Zekariya 9
9
Khuukhalila kamanaambo kakaandi kumusaango
1 #
Isay 17.1-3; Yer 49.23-27; Amos 1.3-5 #
Isay 23.1-18; Ezek 26.1—28.26; Yow 3.4-8; Amos 1.9,10; Mat 11.21,22; Luk 10.13,14 Buno buli buurume khukhwaama isi Umukasya:
Umukasya alikho ekiitsa naabi babaandu babaamenya mu Hadulaka,
ni n'aabo babaali mu shiriimba Damasiko.
Khulwekhuuba akhuba bari bikuuka bya Isiraeli byonyene nibyo bibiili by'Omukasya ta,
ne ikhaba shiriimba shikhulu she mu Siriya nasho shili shisheewe.
2Ikhaaba shiriimba Hamasi shishiikabanana lulwaakha ni Hadulaka,
nasho shili sh'Omukasya;
atweela ni biriimba Tulo ni Sidoni,
ikhaba nga babaandu baamwo bali be kamakhula naabi.
3Babaandu be mu shiriimba Tulo baayiyombakhila kuutikiiyi kwe khukhwitseeta,
naluundi babuunga ifweetsa ili busa nga lifukhuulu,
ikhaba izaabu yayitsula ili busa nga kamaandu ke mwibuumbi.
4Ne ari, Umukasya atsya khubarusakho buli shitweela sheesi bali ni nasho,
atsukutse buyiindifu bwaabwe mu nyaantsa,
naluundi ikhaabewo babaakhooshe shiriimba shiweele ilala aasi khwiiloba.
5 #
Isay 14.29-31; Yer 47.1-7; Ezek 25.15-17; Yow 3.4-8; Amos 1.6-8; Zefa 2.4-7 Babaandu babaamenya mu shiriimba Ashekeloni,
bakhaabone shino babe ni khuurya khuukali;
babaandu babaamenya mu shiriimba Gaza,
bakhaabone shino nabo bataambisibwe khulwe butsiina buukali naabi.
Ikhaba babaandu babaali mu Ekuroni, nabo shitweela busa,
kumwiyikino kwaabwe kwoosi kukhaabawemo.
Umuyiinga uwa Gaza akhaafwe;
ni shiriimba Ashikeloni shikhaarame busa nga mbaawo babaashimenyamo ta.
6Babaandu babaali be tsiikholo tsitsikhali indweela ta,
bakhaamenye mu Ashidodi;
naluundi be mu Filisitiya ise ikhaabamalemo khukhwiyiinga khwaabwe.
7Sibakheeleyo luundi khuulya inyama nga ilimo kamalasile ta,
namwe biilyo byoosi bibikhafukiilisibwa ta.
Abo boosi babaakharamewo nga bashiili baalamu, bakhekele batweela khu baandu baase,
babe busa nga khaakuuka khaakyeekhe mu shikuuka sha Yuda.
Ni babaandu be mu Ekuroni bakhekele batweela khu linaambo lye babaandu baase,
nga ba Yebusi ni beekela babaandu baase.
8Nio lwanyuma ise samweene ikhaabe umutseeti uwe shiibala shase,
ilekhe khubayo kamahe kakaandi kakeengilamo khuubiriramo ta.
Ise singane ifukiilise baawuli baabi khuumiinikhilisa babaandu baase luundi ta.
Ise samweene naaboone isaambo isi babaandu baase bataambisibwilemo.
Umuyiinga ukheetse lwaanyuma lwayo
9 #
Mat 21.5; Yoh 12.15 Babaandu be mu Sayuuni, ni mwiikhoye, yiikhoya luukali naabi!
Inywe babaandu babaali mu Yerusalemu, kukuula luukali khulwe kumwiikhoyo!
Khulwekhuuba, bona Umuyiinga weenywe alikho eetsa!
Niye akhola bibiindu bibiili bye ba ŋali,
naluundi afuna buyeeti khukhwaama isi Wele.
Ali umuwolu mu mwooyo, naluundi alikho etsa nga wekhaale khu sikilya,
ili iikhasi nga ishiili inyana.
10 #
Zab 72.8
Umukasya aloma ari,
“Ise ikhawaambe kamakaali ke busoolo keesi tsiŋwaaŋwa tsikhweesa,
kakaali mu Isiraeli, ingarusemo,
ni bye busoolo imbiruse khukhwaama mu Yerusalemu.
Ise ikhaafuniaake bye buyiingo bweesi baraambisa mu busoolo.
Umuyiinga weenywe akhaareerewo lukoosi akari we kamanaambo;
naluundi buyiinga bweewe bukhaabe buubalaayi naabi,
nga bwaamila khu luutsi Efurati,
khuutsya khukhwoola isi shiibala shaakama.”
Khuukobosawo bushaakha babaandu ba Wele
11 #
Luky 24.8
Umukasya alikho aloma ari,
Kane ise indekhuule babaandu baase babe baalekhuule,
babe baalekhuule khukhwaama mu mubiimbi kwe bubowe,
khulwe khuulondekhana n'ikwangwaani isi ise nakhola ni nabo,
isi khwakhola khuubirira mu mafuki ke tsisaayilo tsyeesi beera.
12Inywe baabowe babaali ni khuusuubila, ni mukobole;
ni mukobole ingo weenywe iliyo buuliindi bubuumala.
Ari ise imbaboolela inywe ndi,
kane ise imbawe tsiikhabi tsitsifuurisamo tsifuunda tsibili,
khulwe kumutaambo kweesi inywe mubiriremo.
13Khulwekhuuba ari ise ndi khuutsya khuraambisa babaandu ba Yuda
ni be mu Efurayimu nga bye busoolo bwase.
Kane ise imaambe babaandu be mu Sayuuni imbaraambise nga luurima lwase,
khuusoolanisa babaandu be mu Buyonaani.
14Nio lwanyuma Umukasya abonekhele angaaki we babaandu beewe;
akile alase buyiingo bweewe bube busa nga luuheni.
Umukasya Wele akhaafuure ifulumbeti,
akhuumbe nga ali mu shafuusi she kamaani she imwaalo we shibala.
15Umukasya umunyali wa byoosi akhaatseete babaandu beewe,
naluundi nibo bakhaahese baasiku baabwe bawewo.
Babaandu beewe bakhaakukuulile mu busoolo nga babaameelile,
baryo beere baasiku baabwe,
shino shikile kamafuki kaabwe keekhe busa nga ke bibyaayo byeesi
bawaanayo nga tsisaayilo,
ni bakatsukha khu sheeso khukhwaama mu shipwakhuli.
16Nga shiifukhu isho sheetsile khukhwoola, Umukasya akhaawonese babaandu beewe,
nga umwaayi n'awonesa bibyaayo byeewe khukhwaama mu bihangafu.
Babaandu beewe bakhaamulikhemulikhe mu shibala sheewe,
babe busa nga bibyuuma biimiliwu bibiili khu kuutwa y'omuyiinga.
17Ilala, babaandu beewe bakhaabe buulayi,
ni shibala shikhaabe shiilayi.
Abo babaashiili bahele bakhaabe be kamaani,
khulwe biilimwa biikali ni ivini bibikhaabe mu bukali.
Currently Selected:
Zekariya 9: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
