Zabuli 12
12
Kwayo ri kony
1Rwoth, kony, kole ongoye ŋata lworo Were.
Joma timo adieri je jokinwaŋere i dier wot ji.
2Kisi nyatoro wondo jager pere,
jopelere aka joluwo gi cuny gin ario.
3Rwoth thum woko lew gin ma jopelere gine,
tweyi dhok ji ma jopakere gine,
4aka jowaco ni, “Wanwaŋo gima wamito gi lew wan,
wawaco gima wamito,
aka ongoye ŋata bino cero wan.”
5To Rwoth waco ni, “Kwoŋbedo idiyo jocandi,
aka ji m'icando jodwanyere i litho, onyo abino ay,
t'akwonga jo.”
6Cikirok pa Rwoth obedo cikirok macil,
paka feza mangil
m'oyuy i mac dibirio.
7In Rwoth, ilakikwonga wan,
aka ilagwoko wan kwoŋ luse ji me kicutho.
8Jokidakana joywore kisi kamoro,
kisi dhano pako gimarac.
Currently Selected:
Zabuli 12: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
