Cakirok 48
48
Yakobo miyo Efrayim gi Manase silwany
1Rumacen ma gime owaci ri Yozefu ni, “Neni, benin two swa.” Ameno okwanyo wote ario, Manase kodi Efrayim to kidho neno bamere. 2Aka munyo owaci ri Yakobo ni wode Yozefu oyido obino, olimo meni to ay bedo i wi kanindo. 3Yakobo owaco ri Yozefu ni, “Were Majameni je onenere ran i Luz i piny Kanan to miyan silwany. 4Aka owaco ran ni, ‘Neni, abino miyin nyithindho kweth, ŋey nyikwayin jowolokere piny madongo. Abino miyo nyikwayin lowo me paka lim pajo kicutho.’ ”
5Yakobo omedere waco ni, “Wotin ario m'onywol rin i Misir mafodi akibino ka, jobedo aparan; Efrayim gi Manase jobedo wotin paka Ruben gi Simeo. 6K'inolim wotin man, jokilakwanere paka aparan. Jobino limo gir'alunja pajo kwoŋ Efrayim gi Manase. 7#Cak 35:16-19Atimo gime ro yokin Laker. I rem paran madwoŋ go otho i lowo ma Kanan, kama kibor gi Efratha munyo nyaka adwoko wok Mesopotamia. Ayiko go kenyo i thengi yo ma kidho Efratha.” (Efrath pama oŋeyere paka Bethelehem.)
8Munyo Yakobo oneno wot Yozefu, openjo ni, “Me yac mene?”
9Yozefu odwoko ni, “Me wotan ma Were omiyan jo ka i Misir.”
Yakobo owaco ni, “Keli jo bongan ŋey amiy jo silwany.” 10Onyo waŋ Yakobo oyido riprip ro oro pere aka oyido kinen maber. Ameno Yozefu okelo jo cegin gi go, aka ocwiyo lembi jo to podho i kor jo. 11Aka Yakobo owaco ri Yozefu ni, “Oyido akipar ni anonenin kendo, to neni, Were oyeyan neno kiri nyithindho perin bende.” 12Kenyo Yozefu okwanyo jo wok i tiendi Yakobo to kule ruwaŋ Yakobo gi nyime piny.
13Aka Yozefu okwanyo joje to ketho Efrayim yuracam pa Yakobo aka Manase yuracuc pa Yakobo. 14To Yakobo olwowo cingi to ketho cinge maracuc i wi Efrayim makada nende go am'oyido thin; to ketho cinge maracam i wi Manase m'oyido dwoŋ. 15Kenyo Yakobo omiyo Yozefu silwany ka waco ni,
“Weyi Were ma kwarere paran Abraham gi Isaka jotiyo rigo womiy yac me silwany,
Were m'otelan i kwo paran je tundo gunyo ni.
16Weyi malaika m'obothan wok i raco je womiy jo silwany!
Weyi nyingan kodi nyingi bacere paran Abraham, kodi Isaka womedere luwo i jo!
Weyi jowobedi gi nyithindho kweth, kodi nyikway jo kweth!”
17Munyo Yozefu oneno ni bamere oketho cinge maracuc i wi Efrayim, owinjo marac aka okwanyo cingi bamere ni wokwany woko wok i wi Efrayim wokethi i wi Manase. 18Aka Yozefu owaco ri bamere ni, “K'ameno baba; me aya okayo, kethi cingin maracuc i wiye.”
19To bamere okwero to waco ni, “Aŋeyo wodan, aŋeyo. Nyikway Manase bende jobino lokere ji madongo. To omin go mathin bino bedo madwoŋ loyo go, aka nyikwaye jobino lokere nonin madongo.”
20Ameno Yakobo omiyo jo silwany ndelo no ka waco ama: “Joisiraili jobino oro nyingi win ka jomiyo silwany. Jobino waco ni, ‘Weyi Were wolokin paka Efrayim gi Manase.’ ” I nger me Yakobo oketho Efrayim telo Manase.
21Kenyo Yakobo owaco ri Yozefu ni, “Neni, acegin tho, to Were bino bedo kodin, aka bino dwokin i lowo pa bacere perin. 22Obedo rin aka ki ri wutmin in m'amiyo Sekem, adec maber ma mayo Joamor g'abor paran kodi asere.”
