Tim pa Jomoor 17
17
I Thesalonika
1Joluwo yu Amfipoli kodi Apolonia, to jobino Thesalonika, kam'onwaŋo kalamo pa Joyuda nitie iye. 2Paka Paulo yado oyido omaro timo, okidho i kalamo pa Joyuda. Aka opiemo gi ji gi wac ma Ndiko Maleŋ cowo hongo ma Sabato adek gipi, 3munyo tito aka nyutho i wac ni Kristo oyido ripo candere aka ŋey wocerino go kwoŋ jom'otho. Paulo owaco ni, “Yesu me obedo Kristo.” 4Jomegi kwoŋ jo joniaŋ to joriwere gi Paulo kodi Sila; kitipa pa Jogris mathoth ma jolamo Were, kodi mon mathoth ma joŋeyere bende jotimo ameno.
5To Joyuda nyeko omako jo to jocoko joreco moro i royo m'okare ma tindi to jotimo bwora moro. Gikenyo jokelo woy madwoŋ i tindi gipi, to jomonjo peco pa Yason, munyo jorango Paulo kodi Sila wowodhi jo ri ji. 6To munyo jok'onwaŋo jo, joyware gi Yason kodi jom'oyeyo moro kiri bongi jodhum ma tindi kareno jokoko ni, “Jome jokelo ruwirok kisi kamoro! Aka onyo bende jobino i tindi mawan ka, aka 7Yason ama kano jo i ot pere. Joje joturo cik pa Kayisar, ka jowaco ni odoko nitie kere man, ma nyinge Yesu.” 8Gi wac me jokelo ri lwak ji kodi jodhum ma tindi woy madwoŋ. 9Jodhum jomiyo Yason kodi joman tweyo pesa m'omit t'iweyo jo kadho.
I Bereya
10Tekin piny lokere macol, jom'oyeyo jodhiro Paulo gi Sila yu Bereya. Munyo jotundo koro, jokidho i kalamo pa Joyuda. 11Joyuda ma kenyo oyido joneno bor loyo ma Thesalonika. Jociko ithi gin winjo fonji gi maro madwoŋ, aka ndelo je bin jofonjere Ndiko Maleŋ jowoneni k'agima Paulo ofonjo jo oyido obedo adieri. 12Mathoth kwoŋ jo joyeyo, aka mon kweth ma malo kodi cwo ma Jogris bende joyeyo. 13To munyo Joyuda ma Thesalonika jowinjo ni Paulo fonjo wac pa Were i Bereya bende, jobino kenyo to jocako nywowo ji. 14Piyo piyo jom'oyeyo jodhiro Paulo i thengi jwom to Sila kodi Timothe jodoŋ Bereya. 15Joma jokwaŋo Paulo jotero go kiri yu Athen aka ŋey jogik Bereya gi wac pa Paulo ni Sila kodi Timothe jowokidhi bonge mayot.
I Athen
16Munyo Paulo oyido kuro Sila kodi Timothe i Athen, cunye oramo swa munyo oneno ni tindi opoŋ gi gigipiny ma ji jocweyo ma jolamo. 17Riameno go opiemo i kalamo pa Joyuda kodi Joyuda gi Jopath ma jolamo Were, kodi ji ma jobino ndelo je i katale madwoŋ. 18Joepicura kodi Jostoik moro ma jopiem i wac bende jopiemo gine. Megi jowaco ni, “Jal mamiŋ me onyo bende kwot ni waco aŋo?” Joman jowaco ni, “cale pa go luwo kwoŋ werin moro ma wok loka man.” Jowaco ama rupiri Paulo onwaŋo luwo kwoŋ Yesu kodi cerino pere. 19Ameno jokwanyo Paulo to jotero go i ot romo m'ilwoŋo ni Arewopago, to jowaco ni, “Wamito ŋeyo fonji manyen me ma iluwo kwoŋe. 20Gik piny me ma wawinjo iluwo kwoŋe wendo riwan swa, aka wamito ŋeyo dwoŋ mere.” 21(Ato ji ma Athen kodi jowiloka ma kenyo oyido jomaro oro hongo pajo je i luwo gi winjo gigipiny manyen m'otimere.)
