weyi cokirok gibe jowocadhi go gi telin. 15Aka luw gi Joisiraili, i wac rijo ni: Nyatoro moro je m'olam Were latiŋo reco pere. 16Ŋat'oluwere kicar kwoŋ nyingi Rwoth, latho adieri, cokirok gibe lacadho go gi telin adieri. Jokicar kanyacel gi jopiny, ka joluwere kicar i nyingi Rwoth, ibino neko go. 17#Wok 21:12Nyatoro moro je m'oneki dhano, ilaneko go adieri. 18Nyatoro moro je m'oneki ogwaŋ ripo culo, kwo ri kwo. 19Nyatoro moro je m'omiy nyawote ŋolo, paka go otimo bende wotim rigo nger no. 20#Wok 21:23-25; Cik 19:21; Mat 5:38K'oturo coko, wotur coko pere bende, k'ofudho waŋ dhano, wofudhi waŋe bende, k'omuko lak dhano, womuki lake bende, nger ŋolo ma go omiyo nyawote, ama bende womiy go. 21Nyatoro moro m'oneki ogwaŋ ripo culo; to nyatoro m'oneki dhano, iripo neko. 22#Kwan 15:16Wibedi gi cik acel ri jakicar kodi ri japiny: Kole An abedo Rwoth Were mewin. 23Musa oluwo ameno ri Joisiraili; to jowodho woko jaluwirok kicar kwoŋ nyingi Were woko ma kambi, to jocadho go gi telin cuka otho. Ji ma Isiraili jotimo paka Rwoth oyido owodho or ri Musa.
Currently Selected:
Jolevi 24: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
