Tim pa Jomoor 16
16
Timothe kadho gi Paulo kodi Sila
1Paulo ocomo yu Dabe gi Listira. Jafonjirok moro ma nyinge Timothe oyido nikenyo; go oyido obedo wod pa dhakodwoŋ moro ma Jayuda m'oyeyo, to bamere oyido obedo Jagrik. 2Jom'oyeyo je ma Listira kodi Ikoniam onwaŋo joluwo maber kwoŋ Timothe. 3Paulo oyenyo kidho gi Timothe, ameno to kutho thumo go. Go otimo ameno rupiri Joyuda ma kenyo je oyido joŋeyo ni ba Timothe obedo Jagrik. 4Munyo jowotho i tindi m'omore, jomiyo jom'oyeyo ma kamoro je cik ma jomoor kodi jotel ma kitipin pa jom'oyeyo ma Yerusalem joridho, aka jowaco rijo mako cik me. 5Ameno kitipa pa jom'oyeyo omedi meni i yeyo aka odongo i welo ji kisi piny m'oyawere je.
I Tirowa: Paulo neno menyirok
6Jono jowotho iy'adec ma Firigiya kodi Galasia: Cuny Maleŋ k'oyeyo jo fonjo mikwenda iy'adec ma Asia. 7Munyo jotundo yu loka m'othenere gi Misia, jotemo kidho iy'adec ma Bithinia, to Cuny Maleŋ pa Yesu k'oyeyo jo. 8Riameno jowotho i Misia to joloro yu Tirowa. 9Paulo olimo menyirok wor no ma go onen'iye dhano ma Makedonia munyo ocungo aka kwayo go ni, “Biye yu Makedonia korin ikony wan!” 10Tekin Paulo limo menyirok no, wayikere kidho Makedonia, rupiri oyido waridho ni Were otieko lwoŋo wan fonjo Wac Manyen Maber ri ji kenyo.
I Filipi: Wirok pa Lidia
11Waweyo Tirowa gi ye to wacewere wakidho yu Samotura, aka yawere mere watundo Neyapoli. 12Wok kenyo wadonjo Filipi, tindi ma iy'adec ma Makedonia; kenyo bende obedo kama Joroma jodhumo. Wacowo ndelo moro i tindi no. 13I ndelo ma Sabato wawok i tindi to wakidho i thengi jwom, kama waparo nike kakwayo pa Joyuda niye. Wabedo piny to waluwo gi mon m'oyido jocokere kenyo. 14Ŋat'acel kwoŋ jo m'owinjo wan oyido ilwoŋo ni Lidia, ma Thiatira, m'onwaŋo jamitan ma nangin ma rangi ariŋo. Go oyido obedo dhako ma lamo Were, aka Rwoth oyawo paro pere ma winjo wac ma Paulo oyido waco. 15Go kodi ji ma ot pere obatisa jo. Gikenyo go olwoŋo wan ni, “Biye win wibedi i ot paran, ka winiaŋ adieri ni ayeyo Rwoth.” Aka go onyalo dwoŋo wan to wakidho.
I twec i Filipi
16Ndelo moro munyo oyido wakidho i kakwayo, waromo kodi ŋeca moro manyako m'onwaŋo nitie gi cuny m'ocido moro ma miyo go thiedho ri ji gima bino i kwo pajo ma yuwaŋe. Go oyido kelo pesa kweth ri jopere munyo tuco ri ji silwany pajo. 17Go oluwo Paulo gi wan munyo koko ni, “Jome jotic pa Were Madwoŋ Maloyo! Jotito riwin royo ma both!” 18Go otimo ameno ndelo mathoth, cuka Paulo nge omako swa to wire to waco ri jwok no ni, “I nyingi Yesu Kristo aorin, woki kwoŋ nyako me!” Jwok no owok kwoŋe i hongo no won. 19Munyo wegi nyako no joneno ni yo pajo ma limo pesa onyo onyekere woko, jomako Paulo gi Sila to joywayo jo to jotero jo bongi jodhum i katale. 20Jokelo jo bongi jolweny ma Joroma to jowaco ni, “Jome Joyuda, aka jokelo ruwirok i tindi mawan ka. 21Jofonjo kite ma turo cik mawan; wan wa Joroma aka wakinyali mako kite no!” 22Lwak ji bende odonjo i kwinyo no, aka jothumi banjin joyeco nangin pa Paulo kodi Sila, to jowodho or ni wocwadi jo. 23Munyo otiek cwado jo ma loŋo, obol jo i twec, aka oor jakur cego od twec matek. 24Munyo jotieko limo or me, jakur od twec obolo jo i kisika ma iye to tweyo tiendi jo i kindi kasike madongo.