22Paulo ocungo i waŋ jom'ocokere i Arewopago no to waco ni, “Ji ma Athen! Aneno ni i yo je wimaro dini tektek, 23rupiri munyo awotho i tindi mewin aneno kama wilamer'iye t'aneno migam m'ondiki kwoŋe ni, ‘Ri Were ma k'oŋeyere.’ Onyo gima wilamo, kada wikuya no, ama ee atito riwin kwoŋe. 24#1 Kerin 8:27; Isa 42:5; Tim 7:48Were m'ocweyo piny kodi gima nitie iye gibe, obedo Rwoth ma polo kodi piny, aka kibedi i udi ma ji ama jogero. 25Odoko go kiyeny kony moro bongi dhano paŋini go keŋ gimoro ma dhano ama nyalo miyo go, rupiri go won ama miyo ji je kwo, luya kodi gimoro je. 26Wok kwoŋ dhano acel go ocweyo nonin je, to miyo jo bedo i piny gipi. Go won ama cango ocano ndir kodi kew ma kabedo ma ji di jobed'iye. 27Otimo ameno ni jowonyal rango go, ni ipoyo di jonwaŋo go munyo jomudamuda jorango go. To iy'adieri won, Were ki nitie bor gi nyatoro je kwoŋ wan.”
28Kole i go wakwo aka wawotho kendo walama.
Paka jondiko mewin moro joluwo ni,
“Adieri wabedo nyithindho pere.”
29Onyo paka wabedo nyithindho pa Were, wakiri wapar ni Were cale kodi zahabu, kosa feza, kosa tele ma dhano ama won othedho gi rieko kodi ndijo pere. 30I ndir mafodi ji oyido jokuy'iye Were, go k'okwano reco pajo, to pama go onyo oro ji je i piny je ŋuto reco pajo, 31rupiri go otieko yiko ndelo ma go bino thum'iye banja ri piny gipi i tiro, aka ŋata go oyero ama bino thumo. Go otieko ridho wac no ri dhano je munyo cerino ŋato kwoŋ jom'otho.
32Munyo jowinjo Paulo luwo kwoŋ cerino pa jom'otho, megi kwoŋ jo jonyero ayin, to joman jowaco ni, “Wamito iluwi kwoŋ gime kendo.” 33Gikenyo Paulo oeye i kacokirok no. 34Cwo moro joluwo go to jolokere jom'oyeyo; kwoŋ jo oyido obedo Dionisio, acel kwoŋ jokweth ma Arewopago, dhako m'ilwoŋo ni Damaris, kodi joman.
Currently Selected:
Tim pa Jomoor 17: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Tim pa Jomoor 17
17
I Thesalonika
1Joluwo yu Amfipoli kodi Apolonia, to jobino Thesalonika, kam'onwaŋo kalamo pa Joyuda nitie iye. 2Paka Paulo yado oyido omaro timo, okidho i kalamo pa Joyuda. Aka opiemo gi ji gi wac ma Ndiko Maleŋ cowo hongo ma Sabato adek gipi, 3munyo tito aka nyutho i wac ni Kristo oyido ripo candere aka ŋey wocerino go kwoŋ jom'otho. Paulo owaco ni, “Yesu me obedo Kristo.” 4Jomegi kwoŋ jo joniaŋ to joriwere gi Paulo kodi Sila; kitipa pa Jogris mathoth ma jolamo Were, kodi mon mathoth ma joŋeyere bende jotimo ameno.
5To Joyuda nyeko omako jo to jocoko joreco moro i royo m'okare ma tindi to jotimo bwora moro. Gikenyo jokelo woy madwoŋ i tindi gipi, to jomonjo peco pa Yason, munyo jorango Paulo kodi Sila wowodhi jo ri ji. 6To munyo jok'onwaŋo jo, joyware gi Yason kodi jom'oyeyo moro kiri bongi jodhum ma tindi kareno jokoko ni, “Jome jokelo ruwirok kisi kamoro! Aka onyo bende jobino i tindi mawan ka, aka 7Yason ama kano jo i ot pere. Joje joturo cik pa Kayisar, ka jowaco ni odoko nitie kere man, ma nyinge Yesu.” 8Gi wac me jokelo ri lwak ji kodi jodhum ma tindi woy madwoŋ. 9Jodhum jomiyo Yason kodi joman tweyo pesa m'omit t'iweyo jo kadho.
