Wok 3
3
Were lwoŋo Musa
1Onyo Musa oyido kwayo mwendi pa Yethiro ba cege, aka jacway ri Were i wi migam ma Midian. Otelo mwendi pere kadho yupodho ceŋ ma thim aka obino i got Horeb (Sinai) got pa Were. 2#Tim 7:30-34Kenyo malaika pa Rwoth omenyere rigo i mac maliel wok i kasugu dudi. Musa oŋiyo, aka neni, dudi oyido kiwaŋ. 3Aka Musa owaco ni, “Me gidhier, raŋo kasugu dudi kiwaŋ? Abino core cegin anen.”
4Munyo Rwoth oneno nike Musa core cegin, Were olwoŋo go wok i kasugu dudi, “Musa, Musa!”
Musa odwoko ni, “An e.”
5Kenyo Were owaco ni, “Ikir'icore cegin, luny war perin wok i tiendin, kole kabedo m'icung'iye leŋ. 6Abedo Were pa benin, Were pa Abraham, Isaka, kodi Yakobo.” Aka Musa okano waŋe, kole go oyido lworo neno Were.
7Kenyo Rwoth owaco ni, “Atieko neno litho pa ji paran ma jonitie i Misir, aka atieko winjo ywak pajo ro ji ma jodiyo jo; aŋeyo kidamba pajo, 8aka ameno aloro piny gonyo jo wok i cingi Jomisir, kodi kelo jo malo wok i lowo no kadho i lowo maber aka lac, lowo ma mol gi cak kodi mo kic, kama Jokanan, Johiti, Joamor, Joperiz, Johivi, kodi Joyebus pama jobed'iye. 9Aka onyo pama, neni, ywak pa Joisiraili obino bongan, aka atieko neno nger ma Jomisir jodiyo iye jo. 10Biye, abino orin bongi Farawo ŋey inyal wodho ji paran, wot Isiraili wok i Misir.”
11To Musa owaco ri Were ni, “An a ŋa ma ripo akadhi bongi Farawo, to awodho Joisiraili wok i Misir?”
12Were odwoko ni, “Abino bedo kodin, aka me bino bedo ranyuth rin, nike atieko orin. K'itieko wodho jo wok i Misir, wibino laman wi got me.”
13Kenyo Musa owaco ri Were ni, “K'anokidhi bongi Joisiraili t'awaco rijo ni, ‘Were pa kwarere mewin ooran bongi win.’ Jobino penjan ni, ‘Nyinge ŋa?’ Adwoki jo nedi?”
14Were owaco ri Musa ni, “Abedo ŋata Abedo” Aka Were owaco ni “Waci gime ri Joisiraili, ‘Abedo ooran bongi win.’ ” 15Were owaco ri Musa kendo ni, “Waci gime ri Joisiraili ni, ‘Rwoth pa kwarere mewin, Were pa Abraham, Isaka, kodi Yakobo ooran bongi win.’ Me nyingan cil gi cil, me apaka luse ma yuwaŋe je jolalwoŋan. 16Kadhi icoki jotel ma Isiraili je aka iwaci rijo ni, ‘Rwoth, Were pa kwarere mewin, Were pa Abraham, Isaka, kodi Yakobo omenyere ran.’ Waci rijo ni abino bongi jo aka atieko neno gima Jomisir jotimo rijo. 17Atieko yere wodho jo wok i Misir, kama jonitie iye i litho kelo jo i lowo pa Jokanan, Johiti, Joamor, Joperiz, kodi Joyebus, lowo ma mol gi cak kodi mo kic.”
18“Jobino winjo dwondin, aka in gi jotel pa Joisiraili wiripo kidho bongi kere ma Misir to wiwaco rigo ni, ‘Rwoth, Were pa Joebulaniya, omenyere riwan. Onyo yey wan wawothi ma ndelo adek kadho i thim, ŋey wamiy Rwoth Were mawan cowirok.’ 19Aŋeyo nike kere ma Misir kilayeyo win kadho kwanyo woko k'orom go gi cingi jo ma meni. 20T'abino telo cingan to agoyo Misir gi gir'aura m'abino timo iye, rumacen ma gino go bino yeyo win kadho. 21#Wok 12:35,36Aka abino miyo Jomisir woro win, aka ka wikadho, wikibino kadho gi cingi win nono. 22To kisi dhako Jaisiraili bino kidho bongi jager pere kodi bongi dhako Jamisir ma bedo i ot pere aka bino kwayo nangin kodi thiwino ma zahabu gi feza. Joisiraili jobino ketho gigipiny me kwoŋ nyithindho pajo to jokadho gi lim pa Jomisir.”
