Wok 26

Wema ma bedo pa Rwoth

(Wok 36:8-38)

1Wotim ran Wema maleŋ, Wema m'alabed'iye, g'adece apar ma nangin mafoth m'okwoy gi yer rombo manyabululu, manyarangi ariŋo, kodi m'obokere. Wokwoy jo gi cal pa cwec ma jobwombi gin. 2Wotim kisi adec mita apar g'ario mabor, aka mita ario malac. 3Wokwoy abic kanyacel, kodi abic man kanyacel. 4Wokwoy kondin ma nanga manyabululu i dhok adec ma woko i kisi adec abic. 5Wokwoy kondin piero abic iy'adec acel, kodi kondin piero abic iy'adec man. 6Wotim siragetere piero abic gi zahabu ma riwo adec m'okwoy kadirio kanyacel.

7“Wotim giumo Wema maleŋ wok kwoŋ adec nangin apar g'acel m'otimi gi yer diel. 8Wotim jo marom, mita apar g'adek i boro, kodi mita ario i laco. 9Wokwoy abic kanyacel, aka abic man bende. Adec acel m'odoŋ wodol ruwaŋ Wema maleŋ. 10Wokwoy kondin piero abic i tok adec acel m'okwoy kanyacel, kodi iy'adec man bende. 11Wotim siraget ma ywel piero abic t'iketho i ithi adec ario m'okwoy kanyacel woriw jo. 12Woŋaw adec acel m'odoŋ yucen ma Wema maleŋ. 13Adec yadi m'odoŋ mabor i kisi thenge woŋaw i thengi Wema maleŋ woum.”

14“Wotim giumo man kendo, acel ma pien wod rombo m'owir gi rangi m'obokere, kodi man ma yer diel, ma geŋo woko.”

15“Wotim miango wok kwoŋ mbawo kasia ri kor Wema maleŋ. 16Kisi miango wobedi mita aŋwen i boro, aka laco wobedi inci piero ario g'abirio, 17kodi akare ario manyalo yeyo jo riwirok. Kisi miango wobedi gi akare. 18Wotim miangin piero ario ri thenge ma yupiny, 19gi pende piero aŋwen ma feza, pende ario i ŋangi kisi miango ma mako akare mere ario. 20Wotim miangin piero ario ri thenge ma yumalo, 21gi pende piero aŋwen ma feza, ario i ŋangi kisi miango. 22Ri yucen ma Wema yupodho ceŋ, wotim miangin aucel, 23kodi miangin ario ri kisi sonda. 24Miangin ma kisi sonda iripo riwo jo wok malo kiri piny. Miangin ario ma jotimo sondin iripo timo jo ama. 25Ameno joje jowobedi miangin aboro gi pende apar g'aucel, ario i ŋangi kisi miango.”

26“Wotim yen ariwa apar g'abic wok kwoŋ mbawo kasia, abic ri miango ma thenge acel ma Wema maleŋ 27abic ri miango ma thenge man, aka abic ri miango ma thenge ma yupodho ceŋ, yucen. 28Ma diere, i kor miango woluwi wok i gike tundo i gike ma Wema. 29Woum miangin gi zahabu aka worwaki gi petin ma zahabu womaki yen ariwa, ma bende woum gi zahabu. 30Wotim Wema i can m'anyuthin wi got.”

31“Wotim nanga ma liero gi nangin mafoth, kodi yer rombo manyabululu, manyarangi ariŋo, kodi m'obokere. Loki maŋon i cal pa cwec ma jonitie gi bwombe gin. 32Woŋaw iy'asur aŋwen ma mbawo kasia m'oum gi zahabu, gi siragetere ma zahabu, kwoŋ pende aŋwen ma feza. 33#Ebu 6:19; 9:3-5Wolier nanga m'iliero i ŋangi bol ma siragetere ma wi kisul Wema, aka wokethi Kakan ma Cikirok m'otiŋo telin mapando ario yuŋeye. Nanga m'olier bino poko Kabedo Maleŋ kwoŋ Kabedo Maleŋ Loyo. 34Wokethi giumo i wi Kakan ma Cikirok. 35Woko ma Kabedo Maleŋ Loyo, wokethi meza yumalo ma Wema kodi raŋaw tala yupiny.”

36“Ri dhiot ma Wema wotim nanga ma liero gi nanga mafoth, gi yeri rombo manyabululu, manyarangi ariŋo, kodi m'obokere aka woloki maŋon gi kwoyo gi piso. 37Ri nanga ma liero me wotim asu abic wok kwoŋ mbawo kasia to iumo gi zahabu aka worwaki gi siragetere ma zahabu. Wotim rijo pende abic ma ywel.”

Currently Selected:

Wok 26: DHOCDC

Highlight

Copy