I Bereya
10Tekin piny lokere macol, jom'oyeyo jodhiro Paulo gi Sila yu Bereya. Munyo jotundo koro, jokidho i kalamo pa Joyuda. 11Joyuda ma kenyo oyido joneno bor loyo ma Thesalonika. Jociko ithi gin winjo fonji gi maro madwoŋ, aka ndelo je bin jofonjere Ndiko Maleŋ jowoneni k'agima Paulo ofonjo jo oyido obedo adieri. 12Mathoth kwoŋ jo joyeyo, aka mon kweth ma malo kodi cwo ma Jogris bende joyeyo. 13To munyo Joyuda ma Thesalonika jowinjo ni Paulo fonjo wac pa Were i Bereya bende, jobino kenyo to jocako nywowo ji. 14Piyo piyo jom'oyeyo jodhiro Paulo i thengi jwom to Sila kodi Timothe jodoŋ Bereya. 15Joma jokwaŋo Paulo jotero go kiri yu Athen aka ŋey jogik Bereya gi wac pa Paulo ni Sila kodi Timothe jowokidhi bonge mayot.
I Athen
16Munyo Paulo oyido kuro Sila kodi Timothe i Athen, cunye oramo swa munyo oneno ni tindi opoŋ gi gigipiny ma ji jocweyo ma jolamo. 17Riameno go opiemo i kalamo pa Joyuda kodi Joyuda gi Jopath ma jolamo Were, kodi ji ma jobino ndelo je i katale madwoŋ. 18Joepicura kodi Jostoik moro ma jopiem i wac bende jopiemo gine. Megi jowaco ni, “Jal mamiŋ me onyo bende kwot ni waco aŋo?” Joman jowaco ni, “cale pa go luwo kwoŋ werin moro ma wok loka man.” Jowaco ama rupiri Paulo onwaŋo luwo kwoŋ Yesu kodi cerino pere. 19Ameno jokwanyo Paulo to jotero go i ot romo m'ilwoŋo ni Arewopago, to jowaco ni, “Wamito ŋeyo fonji manyen me ma iluwo kwoŋe. 20Gik piny me ma wawinjo iluwo kwoŋe wendo riwan swa, aka wamito ŋeyo dwoŋ mere.” 21(Ato ji ma Athen kodi jowiloka ma kenyo oyido jomaro oro hongo pajo je i luwo gi winjo gigipiny manyen m'otimere.)
22Paulo ocungo i waŋ jom'ocokere i Arewopago no to waco ni, “Ji ma Athen! Aneno ni i yo je wimaro dini tektek, 23rupiri munyo awotho i tindi mewin aneno kama wilamer'iye t'aneno migam m'ondiki kwoŋe ni, ‘Ri Were ma k'oŋeyere.’ Onyo gima wilamo, kada wikuya no, ama ee atito riwin kwoŋe. 24#1 Kerin 8:27; Isa 42:5; Tim 7:48Were m'ocweyo piny kodi gima nitie iye gibe, obedo Rwoth ma polo kodi piny, aka kibedi i udi ma ji ama jogero. 25Odoko go kiyeny kony moro bongi dhano paŋini go keŋ gimoro ma dhano ama nyalo miyo go, rupiri go won ama miyo ji je kwo, luya kodi gimoro je. 26Wok kwoŋ dhano acel go ocweyo nonin je, to miyo jo bedo i piny gipi. Go won ama cango ocano ndir kodi kew ma kabedo ma ji di jobed'iye. 27Otimo ameno ni jowonyal rango go, ni ipoyo di jonwaŋo go munyo jomudamuda jorango go. To iy'adieri won, Were ki nitie bor gi nyatoro je kwoŋ wan.”
28Kole i go wakwo aka wawotho kendo walama.
Paka jondiko mewin moro joluwo ni,
“Adieri wabedo nyithindho pere.”
29Onyo paka wabedo nyithindho pa Were, wakiri wapar ni Were cale kodi zahabu, kosa feza, kosa tele ma dhano ama won othedho gi rieko kodi ndijo pere. 30I ndir mafodi ji oyido jokuy'iye Were, go k'okwano reco pajo, to pama go onyo oro ji je i piny je ŋuto reco pajo, 31rupiri go otieko yiko ndelo ma go bino thum'iye banja ri piny gipi i tiro, aka ŋata go oyero ama bino thumo. Go otieko ridho wac no ri dhano je munyo cerino ŋato kwoŋ jom'otho.
32Munyo jowinjo Paulo luwo kwoŋ cerino pa jom'otho, megi kwoŋ jo jonyero ayin, to joman jowaco ni, “Wamito iluwi kwoŋ gime kendo.” 33Gikenyo Paulo oeye i kacokirok no. 34Cwo moro joluwo go to jolokere jom'oyeyo; kwoŋ jo oyido obedo Dionisio, acel kwoŋ jokweth ma Arewopago, dhako m'ilwoŋo ni Damaris, kodi joman.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.