Currently Selected:
Wok 3: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 3
3
Were lwoŋo Musa
1Onyo Musa oyido kwayo mwendi pa Yethiro ba cege, aka jacway ri Were i wi migam ma Midian. Otelo mwendi pere kadho yupodho ceŋ ma thim aka obino i got Horeb (Sinai) got pa Were. 2#Tim 7:30-34Kenyo malaika pa Rwoth omenyere rigo i mac maliel wok i kasugu dudi. Musa oŋiyo, aka neni, dudi oyido kiwaŋ. 3Aka Musa owaco ni, “Me gidhier, raŋo kasugu dudi kiwaŋ? Abino core cegin anen.”
4Munyo Rwoth oneno nike Musa core cegin, Were olwoŋo go wok i kasugu dudi, “Musa, Musa!”
Musa odwoko ni, “An e.”
5Kenyo Were owaco ni, “Ikir'icore cegin, luny war perin wok i tiendin, kole kabedo m'icung'iye leŋ. 6Abedo Were pa benin, Were pa Abraham, Isaka, kodi Yakobo.” Aka Musa okano waŋe, kole go oyido lworo neno Were.
7Kenyo Rwoth owaco ni, “Atieko neno litho pa ji paran ma jonitie i Misir, aka atieko winjo ywak pajo ro ji ma jodiyo jo; aŋeyo kidamba pajo, 8aka ameno aloro piny gonyo jo wok i cingi Jomisir, kodi kelo jo malo wok i lowo no kadho i lowo maber aka lac, lowo ma mol gi cak kodi mo kic, kama Jokanan, Johiti, Joamor, Joperiz, Johivi, kodi Joyebus pama jobed'iye. 9Aka onyo pama, neni, ywak pa Joisiraili obino bongan, aka atieko neno nger ma Jomisir jodiyo iye jo. 10Biye, abino orin bongi Farawo ŋey inyal wodho ji paran, wot Isiraili wok i Misir.”
11To Musa owaco ri Were ni, “An a ŋa ma ripo akadhi bongi Farawo, to awodho Joisiraili wok i Misir?”
12Were odwoko ni, “Abino bedo kodin, aka me bino bedo ranyuth rin, nike atieko orin. K'itieko wodho jo wok i Misir, wibino laman wi got me.”
13Kenyo Musa owaco ri Were ni, “K'anokidhi bongi Joisiraili t'awaco rijo ni, ‘Were pa kwarere mewin ooran bongi win.’ Jobino penjan ni, ‘Nyinge ŋa?’ Adwoki jo nedi?”
14Were owaco ri Musa ni, “Abedo ŋata Abedo” Aka Were owaco ni “Waci gime ri Joisiraili, ‘Abedo ooran bongi win.’ ” 15Were owaco ri Musa kendo ni, “Waci gime ri Joisiraili ni, ‘Rwoth pa kwarere mewin, Were pa Abraham, Isaka, kodi Yakobo ooran bongi win.’ Me nyingan cil gi cil, me apaka luse ma yuwaŋe je jolalwoŋan. 16Kadhi icoki jotel ma Isiraili je aka iwaci rijo ni, ‘Rwoth, Were pa kwarere mewin, Were pa Abraham, Isaka, kodi Yakobo omenyere ran.’ Waci rijo ni abino bongi jo aka atieko neno gima Jomisir jotimo rijo. 17Atieko yere wodho jo wok i Misir, kama jonitie iye i litho kelo jo i lowo pa Jokanan, Johiti, Joamor, Joperiz, kodi Joyebus, lowo ma mol gi cak kodi mo kic.”
18“Jobino winjo dwondin, aka in gi jotel pa Joisiraili wiripo kidho bongi kere ma Misir to wiwaco rigo ni, ‘Rwoth, Were pa Joebulaniya, omenyere riwan. Onyo yey wan wawothi ma ndelo adek kadho i thim, ŋey wamiy Rwoth Were mawan cowirok.’ 19Aŋeyo nike kere ma Misir kilayeyo win kadho kwanyo woko k'orom go gi cingi jo ma meni. 20T'abino telo cingan to agoyo Misir gi gir'aura m'abino timo iye, rumacen ma gino go bino yeyo win kadho. 21#Wok 12:35,36Aka abino miyo Jomisir woro win, aka ka wikadho, wikibino kadho gi cingi win nono. 22To kisi dhako Jaisiraili bino kidho bongi jager pere kodi bongi dhako Jamisir ma bedo i ot pere aka bino kwayo nangin kodi thiwino ma zahabu gi feza. Joisiraili jobino ketho gigipiny me kwoŋ nyithindho pajo to jokadho gi lim pa Jomisir.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.