Matayo 28
28
Khuulamukha khwa Yezu
(Mrk 16.1-10; Luk 24.1-12; Yoh 20.1-10)
1Lwanyuma lwa Sabato, bwaba kumutikhinyi mu mamilimili khu shifukhu shishinyoowa mu sabiiti, Mariya Magadalena, ni Mariya ukuundi tsana, baatsya khubona iŋani.
2Abawo khunikina khukali khwe shiibala, lwekhuba malayika w'Omukasya ekha khukhwaama mwikulu, weetsa khu ŋani wayilingisa libaale, walikhalakho. 3Imbonekha yeewe yaba nga khumulikha khwe kamaani, ni bikwaaro byeewe byaba byakhosa nga kamararara. 4Baliindi baarya naabi lwa malayika yuno, banikina bafwana nga babafwiile.
5Malayika waloma bakhasi ari, “Mukharya ta, lwekhuba namanyile ndi, mulikho muweentsa Yezu isi batsaangilila khu musalaba. 6Ne s'ali ano ta, walamukhile nga n'aloma. Ni mwiitse mubone esi alisibwa. 7Nio ari mutsye khaangu muboolele baleekelwa beewe muri, ‘Walamukhile mu bafu, ne bona wabaraangilile khuutsya i Galilaaya. Ibweene iyo niyo yeesi mulimubonela.’ Bona ari nababooleele.”
8Baryo bakhasi barura khaangu khu ŋani nga bariire naabi, ne nga betsuule kumwikhoyo mukali, batima baatsya khuboolela baleekelwa beewe. 9Khaangukho Yezu umweene wabakanana, wabaloma ari, “Mulembe.” Bamwiitsayo, bamutiila khu bikyele, lundi bamwisaaya. 10Lwanyuma Yezu wabaloma ari, “Mukharya ta. Ni mutsye muboolele bayaaya baase, batsye i Galilaaya, ibweene iyo niyo yeesi balimbonela.”
Tsilomo tsy'omuliindi
11Bakhasi ni baaba nga batsya, batweela khu baliindi baatsya mu shiriimba, baboolela basaayi bakhulu ibyo byoosi bibyaba byabelewo. 12Baryo ni babusana atweela ni basakhulu bakhala kamakyesi, baawa basilikhale tsinusu tsingali, 13nga babaloma bari, “Muloma muri, ‘Baleekelwa beewe beetsile mu shilo nga ifwe khwakonele, bamwiiba.’ 14Lwekhuba kamakhuuwa kano ni kalyoola wa gafana, ifwe khulimuwooyawooya, mulekhe khukwa mu bukosi bwoosi ta.” 15Baryo baliindi bayila tsinusu, bakhola nga ni babalakila. Kamakhuuwa kano kasalanila mu Bayudaaya boosi, ni khukhwoolesa shaleelo.
Yezu abonekhela baleekelwa beewe
(Mrk 16.14-18; Luk 24.36-49; Yoh 20.19-23; Bur 1.6-8)
16 #
Mat 26.32; Mrk 14.28 Baryo baleekelwa liikhumi na mutweela baatsya i Galilaaya khu lukiingi lweesi Yezu abaloma khuutsyakho. 17Ne ni bamubona, bamwisaaya, ne babaandi bamwikanakana. 18Lwanyuma Yezu weetsa isi bali, wabaloma ari, “Ise nawebwile bunyala bwoosi, mwikulu ni khu shiibala. 19#Bur 1.8Nashiryo, ni mutsye mukaluse kamanaambo koosi mukekyelise baleekelwa, nga mubabatisa mu Lisiina lya Paapa nily'Omwaana, nily'Omwooyo Umukhosefu. 20Nga mubaleekela khuwamba byoosi byeesi nabalakila inywe. Mwilala, nase ndi atweela ni nanywe, bifukhu byoosi khukhwoolesa khu ntsakamo iye kumuboolo.”
