Wok 10
10
Bonyo
1Kenyo Rwoth owaco ri Musa ni, “Kadhi irom gi Farawo. Atieko miyo go gi jodhum pere bedo gi wictek, ŋey anyal nyutho gir'aura paran i dier jo, 2aka ŋey winyal waco ri nyithindho mewin gi nyikway win nger m'amiŋ'iye Jomisir munyo atimo gir'aura paran. Wijoje wibino ŋeyo ni An Abedo Rwoth.”
3Ameno Musa gi Aron jokidho bongi Farawo, aka jowaco rigo ni, “Rwoth, Were pa Joebulaniya waco ni, ‘Inomedere kwero kiri keraŋo mwolok ruwaŋan? Weyi ji paran jokadhi ŋey jowonyal laman. 4K'inokwer, neni, abino kelo bonyo i piny perin dikin. 5Jobino bedo kweth ma jolaumo piny kicutho. Jobino camo kisi gima pe k'onyeko, kiri gi yen m'odoŋ. 6Jobino poŋ i udi perin kodi apa jodhum perin. Jobino bedo marac loyo gimoro je ma kwarere pajo oneno.’ ” Kenyo Musa owire to eye woko bongi Farawo.
7Jodhum pa Farawo jowaco rigo ni, “Jal me okeli kwoŋ wan teko kiri keraŋo? Weyi cwo Joisiraili jokadhi, ŋey jowolami Rwoth Were pajo. Ikiniaŋ nike Misir orere?”
8Ameno okeli Musa gi Aron ruwaŋ Farawo, aka owaco rijo, “Winyalo kadho ŋey wilam Rwoth Were mewin. To jokune ma jokadho?”
9Musa odwoko ni, “Wabino kadho gi nyithindho mawan, jom'oti, rombo, diegi, kodi dhok mawan, kole waripo timo kalima ma miyo Rwoth dwoŋ.”
10Aka Farawo owaco ni, “Akwoŋere i nyingi Rwoth nike akibino weyo win kadho gi mon kodi nyithindho mewin. Neni, winitie g'atoŋa marac i paro. 11Be! Cwo kende ama jokadhi jowolami Rwoth, kole meno a gim'iyenyo.” Aka oriemo Musa kodi Aron ngoye woko i waŋe.
12Kenyo Rwoth owaco ri Musa ni, “Riey cingin i lowo ma Misir ikeli bonyo. Jobino camo kisi gima dongo, kodi kisi gima pe k'onyeko.” 13Ameno Musa orieyo luth pere, aka Rwoth omiyo koyo ma yuwok ceŋ kudho ndelo no gipi gi wor no gipi; aka kani piny yawere, koyo oyido okelo bonyo. 14Jobino i tome to jopoto i piny gibe. Obedo tome bonyo m'oyido fodi k'oneni, kosa kilaneno kendo. 15Joumo piny cuka lowo olokere macol gi jo. Jocamo kisi gima pe oyido oweyo kiri gi olemo ma yen. Ongoye gima nyaboke pendi m'odoŋ kwoŋ cemo ma ndelo kosa yath i lowo ma Misir gipi.
16Kenyo Farawo olwoŋo Musa gi Aron piyo to waco ni, “Atimo reco kwoŋ Rwoth Were mewin kodi win. 17Onyo riameno, cwaki ran win rume kende, aka wikway Rwoth Were mewin wokwany woko gir'acula ma tho me kwoŋan.” 18Ameno Musa oeye woko bongi Farawo to kwayo Rwoth. 19Aka Rwoth owiro koyo ma yuwok ceŋ i koyo matek yupodho ceŋ, m'otiŋo bonyo to wito jo i nam m'obokere; aka ongoye bonyo kad'acel m'odoŋ i Misir gipi. 20To Rwoth omiyo Farawo bedo gi wictek, aka k'oweyo Joisiraili kadho.
Mudho
21Kenyo Rwoth owaco ri Musa ni, “Riey cingin yupolo ŋey mudho wobin i lowo ma Misir, mudho mapek swa.” 22#Zab 105:28; Meny 16:10Ameno Musa orieyo cinge yupolo aka mudho mapek obedo i lowo ma Misir ma ndelo adek. 23Jomisir jok'onyalo neno wegi, aka ongoye ŋat'owok i ot i hongo no. To Joisiraili oyido jonitie gi lero kama jobed'iye.
24Kenyo Farawo olwoŋo Musa aka owaco ni, “Kadhi wilam Rwoth, kiri gi nyithindho mewin kodi mon mewin jowokadhi. To weyi win rombo, diegi, kodi dhok mewin jowodoŋ ka.”
25To Musa odwoko ni, “Meno ibino miyo wan ogwaŋe ma miyo cowirok, kodi cowirok awaŋa ri Rwoth Were mawan. 26Be, waripo kadho g'ogwaŋe mawan m'ongoye m'odoŋ cen. Wan wegi waripo yero ogwaŋe ma lamo gine Rwoth Were mawan. Aka cuka watundo kenyo, wakibino ŋeyo ogwaŋe mene ma miyo go.”
27Rwoth omiyo Farawo bedo gi wictek, aka k'onyalo weyo jo kadho. 28Farawo owaco ri Musa ni, “Eye woko ruwaŋan! Ikir'imiyan anenin kendo! I ndelo ma inonenan iye, ibino tho.”
29Musa odwoko ni, “Itire, ikibino nenan kendo.”
