Wok 11
11
Musa langa tho p'okayin
1Rwoth owaco ri Musa ni, “Abino dhiro nyaka gir'acula acel kendo kwoŋ Farawo gi ji pere. Rumacen ma meno go bino weyo win kadho. Adieri go bino riemo wijoje wok ka. 2Onyo wac ri Joisiraili jowokway joger pajo thiwino ma zahabu gi feza.” 3Rwoth omiyo Jomisir lworo Joisiraili. Adieri, jodhum gi ji je jotero Musa paka jacwo madwoŋ.
4Musa owaco ri Farawo ni, “Rwoth waco ni, ‘Kapa sawa aucel ma wor, abino wotho i Misir, 5aka kisi okayo i Misir bino tho, wok kwoŋ okayo pa Farawo ma ripo lunjo ker, tundo kwoŋ okayo pa ŋeca madhako ma rego ŋano. Aka kiri nyithindhi dhok makayo je jobino tho. 6Bino bedo ywak madwoŋ swa i lowo ma Misir gipi, nger m'oyido fodi k'obedo, kosa k'obedi kendo. 7To ongoye kada gwok ma bino gwe gi Joisiraili kosa ogwaŋe pajo. Kenyo wibino ŋeyo nike An, Rwoth, aketho pokirok i dier Jomisir kodi Joisiraili.’ ” 8Macowe Musa owaco ni, “Jodhum perin je jolabino bongan to jokule piny ruwaŋan, aka jobino kwayan kwanyo ji paran wakadhi. Rumacen ma gino, abino kadho.” Kenyo Musa oeye woko bongi Farawo i nge madit.
9Rwoth oyido owaco ri Musa ni, “Farawo k'owinjin ŋey atim gir'aura paran man i Misir.” 10Musa gi Aron jotimo gir'aura me je ruwaŋ Farawo, to Rwoth omiyo go bedo gi wictek, aka k'oweyo Joisiraili weyo piny pere.
Currently Selected:
Wok 11: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 11
11
Musa langa tho p'okayin
1Rwoth owaco ri Musa ni, “Abino dhiro nyaka gir'acula acel kendo kwoŋ Farawo gi ji pere. Rumacen ma meno go bino weyo win kadho. Adieri go bino riemo wijoje wok ka. 2Onyo wac ri Joisiraili jowokway joger pajo thiwino ma zahabu gi feza.” 3Rwoth omiyo Jomisir lworo Joisiraili. Adieri, jodhum gi ji je jotero Musa paka jacwo madwoŋ.
4Musa owaco ri Farawo ni, “Rwoth waco ni, ‘Kapa sawa aucel ma wor, abino wotho i Misir, 5aka kisi okayo i Misir bino tho, wok kwoŋ okayo pa Farawo ma ripo lunjo ker, tundo kwoŋ okayo pa ŋeca madhako ma rego ŋano. Aka kiri nyithindhi dhok makayo je jobino tho. 6Bino bedo ywak madwoŋ swa i lowo ma Misir gipi, nger m'oyido fodi k'obedo, kosa k'obedi kendo. 7To ongoye kada gwok ma bino gwe gi Joisiraili kosa ogwaŋe pajo. Kenyo wibino ŋeyo nike An, Rwoth, aketho pokirok i dier Jomisir kodi Joisiraili.’ ” 8Macowe Musa owaco ni, “Jodhum perin je jolabino bongan to jokule piny ruwaŋan, aka jobino kwayan kwanyo ji paran wakadhi. Rumacen ma gino, abino kadho.” Kenyo Musa oeye woko bongi Farawo i nge madit.
9Rwoth oyido owaco ri Musa ni, “Farawo k'owinjin ŋey atim gir'aura paran man i Misir.” 10Musa gi Aron jotimo gir'aura me je ruwaŋ Farawo, to Rwoth omiyo go bedo gi wictek, aka k'oweyo Joisiraili weyo piny pere.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.