Currently Selected:
Matayo 28: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 28
28
Khuulamukha khwa Yezu
(Mrk 16.1-10; Luk 24.1-12; Yoh 20.1-10)
1Lwanyuma lwa Sabato, bwaba kumutikhinyi mu mamilimili khu shifukhu shishinyoowa mu sabiiti, Mariya Magadalena, ni Mariya ukuundi tsana, baatsya khubona iŋani.
2Abawo khunikina khukali khwe shiibala, lwekhuba malayika w'Omukasya ekha khukhwaama mwikulu, weetsa khu ŋani wayilingisa libaale, walikhalakho. 3Imbonekha yeewe yaba nga khumulikha khwe kamaani, ni bikwaaro byeewe byaba byakhosa nga kamararara. 4Baliindi baarya naabi lwa malayika yuno, banikina bafwana nga babafwiile.
5Malayika waloma bakhasi ari, “Mukharya ta, lwekhuba namanyile ndi, mulikho muweentsa Yezu isi batsaangilila khu musalaba. 6Ne s'ali ano ta, walamukhile nga n'aloma. Ni mwiitse mubone esi alisibwa. 7Nio ari mutsye khaangu muboolele baleekelwa beewe muri, ‘Walamukhile mu bafu, ne bona wabaraangilile khuutsya i Galilaaya. Ibweene iyo niyo yeesi mulimubonela.’ Bona ari nababooleele.”
8Baryo bakhasi barura khaangu khu ŋani nga bariire naabi, ne nga betsuule kumwikhoyo mukali, batima baatsya khuboolela baleekelwa beewe. 9Khaangukho Yezu umweene wabakanana, wabaloma ari, “Mulembe.” Bamwiitsayo, bamutiila khu bikyele, lundi bamwisaaya. 10Lwanyuma Yezu wabaloma ari, “Mukharya ta. Ni mutsye muboolele bayaaya baase, batsye i Galilaaya, ibweene iyo niyo yeesi balimbonela.”
Tsilomo tsy'omuliindi
11Bakhasi ni baaba nga batsya, batweela khu baliindi baatsya mu shiriimba, baboolela basaayi bakhulu ibyo byoosi bibyaba byabelewo. 12Baryo ni babusana atweela ni basakhulu bakhala kamakyesi, baawa basilikhale tsinusu tsingali, 13nga babaloma bari, “Muloma muri, ‘Baleekelwa beewe beetsile mu shilo nga ifwe khwakonele, bamwiiba.’ 14Lwekhuba kamakhuuwa kano ni kalyoola wa gafana, ifwe khulimuwooyawooya, mulekhe khukwa mu bukosi bwoosi ta.” 15Baryo baliindi bayila tsinusu, bakhola nga ni babalakila. Kamakhuuwa kano kasalanila mu Bayudaaya boosi, ni khukhwoolesa shaleelo.
Yezu abonekhela baleekelwa beewe
(Mrk 16.14-18; Luk 24.36-49; Yoh 20.19-23; Bur 1.6-8)
16 #
Mat 26.32; Mrk 14.28 Baryo baleekelwa liikhumi na mutweela baatsya i Galilaaya khu lukiingi lweesi Yezu abaloma khuutsyakho. 17Ne ni bamubona, bamwisaaya, ne babaandi bamwikanakana. 18Lwanyuma Yezu weetsa isi bali, wabaloma ari, “Ise nawebwile bunyala bwoosi, mwikulu ni khu shiibala. 19#Bur 1.8Nashiryo, ni mutsye mukaluse kamanaambo koosi mukekyelise baleekelwa, nga mubabatisa mu Lisiina lya Paapa nily'Omwaana, nily'Omwooyo Umukhosefu. 20Nga mubaleekela khuwamba byoosi byeesi nabalakila inywe. Mwilala, nase ndi atweela ni nanywe, bifukhu byoosi khukhwoolesa khu ntsakamo iye kumuboolo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.