Zekariya 1
1
1 #
Ezira 4.24—5.1; 6.14 Zekariya abe ali umwaana uwa Berekaya, nga Berekaya abe ali umwaana uwa Udo. Mu mweesi kukuukhola shinaane, mu mwiiko kukuukhola khabili nga Dariyusi ali niye umuyiinga uwa Pasiya, Umukasya waakanikha isi umuŋoosi Zekariya, nga amuwa buurume, nga buloma buri: 2“Ise Umukasya naba nga abe naakhalila naabi bakuuka beenywe. 3Ni nashiryo, iwe tsya isi bali ubalomele uri Umukasya uwe Kamahe alikho aloma ari, bari ni mukoboleyo isi niye ali, ni naye kane abakoboleyo isi inywe muli. 4Inywe mukhaba nga bakuuka beenywe ni baaba ta. Khulwekhuuba amataayi baŋoosi baabatsyayo nga babaakuukuulila bari, Umukasya uwe kamahe alikho aloma ari, ni mwantsukhe kimikhoosi kye bubwoonaki ni biikholwa bye bubwoonaki. Ne nibo baalekha khurekeeresa namwe khuuloondelela byeesi abe ise inoma. 5Ne ari bakuuka beenywe beene abo baliwo? Namwe ikhaba baŋoosi abo baliwo? Boosi si baafwa baarurawo? 6Ne tsilomo tsyase tsyeesi ise nababoolela ni biilakilo byase, ni kamakaambila kaase byeesi ise nalakila baŋoosi khubawa nibo, byaaramawo ne nibo baafwa. Kila nibo bebiiyisa naluundi bafukiilisa bari ise, Umukasya Umunyali uwa byoosi, nabaweele shitaambiso nga abe ni shaakhila, naluundi bari abe ise naakhalilawo ilala indi bali ni khuushifuna.”
Umuŋoosi afuna khuubonekhelwa khwe tsiŋwaaŋwa
7Mu mwiiko kukuukhola khabili nga Dariyusi ali umuyiinga, khu shifukhu she kamakhumi kabili na tsine mu mweesi kwe liikhumi na mutweela (kumweesi kweesi balaanga bari Shebati), mu shilo nga ise naakonile, Umukasya waamba buurume nga abirira mu khubonekhelwa. 8#Bimb 6.4 Bimb 6.2Mu shilo isho, ise naabona umusaani nga wekhaale khu ŋwaaŋwa imbesemu. Yaba ŋwaaŋwa yino yeemikhile mu misaala kikiili mu litila, nga inyuma weewe iliyo tsiŋwaaŋwa tsitsiindi nga tsili tsimbesemu, ni tsitsiilimo kamakoondo ni tsiwaanga.
9Kila ise imureeba niye indi, “Musaakhulu, tsiŋwaaŋwa tsino tsimanyisa shiina?” Kila malayika uwaanganikhayo isi ise antsilamo ari: “Kane ise ikhwookesanise iwe sheesi tsimanyisa.”
10Ni nashiryo umusaani tsana abe uwiimikhile mu misaala kikiili mu litila aloma ari, “Tsino tsili nitsyo tsyeesi Umukasya asiindikhile khuutsya khulambuula shiibala.” 11Kila tsiŋwaaŋwa tsyatsana tsiilamo malayika uwatsana abe uwiimikhile mu misaala kikiili mu litila nga tsiloma tsiri, “Ifwe khwaamalile khaale khuulambuula shiibala, khwaaboone nga shili busa akhali buyeeti ta, naluundi shaamiinikhilisibwa naabi.”
12Kila malayika uwatsana aloma ari, “Umukasya, Umunyali wa byoosi, iwe waabeele nga ukhalalila Yerusalemu ni biriimba bibiili mu Yuda, khuumala ari kimiiko kamakhumi musaafu. Kane iwe ubakhalalile nibo khukhwoolisa liina, nga iwe s'ubawaambila nibo shiisa ta?”
