Zekariya 2
2
Khuubonekhelwa khwe luukhoba lulupima
1Ise ni nenyusa tsiimoni indi indola, naabona umusaani uyo nga wawaambile luukhoba luluupima mu mukhono kweewe! 2Kila ise imureeba ndi, “Ulikho utsya waahena?”
Naye waantsilamo ari, “Indi khuutsya khuupima Yerusalemu, imanye buuleeyi ni buubalaayi bwasho nga ni bwoola.”
3Khaangukho, ise naabona malayika tsana uwaanganikhayo amataayi wakeenda wesheenda ibweeni, indi wabawo malayika ukuundi uweetsa khumwakaanana. 4Malayika uwanyoowa waalomela ukuundi uyo ari, “Tima utsye uboolele umusoleeli uyo, uuli ni luukhoba lulupima uri, Yerusalemu, babaandu bakhaamenyemo busa nga babaamenya mu byaalo busa akhali kamatikiiyi ta. Khulwekhuuba babaandu batsya khuba baakali naabi ni bibyaayo nabyo biikali naabi. 5Khulwekhuuba Umukasya umweene waalomile ari, niye umweene kane abe kuutikiiyi kwe kumulilo kukuukane kutseete shiriimba, naluundi niye kane amenye ibweene iyo mu shiriifwa sheewe shoosi.”
Balaanga baamuli khukhwiitsa ingo
6Umukasya waalomela babaandu beewe ari, “Inywe baamuli, abe ise nabasalanisa inywe buli aandu oositsana khu shibala! Ne ari yiinyukha! Yiinyukha wangu naabi, mutitukhe khukhwaama khu ba Babulooni mukoboleyo i Yerusalemu. 7Yiinyukha waangu, mutitukhe mutsye i Sayuuni, inywe mumumenya mu liloba lye ba Babulooni. 8Khulwekhuuba Umukasya uwe kamahe, uyo uwe shiriifwa waasiindikhile ise isi kamanaambo kakaabaminiangula inywe, nga aloma ari, uyo yeesi ubakholakho shishiindu shiibi, aba waashikholile khu niye umweene. 9Bona, ise samweene kane imbasoolanise inywe, akile babaandu babaabatsaka baakulwa beenywe babaaminiaangule inywe. Isho kane shikile inywe mumanye muri Umukasya uwe kamahe niye uwusiindikhile ise khukhwiitsa.”
10Kila Umukasya aloma ari, “Inywe babaandu be mu Yerusalemu, ni mwiimbe naluundi mwiikhoye; khulwekhuuba bona, ise samweene indikho niitsa khuumenya akari mus'iinywe.”
11Mu mbuka iyo kamanaambo kamakali kakheetse ketubaase khu Mukasya, keekyele babaandu baase. Ise ikhaamenye akari mus'iinywe, nio akile inywe muumanye muri Umukasya uwe kamahe, niye uwusiindikhile ise khukhwiitsa. 12Indi luundi Yuda likhaabe linaambo liliili lya buraawa, nga lili ly'Omukasya, mu liloba lyeewe liikhosefu. Ni Yerusalemu shikhaabe shiriimba sheesi niye asiima khuuminyisakho byoosi.
13Buli muundu n'asile busa nga ali mu moni tsy'Omukasya, khulwekhuuba niye wenyukhile khuungaki khukhwaama mu shifwo sheewe shiikhosefu mweesi niye umweene amenya.
Currently Selected:
Zekariya 2: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Zekariya 2
2
Khuubonekhelwa khwe luukhoba lulupima
1Ise ni nenyusa tsiimoni indi indola, naabona umusaani uyo nga wawaambile luukhoba luluupima mu mukhono kweewe! 2Kila ise imureeba ndi, “Ulikho utsya waahena?”
Naye waantsilamo ari, “Indi khuutsya khuupima Yerusalemu, imanye buuleeyi ni buubalaayi bwasho nga ni bwoola.”
3Khaangukho, ise naabona malayika tsana uwaanganikhayo amataayi wakeenda wesheenda ibweeni, indi wabawo malayika ukuundi uweetsa khumwakaanana. 4Malayika uwanyoowa waalomela ukuundi uyo ari, “Tima utsye uboolele umusoleeli uyo, uuli ni luukhoba lulupima uri, Yerusalemu, babaandu bakhaamenyemo busa nga babaamenya mu byaalo busa akhali kamatikiiyi ta. Khulwekhuuba babaandu batsya khuba baakali naabi ni bibyaayo nabyo biikali naabi. 5Khulwekhuuba Umukasya umweene waalomile ari, niye umweene kane abe kuutikiiyi kwe kumulilo kukuukane kutseete shiriimba, naluundi niye kane amenye ibweene iyo mu shiriifwa sheewe shoosi.”
Balaanga baamuli khukhwiitsa ingo
6Umukasya waalomela babaandu beewe ari, “Inywe baamuli, abe ise nabasalanisa inywe buli aandu oositsana khu shibala! Ne ari yiinyukha! Yiinyukha wangu naabi, mutitukhe khukhwaama khu ba Babulooni mukoboleyo i Yerusalemu. 7Yiinyukha waangu, mutitukhe mutsye i Sayuuni, inywe mumumenya mu liloba lye ba Babulooni. 8Khulwekhuuba Umukasya uwe kamahe, uyo uwe shiriifwa waasiindikhile ise isi kamanaambo kakaabaminiangula inywe, nga aloma ari, uyo yeesi ubakholakho shishiindu shiibi, aba waashikholile khu niye umweene. 9Bona, ise samweene kane imbasoolanise inywe, akile babaandu babaabatsaka baakulwa beenywe babaaminiaangule inywe. Isho kane shikile inywe mumanye muri Umukasya uwe kamahe niye uwusiindikhile ise khukhwiitsa.”
10Kila Umukasya aloma ari, “Inywe babaandu be mu Yerusalemu, ni mwiimbe naluundi mwiikhoye; khulwekhuuba bona, ise samweene indikho niitsa khuumenya akari mus'iinywe.”
11Mu mbuka iyo kamanaambo kamakali kakheetse ketubaase khu Mukasya, keekyele babaandu baase. Ise ikhaamenye akari mus'iinywe, nio akile inywe muumanye muri Umukasya uwe kamahe, niye uwusiindikhile ise khukhwiitsa. 12Indi luundi Yuda likhaabe linaambo liliili lya buraawa, nga lili ly'Omukasya, mu liloba lyeewe liikhosefu. Ni Yerusalemu shikhaabe shiriimba sheesi niye asiima khuuminyisakho byoosi.
13Buli muundu n'asile busa nga ali mu moni tsy'Omukasya, khulwekhuuba niye wenyukhile khuungaki khukhwaama mu shifwo sheewe shiikhosefu mweesi niye umweene amenya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.