Currently Selected:
Wok 10: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 10
10
Bonyo
1Kenyo Rwoth owaco ri Musa ni, “Kadhi irom gi Farawo. Atieko miyo go gi jodhum pere bedo gi wictek, ŋey anyal nyutho gir'aura paran i dier jo, 2aka ŋey winyal waco ri nyithindho mewin gi nyikway win nger m'amiŋ'iye Jomisir munyo atimo gir'aura paran. Wijoje wibino ŋeyo ni An Abedo Rwoth.”
3Ameno Musa gi Aron jokidho bongi Farawo, aka jowaco rigo ni, “Rwoth, Were pa Joebulaniya waco ni, ‘Inomedere kwero kiri keraŋo mwolok ruwaŋan? Weyi ji paran jokadhi ŋey jowonyal laman. 4K'inokwer, neni, abino kelo bonyo i piny perin dikin. 5Jobino bedo kweth ma jolaumo piny kicutho. Jobino camo kisi gima pe k'onyeko, kiri gi yen m'odoŋ. 6Jobino poŋ i udi perin kodi apa jodhum perin. Jobino bedo marac loyo gimoro je ma kwarere pajo oneno.’ ” Kenyo Musa owire to eye woko bongi Farawo.
7Jodhum pa Farawo jowaco rigo ni, “Jal me okeli kwoŋ wan teko kiri keraŋo? Weyi cwo Joisiraili jokadhi, ŋey jowolami Rwoth Were pajo. Ikiniaŋ nike Misir orere?”
8Ameno okeli Musa gi Aron ruwaŋ Farawo, aka owaco rijo, “Winyalo kadho ŋey wilam Rwoth Were mewin. To jokune ma jokadho?”
9Musa odwoko ni, “Wabino kadho gi nyithindho mawan, jom'oti, rombo, diegi, kodi dhok mawan, kole waripo timo kalima ma miyo Rwoth dwoŋ.”
10Aka Farawo owaco ni, “Akwoŋere i nyingi Rwoth nike akibino weyo win kadho gi mon kodi nyithindho mewin. Neni, winitie g'atoŋa marac i paro. 11Be! Cwo kende ama jokadhi jowolami Rwoth, kole meno a gim'iyenyo.” Aka oriemo Musa kodi Aron ngoye woko i waŋe.
12Kenyo Rwoth owaco ri Musa ni, “Riey cingin i lowo ma Misir ikeli bonyo. Jobino camo kisi gima dongo, kodi kisi gima pe k'onyeko.” 13Ameno Musa orieyo luth pere, aka Rwoth omiyo koyo ma yuwok ceŋ kudho ndelo no gipi gi wor no gipi; aka kani piny yawere, koyo oyido okelo bonyo. 14Jobino i tome to jopoto i piny gibe. Obedo tome bonyo m'oyido fodi k'oneni, kosa kilaneno kendo. 15Joumo piny cuka lowo olokere macol gi jo. Jocamo kisi gima pe oyido oweyo kiri gi olemo ma yen. Ongoye gima nyaboke pendi m'odoŋ kwoŋ cemo ma ndelo kosa yath i lowo ma Misir gipi.
16Kenyo Farawo olwoŋo Musa gi Aron piyo to waco ni, “Atimo reco kwoŋ Rwoth Were mewin kodi win. 17Onyo riameno, cwaki ran win rume kende, aka wikway Rwoth Were mewin wokwany woko gir'acula ma tho me kwoŋan.” 18Ameno Musa oeye woko bongi Farawo to kwayo Rwoth. 19Aka Rwoth owiro koyo ma yuwok ceŋ i koyo matek yupodho ceŋ, m'otiŋo bonyo to wito jo i nam m'obokere; aka ongoye bonyo kad'acel m'odoŋ i Misir gipi. 20To Rwoth omiyo Farawo bedo gi wictek, aka k'oweyo Joisiraili kadho.
Mudho
21Kenyo Rwoth owaco ri Musa ni, “Riey cingin yupolo ŋey mudho wobin i lowo ma Misir, mudho mapek swa.” 22#Zab 105:28; Meny 16:10Ameno Musa orieyo cinge yupolo aka mudho mapek obedo i lowo ma Misir ma ndelo adek. 23Jomisir jok'onyalo neno wegi, aka ongoye ŋat'owok i ot i hongo no. To Joisiraili oyido jonitie gi lero kama jobed'iye.
24Kenyo Farawo olwoŋo Musa aka owaco ni, “Kadhi wilam Rwoth, kiri gi nyithindho mewin kodi mon mewin jowokadhi. To weyi win rombo, diegi, kodi dhok mewin jowodoŋ ka.”
25To Musa odwoko ni, “Meno ibino miyo wan ogwaŋe ma miyo cowirok, kodi cowirok awaŋa ri Rwoth Were mawan. 26Be, waripo kadho g'ogwaŋe mawan m'ongoye m'odoŋ cen. Wan wegi waripo yero ogwaŋe ma lamo gine Rwoth Were mawan. Aka cuka watundo kenyo, wakibino ŋeyo ogwaŋe mene ma miyo go.”
27Rwoth omiyo Farawo bedo gi wictek, aka k'onyalo weyo jo kadho. 28Farawo owaco ri Musa ni, “Eye woko ruwaŋan! Ikir'imiyan anenin kendo! I ndelo ma inonenan iye, ibino tho.”
29Musa odwoko ni, “Itire, ikibino nenan kendo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.