13Lwanyuma Umukasya weelamo malayika uwatsana uyo, ni tsilomo tsitsiisamo kamaani naluundi tsitsiwosawosa. 14Ni nashiryo malayika tsana uyo uwaanganikhayo waanomela ise ari, “Kukuula luukali nga uloma uri, Umukasya uwe kamahe aloma ari: Ise ndi ni khuukana khuukali naabi naluundi niinaanayo naabi isi shiriimba shase Yerusalemu, ni Sayuuni. 15Ise liirima lyaamaambiile kamanaambo ako kakaamenya mu lukoosi nga kali buulayi. Khulwekhuuba ise ni naba nga ishikhalalila babaandu baase, kamanaambo ako keeloosela busa khuureerera babaandu baase khuutaambisibwa. 16Ni nashiryo ise nakoboole mu Yerusalemu khukhwookesanisa shiriimba isho shiisa. Bakhoombakhe Lisaayilo lyase liikhulu bushaakha, ikhaba ni shiriimba shase bakhaashombakhe bushaakha.”
17Kila malayika tsana waanomela ise ari: “Kukuula luundi, uri Umukasya uwe kamahe, aloma ari, biriimba byase bikheelemo biitsulemo buyiindifu luundi, naluundi ari, akheelemo luundi ayeete Yerusalemu, ekoboseleyo shiriimba isho shiikele shisheewe umweene.”
Khuubonekhelwa khwe tsiintsika tsine
18Ise ni nenyusa tsiimoni indi indola, naabona tsiintsika tsine tsye tsiyeeyi. 19Kila ise indeeba malayika tsana uwaanganikhayo ndi, “Tsiintsika tsino tsimanyisa shiina?”
Kila niye antsilamo ise ari, “Tsiintsika tsino tsiliwo mu lisina lye kamanaambo ke kamaani kakaasalanisa babaandu be mu Yuda, mu Isiraeli, ni be mu Yerusalemu.”
20Kila lwaanyuma Umukasya antsokesa ise baraambi bane nga bawaambile tsinyoondo. 21Isho shaakila ise nareeba ndi, “Abano balikho beetsa khuukhola shiina?”
Niye waantsilamo ari, “Abano beetsile khuureera khuuterema mu myooyo kyaabo babaaminiangula, luundi babaasalanisa babaandu be mu Yuda. Naluundi khuufuniaaka kamaani ke kamanaambo ako.”
Currently Selected:
Zekariya 1: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Zekariya 1
1
1 #
Ezira 4.24—5.1; 6.14 Zekariya abe ali umwaana uwa Berekaya, nga Berekaya abe ali umwaana uwa Udo. Mu mweesi kukuukhola shinaane, mu mwiiko kukuukhola khabili nga Dariyusi ali niye umuyiinga uwa Pasiya, Umukasya waakanikha isi umuŋoosi Zekariya, nga amuwa buurume, nga buloma buri: 2“Ise Umukasya naba nga abe naakhalila naabi bakuuka beenywe. 3Ni nashiryo, iwe tsya isi bali ubalomele uri Umukasya uwe Kamahe alikho aloma ari, bari ni mukoboleyo isi niye ali, ni naye kane abakoboleyo isi inywe muli. 4Inywe mukhaba nga bakuuka beenywe ni baaba ta. Khulwekhuuba amataayi baŋoosi baabatsyayo nga babaakuukuulila bari, Umukasya uwe kamahe alikho aloma ari, ni mwantsukhe kimikhoosi kye bubwoonaki ni biikholwa bye bubwoonaki. Ne nibo baalekha khurekeeresa namwe khuuloondelela byeesi abe ise inoma. 5Ne ari bakuuka beenywe beene abo baliwo? Namwe ikhaba baŋoosi abo baliwo? Boosi si baafwa baarurawo? 6Ne tsilomo tsyase tsyeesi ise nababoolela ni biilakilo byase, ni kamakaambila kaase byeesi ise nalakila baŋoosi khubawa nibo, byaaramawo ne nibo baafwa. Kila nibo bebiiyisa naluundi bafukiilisa bari ise, Umukasya Umunyali uwa byoosi, nabaweele shitaambiso nga abe ni shaakhila, naluundi bari abe ise naakhalilawo ilala indi bali ni khuushifuna.”