Currently Selected:
Cakirok 48: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Cakirok 48
48
Yakobo miyo Efrayim gi Manase silwany
1Rumacen ma gime owaci ri Yozefu ni, “Neni, benin two swa.” Ameno okwanyo wote ario, Manase kodi Efrayim to kidho neno bamere. 2Aka munyo owaci ri Yakobo ni wode Yozefu oyido obino, olimo meni to ay bedo i wi kanindo. 3Yakobo owaco ri Yozefu ni, “Were Majameni je onenere ran i Luz i piny Kanan to miyan silwany. 4Aka owaco ran ni, ‘Neni, abino miyin nyithindho kweth, ŋey nyikwayin jowolokere piny madongo. Abino miyo nyikwayin lowo me paka lim pajo kicutho.’ ”
5Yakobo omedere waco ni, “Wotin ario m'onywol rin i Misir mafodi akibino ka, jobedo aparan; Efrayim gi Manase jobedo wotin paka Ruben gi Simeo. 6K'inolim wotin man, jokilakwanere paka aparan. Jobino limo gir'alunja pajo kwoŋ Efrayim gi Manase. 7#Cak 35:16-19Atimo gime ro yokin Laker. I rem paran madwoŋ go otho i lowo ma Kanan, kama kibor gi Efratha munyo nyaka adwoko wok Mesopotamia. Ayiko go kenyo i thengi yo ma kidho Efratha.” (Efrath pama oŋeyere paka Bethelehem.)
8Munyo Yakobo oneno wot Yozefu, openjo ni, “Me yac mene?”
9Yozefu odwoko ni, “Me wotan ma Were omiyan jo ka i Misir.”
Yakobo owaco ni, “Keli jo bongan ŋey amiy jo silwany.” 10Onyo waŋ Yakobo oyido riprip ro oro pere aka oyido kinen maber. Ameno Yozefu okelo jo cegin gi go, aka ocwiyo lembi jo to podho i kor jo. 11Aka Yakobo owaco ri Yozefu ni, “Oyido akipar ni anonenin kendo, to neni, Were oyeyan neno kiri nyithindho perin bende.” 12Kenyo Yozefu okwanyo jo wok i tiendi Yakobo to kule ruwaŋ Yakobo gi nyime piny.
13Aka Yozefu okwanyo joje to ketho Efrayim yuracam pa Yakobo aka Manase yuracuc pa Yakobo. 14To Yakobo olwowo cingi to ketho cinge maracuc i wi Efrayim makada nende go am'oyido thin; to ketho cinge maracam i wi Manase m'oyido dwoŋ. 15Kenyo Yakobo omiyo Yozefu silwany ka waco ni,
“Weyi Were ma kwarere paran Abraham gi Isaka jotiyo rigo womiy yac me silwany,
Were m'otelan i kwo paran je tundo gunyo ni.
16Weyi malaika m'obothan wok i raco je womiy jo silwany!
Weyi nyingan kodi nyingi bacere paran Abraham, kodi Isaka womedere luwo i jo!
Weyi jowobedi gi nyithindho kweth, kodi nyikway jo kweth!”
17Munyo Yozefu oneno ni bamere oketho cinge maracuc i wi Efrayim, owinjo marac aka okwanyo cingi bamere ni wokwany woko wok i wi Efrayim wokethi i wi Manase. 18Aka Yozefu owaco ri bamere ni, “K'ameno baba; me aya okayo, kethi cingin maracuc i wiye.”
19To bamere okwero to waco ni, “Aŋeyo wodan, aŋeyo. Nyikway Manase bende jobino lokere ji madongo. To omin go mathin bino bedo madwoŋ loyo go, aka nyikwaye jobino lokere nonin madongo.”
20Ameno Yakobo omiyo jo silwany ndelo no ka waco ama: “Joisiraili jobino oro nyingi win ka jomiyo silwany. Jobino waco ni, ‘Weyi Were wolokin paka Efrayim gi Manase.’ ” I nger me Yakobo oketho Efrayim telo Manase.
21Kenyo Yakobo owaco ri Yozefu ni, “Neni, acegin tho, to Were bino bedo kodin, aka bino dwokin i lowo pa bacere perin. 22Obedo rin aka ki ri wutmin in m'amiyo Sekem, adec maber ma mayo Joamor g'abor paran kodi asere.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.