25Dho kapa sawa aucel ma wor, Paulo kodi Sila oyido jokwayo aka jowero wer ma pako Were, aka jotwec oyido jociko ithi gin jowinjo jo. 26Piyo piyo yengirok pa piny otimere, m'oyengo od twec kiri i tiende. Gikenyo thigin je joyawere abwap, to atege pa jotwec je gonyere woko. 27Jakur jotwec ocew, aka munyo oneno thigin ma od twec ni thwolo, oparo nike jom'otwey je onyo jokwale; gikenyo oyuyo abor pere aka oyido won kidho nekere. 28To Paulo okoko gi derino ni, “Ikir'itim raco kwoŋin, wajoje fodi wanitie ka.” 29Jakur okwayo mac, omwomere i ot, to gore piny gi kirin dho ka tiendi Paulo gi Sila. 30Gikenyo otero jo woko to penjo jo ni, “Jodongo, aripo timo aŋo ŋey alimi both?” 31Jowaco ni, “Yey Yesu Kristo, aka ibino limo both, in kodi ot perin gipi.” 32Aka jofonjo go wac pa Rwoth kodi joman je ma ot pere. 33I hongo ma wor no won, jakur od twec otero jo lwoko adholin pajo; aka go kodi joot pere je obatisa jo mayot. 34Go otero Paulo kodi Sila i ot pere to miyo jo cemo moro acama. Go kodi joot pere je kisangala opoŋ i cuny jo ro yeyo Were.
35Yawere mere odikin, jodhum ma Joroma jodhiro or ri jolweny ni, “Gony win jono jowokadhi.” 36Gikenyo jakur od twec owaco ri Paulo ni, “Jothumi banjin jodhiro or ni wogonyi win. Onyo winyalo kadho, kadhi win gi siem.” 37To Paulo owaco ri jolweny ni, “Kole k'onwaŋ raco moro kwoŋ wan, aka otiek cwado wan i dier ji ma to wabedo Joroma! Odoko jobolo wan i twec; aka onyo pama jomito gonyo wan nyaliŋliŋ? Be! Weyi wegi jowobin jowogony wan.” 38Josirikale madongo jodhiro wac no ri jodhum ma Joroma; aka munyo jowinjo ni Paulo kodi Sila jobedo Joroma, lworo omako jo. 39Riameno jokidho to jokwayo cwaki bongi jo; gikenyo jowodho jo woko to jokwayo jo ni jowoeye i tindi. 40Paulo gi Sila joweyo od twec to jokidho peco pa Lidia. Kenyo jorom'iye kodi jom'oyeyo, joluwo wac ma medo jo meni, to jokadho.
Currently Selected:
Tim pa Jomoor 16: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Tim pa Jomoor 16
16
Timothe kadho gi Paulo kodi Sila
1Paulo ocomo yu Dabe gi Listira. Jafonjirok moro ma nyinge Timothe oyido nikenyo; go oyido obedo wod pa dhakodwoŋ moro ma Jayuda m'oyeyo, to bamere oyido obedo Jagrik. 2Jom'oyeyo je ma Listira kodi Ikoniam onwaŋo joluwo maber kwoŋ Timothe. 3Paulo oyenyo kidho gi Timothe, ameno to kutho thumo go. Go otimo ameno rupiri Joyuda ma kenyo je oyido joŋeyo ni ba Timothe obedo Jagrik. 4Munyo jowotho i tindi m'omore, jomiyo jom'oyeyo ma kamoro je cik ma jomoor kodi jotel ma kitipin pa jom'oyeyo ma Yerusalem joridho, aka jowaco rijo mako cik me. 5Ameno kitipa pa jom'oyeyo omedi meni i yeyo aka odongo i welo ji kisi piny m'oyawere je.
I Tirowa: Paulo neno menyirok
6Jono jowotho iy'adec ma Firigiya kodi Galasia: Cuny Maleŋ k'oyeyo jo fonjo mikwenda iy'adec ma Asia. 7Munyo jotundo yu loka m'othenere gi Misia, jotemo kidho iy'adec ma Bithinia, to Cuny Maleŋ pa Yesu k'oyeyo jo. 8Riameno jowotho i Misia to joloro yu Tirowa. 9Paulo olimo menyirok wor no ma go onen'iye dhano ma Makedonia munyo ocungo aka kwayo go ni, “Biye yu Makedonia korin ikony wan!” 10Tekin Paulo limo menyirok no, wayikere kidho Makedonia, rupiri oyido waridho ni Were otieko lwoŋo wan fonjo Wac Manyen Maber ri ji kenyo.