Umuŋoosi afuna khuubonekhelwa khwe tsiŋwaaŋwa
7Mu mwiiko kukuukhola khabili nga Dariyusi ali umuyiinga, khu shifukhu she kamakhumi kabili na tsine mu mweesi kwe liikhumi na mutweela (kumweesi kweesi balaanga bari Shebati), mu shilo nga ise naakonile, Umukasya waamba buurume nga abirira mu khubonekhelwa. 8#Bimb 6.4 Bimb 6.2Mu shilo isho, ise naabona umusaani nga wekhaale khu ŋwaaŋwa imbesemu. Yaba ŋwaaŋwa yino yeemikhile mu misaala kikiili mu litila, nga inyuma weewe iliyo tsiŋwaaŋwa tsitsiindi nga tsili tsimbesemu, ni tsitsiilimo kamakoondo ni tsiwaanga.
9Kila ise imureeba niye indi, “Musaakhulu, tsiŋwaaŋwa tsino tsimanyisa shiina?” Kila malayika uwaanganikhayo isi ise antsilamo ari: “Kane ise ikhwookesanise iwe sheesi tsimanyisa.”
10Ni nashiryo umusaani tsana abe uwiimikhile mu misaala kikiili mu litila aloma ari, “Tsino tsili nitsyo tsyeesi Umukasya asiindikhile khuutsya khulambuula shiibala.” 11Kila tsiŋwaaŋwa tsyatsana tsiilamo malayika uwatsana abe uwiimikhile mu misaala kikiili mu litila nga tsiloma tsiri, “Ifwe khwaamalile khaale khuulambuula shiibala, khwaaboone nga shili busa akhali buyeeti ta, naluundi shaamiinikhilisibwa naabi.”
12Kila malayika uwatsana aloma ari, “Umukasya, Umunyali wa byoosi, iwe waabeele nga ukhalalila Yerusalemu ni biriimba bibiili mu Yuda, khuumala ari kimiiko kamakhumi musaafu. Kane iwe ubakhalalile nibo khukhwoolisa liina, nga iwe s'ubawaambila nibo shiisa ta?”
13Lwanyuma Umukasya weelamo malayika uwatsana uyo, ni tsilomo tsitsiisamo kamaani naluundi tsitsiwosawosa. 14Ni nashiryo malayika tsana uyo uwaanganikhayo waanomela ise ari, “Kukuula luukali nga uloma uri, Umukasya uwe kamahe aloma ari: Ise ndi ni khuukana khuukali naabi naluundi niinaanayo naabi isi shiriimba shase Yerusalemu, ni Sayuuni. 15Ise liirima lyaamaambiile kamanaambo ako kakaamenya mu lukoosi nga kali buulayi. Khulwekhuuba ise ni naba nga ishikhalalila babaandu baase, kamanaambo ako keeloosela busa khuureerera babaandu baase khuutaambisibwa. 16Ni nashiryo ise nakoboole mu Yerusalemu khukhwookesanisa shiriimba isho shiisa. Bakhoombakhe Lisaayilo lyase liikhulu bushaakha, ikhaba ni shiriimba shase bakhaashombakhe bushaakha.”
17Kila malayika tsana waanomela ise ari: “Kukuula luundi, uri Umukasya uwe kamahe, aloma ari, biriimba byase bikheelemo biitsulemo buyiindifu luundi, naluundi ari, akheelemo luundi ayeete Yerusalemu, ekoboseleyo shiriimba isho shiikele shisheewe umweene.”
Khuubonekhelwa khwe tsiintsika tsine
18Ise ni nenyusa tsiimoni indi indola, naabona tsiintsika tsine tsye tsiyeeyi. 19Kila ise indeeba malayika tsana uwaanganikhayo ndi, “Tsiintsika tsino tsimanyisa shiina?”
Kila niye antsilamo ise ari, “Tsiintsika tsino tsiliwo mu lisina lye kamanaambo ke kamaani kakaasalanisa babaandu be mu Yuda, mu Isiraeli, ni be mu Yerusalemu.”
20Kila lwaanyuma Umukasya antsokesa ise baraambi bane nga bawaambile tsinyoondo. 21Isho shaakila ise nareeba ndi, “Abano balikho beetsa khuukhola shiina?”
Niye waantsilamo ari, “Abano beetsile khuureera khuuterema mu myooyo kyaabo babaaminiangula, luundi babaasalanisa babaandu be mu Yuda. Naluundi khuufuniaaka kamaani ke kamanaambo ako.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.