Zekaria 3

Menyirok pa jacway ri Were i wi migam madwoŋ

1 # Ezira 5:2; Meny 12:10 Rwoth onyuthan Yesuwa jadwoŋ pa jocway ri Were i wi migam munyo ocungo ruwaŋ malaika pa Rwoth, aka Sitan oyido ocungo yuracuc pa Yesuwa kisegeya go. 2#Yud 1:9Rwoth owaco ri Sitan ni, “Abwokin, Awi Sitan! Rwoth m'oyero Yerusalem bwokin! Jacwo me k'obedo kasik mac m'ofudhi wok i mac?”

3Yesuwa oyido oruko nangin m'ocido, aka ocungo ruwaŋ malaika. 4Malaika owaco ri jom'oyido jocungo ruwaŋ go ni, “Luny woko nangin m'ocido kwoŋ go.” Aka go owaco ri Yesuwa ni, “Neni, atieko miyo cilo perin oware kwoŋin, aka alarukin gi law ma welo.”

5Kenyo awaco ni, “Weyi wokethi junga m'olony i wiye.” Ameno okethi junga m'olony i wiye t'iruko go gi nangin, aka malaika pa Rwoth oyido ocungo cegin.

6Malaika pa Rwoth opiro Yesuwa ka waco ni, 7“Rwoth pa lwak jolweny waco ama: K'inowothi i yo paran, aka inokur fonji paran, kenyo iladhumo ot paran, aka alamiyin kapido paran bende, aka alamiyin thwolo ma donjo i dier jome ma jocungo ka. 8#Yer 23:5; 33:15; Zek 6:12Mondo winji, Awi Yesuwa, in kodi wadin ma jobedo ruwaŋin, jobedo cwo ma gir'aura; kole neni, acegin kelo ri ŋeca paran jange. 9Kole neni, tele m'atieko jengo ruwaŋ Yesuwa, wi tele acel labedo waŋ jo abirio, aka neni, acegin goro ndiko mere i iye, Rwoth pa lwak jolweny waco, aka alacwako reco ma lowo no nyaka i ndelo. 10#Mika 4:4I ndelo no, Rwoth pa lwak jolweny waco, kisi dhano lalwoŋo jager pere i tiendi yath vini kodi i tiendi makuyu.”

Currently Selected:

Zekaria 3: DHOCDC

Highlight

Copy