Isaya 2
2
Siem ma cil gi cil
(Mika 4:1-3)
1Wac ma Isaya wod Amoz oneno ma mako kwoŋ Yuda gi Yerusalem.
2Aka latundo i kare i ndelo ma rumacen,
got ma Ot pa Rwoth,
ilaketho wi gote,
ilatiŋo malo kalo tendere je.
Nonin je jolamol'iye.
3Nonin kweth jolabino to jowaco ni,
“Biye, weyi wakadhi win malo wi got pa Rwoth,
i Ot pa Were pa Yakobo;
ŋey go wofonji wan royo pere
aka ŋey wawothi i yo pere.
Kole fonji pa Rwoth wok i Zayon
aka wac pa Rwoth wok i Yerusalem.”
4 #
Yowel 3:10; Mika 4:3 Go lathumo banja i dier nonin,
aka lakiosa ri ji kweth.
Jolathedho abor pajo wolokere kwe dhok ma fur,
aka tonge pajo wolokere apala nyangoda.
Ongoye nono ma latiŋo abor kwoŋ nono man kendo,
kosa fonjere lweny kendo.
Ithumo banja kwoŋ jodelok
5Awi ot pa Yakobo,
biye, weyi wawothi,
i lero pa Rwoth!
6Kole iweyo yo pa ji perin,
ot pa Yakobo.
Adieri jopoŋ gi jothieth wok yuwok ceŋ,
gi jojwok paka i Filistia,
aka joriwo cingi jo gi nyithindho pa jopath.
7Lowo pajo opoŋ gi feza gi zahabu,
aka lim pajo ongoye gike.
Lowo pajo opoŋ gi kayinin,
aka cawilin pajo ongoye gike.
8Lowo pajo opoŋ gi cal,
jokule piny ri tic ma cingi jo,
ri gima lwet cingi jo won am'otimo.
9Ameno dhano mwole,
aka kisi dhano dwokere piny,
ikir'icwaki rijo!
10 #
Meny 6:15; 2 Thes 1:9 Donji i tele,
kosa pondi i fukefuke,
kwoŋ nge pa Rwoth,
kwoŋ dwoŋ ma dhum pere.
11Waŋ ji ma pakirok iladwoko piny,
aka delok pa kisi dhano ilamwolo
aka Rwoth kende am'ila tiŋo malo
i ndelo no.
12Kole Rwoth pa lwak jolweny nigi ndelo,
kwoŋ jodelok je gi jopakirok,
gi kwoŋ kisi dhano ma janoro,
aka iladwoko go piny.
13Kwoŋ yen sida je ma Lebanon,
maboyo aka otiŋere malo,
gi kwoŋ olwa je ma Basan;
14kwoŋ gote je maboyo,
gi kwoŋ tendere je m'otiŋere malo,
15kwoŋ acurcur je maboyo,
gi kwoŋ kor udi m'ogeŋ je,
16kwoŋ mel je ma Tarsis,
gi kwoŋ gi ndijo je.
17Pakirok pa ji ilamwolo,
aka delok pa kisi dhano iladwoko piny
aka Rwoth kende am'ila tiŋo malo
i ndelo no.
18Cal je jolarwenyo kicutho.
19Ji joladonjo i ŋungu telin,
gi i kero piny,
ri lworo pa Were,
ri dwoŋ ma dhum pere,
ka go oay miyo piny kirin.
20I ndelo no ji jolabolo woko
cal pajo ma feza,
gi cal pajo ma zahabu,
ma jotimo rijo wegi lamo,
ri fuko gi kilafundo.
21Ji joladonjo i ŋungu telin,
gi i wilwindi riete,
kwoŋ lworo pa Rwoth,
gi dwoŋ ma dhum pere,
ka go oay miyo piny kirin.
22Wire woko kwoŋ dhano,
ma luya pere nitie i ume,
aŋo bende ma go nyalo?
Dhopadhola DC Bible © Bible Society of Uganda, 2018.