I Filipi: Wirok pa Lidia
11Waweyo Tirowa gi ye to wacewere wakidho yu Samotura, aka yawere mere watundo Neyapoli. 12Wok kenyo wadonjo Filipi, tindi ma iy'adec ma Makedonia; kenyo bende obedo kama Joroma jodhumo. Wacowo ndelo moro i tindi no. 13I ndelo ma Sabato wawok i tindi to wakidho i thengi jwom, kama waparo nike kakwayo pa Joyuda niye. Wabedo piny to waluwo gi mon m'oyido jocokere kenyo. 14Ŋat'acel kwoŋ jo m'owinjo wan oyido ilwoŋo ni Lidia, ma Thiatira, m'onwaŋo jamitan ma nangin ma rangi ariŋo. Go oyido obedo dhako ma lamo Were, aka Rwoth oyawo paro pere ma winjo wac ma Paulo oyido waco. 15Go kodi ji ma ot pere obatisa jo. Gikenyo go olwoŋo wan ni, “Biye win wibedi i ot paran, ka winiaŋ adieri ni ayeyo Rwoth.” Aka go onyalo dwoŋo wan to wakidho.
I twec i Filipi
16Ndelo moro munyo oyido wakidho i kakwayo, waromo kodi ŋeca moro manyako m'onwaŋo nitie gi cuny m'ocido moro ma miyo go thiedho ri ji gima bino i kwo pajo ma yuwaŋe. Go oyido kelo pesa kweth ri jopere munyo tuco ri ji silwany pajo. 17Go oluwo Paulo gi wan munyo koko ni, “Jome jotic pa Were Madwoŋ Maloyo! Jotito riwin royo ma both!” 18Go otimo ameno ndelo mathoth, cuka Paulo nge omako swa to wire to waco ri jwok no ni, “I nyingi Yesu Kristo aorin, woki kwoŋ nyako me!” Jwok no owok kwoŋe i hongo no won. 19Munyo wegi nyako no joneno ni yo pajo ma limo pesa onyo onyekere woko, jomako Paulo gi Sila to joywayo jo to jotero jo bongi jodhum i katale. 20Jokelo jo bongi jolweny ma Joroma to jowaco ni, “Jome Joyuda, aka jokelo ruwirok i tindi mawan ka. 21Jofonjo kite ma turo cik mawan; wan wa Joroma aka wakinyali mako kite no!” 22Lwak ji bende odonjo i kwinyo no, aka jothumi banjin joyeco nangin pa Paulo kodi Sila, to jowodho or ni wocwadi jo. 23Munyo otiek cwado jo ma loŋo, obol jo i twec, aka oor jakur cego od twec matek. 24Munyo jotieko limo or me, jakur od twec obolo jo i kisika ma iye to tweyo tiendi jo i kindi kasike madongo.
25Dho kapa sawa aucel ma wor, Paulo kodi Sila oyido jokwayo aka jowero wer ma pako Were, aka jotwec oyido jociko ithi gin jowinjo jo. 26Piyo piyo yengirok pa piny otimere, m'oyengo od twec kiri i tiende. Gikenyo thigin je joyawere abwap, to atege pa jotwec je gonyere woko. 27Jakur jotwec ocew, aka munyo oneno thigin ma od twec ni thwolo, oparo nike jom'otwey je onyo jokwale; gikenyo oyuyo abor pere aka oyido won kidho nekere. 28To Paulo okoko gi derino ni, “Ikir'itim raco kwoŋin, wajoje fodi wanitie ka.” 29Jakur okwayo mac, omwomere i ot, to gore piny gi kirin dho ka tiendi Paulo gi Sila. 30Gikenyo otero jo woko to penjo jo ni, “Jodongo, aripo timo aŋo ŋey alimi both?” 31Jowaco ni, “Yey Yesu Kristo, aka ibino limo both, in kodi ot perin gipi.” 32Aka jofonjo go wac pa Rwoth kodi joman je ma ot pere. 33I hongo ma wor no won, jakur od twec otero jo lwoko adholin pajo; aka go kodi joot pere je obatisa jo mayot. 34Go otero Paulo kodi Sila i ot pere to miyo jo cemo moro acama. Go kodi joot pere je kisangala opoŋ i cuny jo ro yeyo Were.
35Yawere mere odikin, jodhum ma Joroma jodhiro or ri jolweny ni, “Gony win jono jowokadhi.” 36Gikenyo jakur od twec owaco ri Paulo ni, “Jothumi banjin jodhiro or ni wogonyi win. Onyo winyalo kadho, kadhi win gi siem.” 37To Paulo owaco ri jolweny ni, “Kole k'onwaŋ raco moro kwoŋ wan, aka otiek cwado wan i dier ji ma to wabedo Joroma! Odoko jobolo wan i twec; aka onyo pama jomito gonyo wan nyaliŋliŋ? Be! Weyi wegi jowobin jowogony wan.” 38Josirikale madongo jodhiro wac no ri jodhum ma Joroma; aka munyo jowinjo ni Paulo kodi Sila jobedo Joroma, lworo omako jo. 39Riameno jokidho to jokwayo cwaki bongi jo; gikenyo jowodho jo woko to jokwayo jo ni jowoeye i tindi. 40Paulo gi Sila joweyo od twec to jokidho peco pa Lidia. Kenyo jorom'iye kodi jom'oyeyo, joluwo wac ma medo jo meni, to jokadho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.